EKONOMIA

Adegi: "Gure gazteek bizitza oso erosoa dute; denetarik ematen diegun familietan bizi dira"

Ekintzailetzari buruz hitz egin nahian, gazteak beste herrialde batzuetara joateaz mintzatu da Pello Gibelalde.

Pello Gibelalde Adegi Gipuzkoako patronaleko presidentea.
Pello Gibelalde Adegi Gipuzkoako patronaleko presidentea. JUAN CARLOS RUIZ / ARGAZKI PRESS

Berria -

2015eko urriak 2

Gipuzkoako ekonomiaren egoerari buruz balorazioa egiteko, prentsaurrean azaldu da Pello Gibelalde Adegi Gipuzkoako patronaleko presidentea. Iragarpen ugari egin ditu, baina gazteen egoeraz esandakoek arrabotsa piztu dute.

Gibelaldek azaldu du Gipuzkoako per capita errenta estatuko altuena dela —33.000 euro urtean—, eta gaur egungo gazteek ez dutela "goserik". "Nahikoa dute esfortzurik ez egitearekin". Honako hau izan da Gibelalderen agerraldia, zenbait esalditan:

- "Arazo nagusia etxeetan dugu. Alemanian egotea ez da etxetik kanpo egotea; Europan egotea da. Hegazkin bat hartu eta ordu eta erdian hemen zaude. Eta ikasi beharko dugu gure gazte hauek bizi osorako egongo direla Alemanian, Ingalaterran eta Frantzian".

- "Gaur egun, mundua txikia da. Hegazkinez, bidaiarik luzeena hamabi ordukoa da; Europan, bi-hiru orduan zaude etxean. Astebururako, etxean egon zaitezke".

- "Guk arazo handiak ditugu balio duen jendea kanpora —demagun, Txina edo Indiara— hiruzpalau urterako bidaltzeko, eta gero kexatzen gara hemen ez dugula lekurik. Beraz, azter dezagun ea interesatzen zaigun Txinan egotea hamar urtez, edo etxean egotea, Donostian edo Gipuzkoan, bizitza osoan, gurasoekin, ezkontzea, Donostian edo inguruetan etxebizitza bat izatea. Hori ezinezkoa izango da. Eta ez dugu sinetsi nahi".

- "Herrialde horietara doazen mutil gazte ezkongabeak, batzuetan, ezkondu eta bertan geratzen dira. Dugun zorte bakarra da hori, bertako neskekin ezkontzen direnean ez baitira itzultzeaz kezkatzen. Bide batez, herrialde horietan neska oso ederrak daude. Eta mutilak ere bai".

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna