Webgune honek cookie-ak erabiltzen ditu zure nabigazioa errazteko, publizitatea erakusteko eta analisi estatistikoak egiteko. Nabigatzen jarraitzen baduzu, hauen erabilera onartzen duzula ulertuko dugu. Informazio gehiago nahi baduzu, kontsultatu Cookie Politika

X

Berria.eus

Ekonomia 2003tik abuzturik txarrena izan da aurtengoa, autonomoen galerari dagokionez

Publizitatea

Ekonomia

Enpresak

2003tik abuzturik txarrena izan da aurtengoa, autonomoen galerari dagokionez

Uztailetik abuztura 1.192 langile autonomo gutxiago zenbatu dituzte Gizarte Segurantzan.
Langile bat, arrandegian. /
Langile bat, arrandegian. / Gorka Rubio, Argazki Press

2017-09-13 / Jon Fernandez

"Abuztua hilabete txarra izan da enpresa kopuruari dagokionez", nabarmendu du Confebaskek. Izan ere, Arabako, Bizkaiko eta Gipuzkoako patronalak azaldu du uztailetik abuztura bitartean 580 enpresa desegin direla. Berez, ohikoa da abuztuan enpresa batzuk ixtea; izatez, aurtengo abuztuan iaz baino enpresa gutxiago desegin dira: 274 konpainia gutxiago.

Hala ere, patronalak azpimarratu du enpresa kopurua izoztuta dagoela azken hamabi hilabeteetan. Iazko abuztutik aurtengora hazkunde txiki bat dago, "nahiz eta iaz baino 97 enpresa gehiago besterik ez diren, hau da, orduan baino %0,2 gehiago". Gaur egun, 57.862 konpainia daude hiru lurraldeetan.

Enpresa galerarena baino larriagoa izan da abuztuan galdutako langile autonomoen kopurua. "Jaitsiera nabarmena" izan dela ohartarazi du Confebaskek, eta gogora ekarri du aurtengoa 2003tik izandako abuzturik txarrena izan dela, 1.192 autonomo gutxiago baitzeuden uztailean baino. "Erortzea azkartu egin da, eta minimo berri bat ezarri da".

Patronalaren arabera, datu hauek baieztatu egiten dute "krisi garaian galdutako enpresa ehuna berreskuratzeko euskal ekonomiaren zailtasun izugarria, eta enpresa proiektu berriak eta sorkuntza lehenetsiko duten politiken beharra agertzen dute".

Publizitatea

Sortu kontua
Jon Fernandez

Publizitatea

Gaiarekin zerikusia duten albisteak