Epaia salatu dute Uemak eta Kontseiluak

 

Berria -

2017ko ekainak 23

Araba, Bizkai eta Gipuzkoako Auzitegi Nagusiak emandako epaia salatu du Kontseiluak, eta euskaraz bizi ahal izateko "instituzioek hartzen dituzten neurri eragingarrien aurrean estatuek izandako kanpo esku-hartzeetan" kokatu du. "Beste behin, Espainiako Estatuak erabaki nahi du zein hizkuntza erabili behar dugun eta zein hizkuntzatan bizi behar dugun, eta hori onartezina da", Kontseiluko idazkari nagusi Paul Bilbaok adierazi duenez.

Bilbaoren arabera, "kezka bizia" sortu du epaiaren eduki nagusiena euskarari lehentasuna eman izatean oinarritu izanak: “Egoera gutxituan dagoen edozein hizkuntza berreskuratzeko, nahitaezkoa da hizkuntza horrek lehentasuna izatea. Kanpo esku-hartzeak soberan daude euskara normalizatzeko".

Erabakiak "ez du harritu" Udalerri Euskaldunen Mankomunitateko lehendakari Josu Labaka, baina "oso larria" iritzi dio sententziari: "Beste behin ere, euskaraz bizitzea posible izan dadin, gazteleraz ere bizi behar dugula esaten digute legearen hizkera erabilita. Ezin dugula euskaldunak soilik izan. Ezin garela euskaraz soilik aritu".

"Sententziak sententzia, udalei eta erakunde publikoei lanean segitzeko eta inolako beldurrik eta lotsarik gabe euskara lehenesteko deia" egin die Labakak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna