Webgune honek cookie-ak erabiltzen ditu zure nabigazioa errazteko, publizitatea erakusteko eta analisi estatistikoak egiteko. Nabigatzen jarraitzen baduzu, hauen erabilera onartzen duzula ulertuko dugu. Informazio gehiago nahi baduzu, kontsultatu Cookie Politika

X

Berria.eus

Mundua Gutxienez 62 lagun hil eta 59 zauritu dira Portugalen, sute batean

Publizitatea

Mundua

Portugal

Gutxienez 62 lagun hil eta 59 zauritu dira Portugalen, sute batean

Portugal erdialdean dagoen Pedrogão Grande herriko basoan piztu zen sua, atzo. Ez dakite zerk eragin duen, baina oraindik ez dute mendean hartu. Alboko herrietara ez zabaltzeko ahaleginean ari dira suhiltzaileak. Hildakoen kopurua gora doa etengabe.
Sutea Portugalen. /
Sutea Portugalen. / PAULO CUNHA, Efe

2017-06-18 / Berria

Antonio Costa Portugalgo Lehen ministroak jakitera eman duenez, jende gehienari autoan zegoela etorri zaio sua gainera. Garrei ihesi abiatu dira ibilgailuetan sartuta, baina sua beraiek baino azkarrago hedatu da. 30 bat dira autoetan topatutakoak. Etxebizitzak ere kiskali dira, eta haietan zegoen jendea ere hil dela diote. Suhiltzaileak ere badaude hildakoen artean.

Ez dakite garrak zerk piztu dituen, baina, Polizia Judizialak ez du uste nahita eragindako sua denik. Tximista batek sortuko zuela uste dute. Ikaragarrizko abiadan zabaldu zen, eta menderatu ezinda dabiltza, haizea indartsu baitabil.

Berriro halakorik ez gertatzeko neurriak hartu behar direla azpimarratu dute. "Azken garaietako gisa honetako tragediarik handiena da hau", esan du Costak.

Sua itzali eta biktimei laguntzea da lehentasuna orain, Rebelo de Sousa presidentearen esanetan. Izan ere, lan nekeza dute garrak mendean hartzen, beroa eta haizea ez baitira lagun onak.

Hiru eguneko dolua ezarri du Portugalgo Gobernuak biktimekiko elkartasunez.

Publizitatea

Sortu kontua

Publizitatea

Gaiarekin zerikusia duten albisteak