Webgune honek cookie-ak erabiltzen ditu zure nabigazioa errazteko, publizitatea erakusteko eta analisi estatistikoak egiteko. Nabigatzen jarraitzen baduzu, hauen erabilera onartzen duzula ulertuko dugu. Informazio gehiago nahi baduzu, kontsultatu Cookie Politika

X

Berria.eus

Gizartea Euskaldun berrien ekarpena goraipatu du Urgellek

Publizitatea

Gizartea

Euskaldun berrien ekarpena goraipatu du Urgellek

 

2012-12-03 / Berria

Euskaldun berriek euskarari eginiko ekarpena eta hizkuntza kalean izan dadin gizarteak eginiko ahalegina goraipatu du Eusko Jaurlaritzako jarduneko Kultura sailburu Blanca Urgellek, Euskararen Egunaren harira. Areago, euskara etxetik kanpo ikasi dutenei eta horretan dihardutenei "omenaldi bat" egitearen alde azaldu da.

Ohar baten bidez, elebitasunerantz eginiko urratsak nabarmendu ditu, baina gaineratu du "bide luzea" geratzen dela euskararen erabilera eta etorkizuna bermatzeko. Bide hori akordioen bitartez egin behar dela azaldu du Urgellek.

Seme-alabak bi eleko hezkuntza ereduan matrikulatu dituztenei eta euskara erabiltzen duten euskaldun zaharrei ere gorazarre egin die Urgellek, talde guztien artean osatzen baitute "euskararen mosaiko aniztuna". "Haiek gabe, haien borondaterik gabe ez ginateke egungo egoerara iritsiko". Erantsi du gizarteak duela euskararen normalizazioaren "gakoa".

Publizitatea

Sortu kontua

Publizitatea

Gaiarekin zerikusia duten albisteak