OSASUNGINTZA

53.930 lagunek hartuko dute parte gaurtik aurrera Osakidetzako lan eskaintza publikoan

Donostian ekin diete lehen azterketei, eta abenduaren 12 eta 13an egingo dituzte gainerakoak, BECen. Osakidetzak nabarmendu du 2014-2015eko LEPak enplegu publikoarekiko Jaurlaritzaren "konpromisoa" azaltzen duela.

Donostian egin dituzte aurreneko azterketak, eta BECen egingo dituzte gainerakoak.
Donostian egin dituzte aurreneko azterketak, eta BECen egingo dituzte gainerakoak. Jon Urbe / Argazki Press

Berria -

2015eko azaroak 21

Donostian, Eskola Politeknikoan abiatu dituzte lan eskaintza publikoko azterketak, eta bertan izan da Jose Maria Armentia Osakidetzako Giza Baliabideen zuzendaria. Bederatzi kategoria profesionaletan lanpostua lortzeko egiten ari dira azterketak, eta familia mediku eta emagin postuetarako izan dira aurreneko probak, 10:00etan hasita. 15:00etan, laborategiko teknikari posturako azterketa egingo dute, eta igandean, berriz, fisioterapeuta eta pediatra probak.

Abenduaren 12 eta 13an jarraituko dute azterketekin, administrazio laguntzaile, erizain, erizain laguntzaile eta zeladore postuetarako. Guztira, 1.014 lanpostu beteko ditu Osakidetzak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna