Webgune honek cookie-ak erabiltzen ditu zure nabigazioa errazteko, publizitatea erakusteko eta analisi estatistikoak egiteko. Nabigatzen jarraitzen baduzu, hauen erabilera onartzen duzula ulertuko dugu. Informazio gehiago nahi baduzu, kontsultatu Cookie Politika

X

Berria.eus

Gizartea Frantziako lehen ministroak AHT xedea lurperatu du

Publizitatea

Gizartea

Azpiegiturak

Frantziako lehen ministroak AHT xedea lurperatu du

Jean-Marc Ayrault Frantziako lehen ministroak bat egin du Mugikortasuna 21 batzordeak osatu duen txostenarekin, eta begi onez ikusten du gaur egungo trenbideak arraberritzea, gaur zabaldu duen gutun baten bidez. Ayraultek AHT xede berriak baztertzearekin bat egiten du ondorioz. Frantziako Mugikortasuna 21 batzordeak gaur helaraziko dio Frantziako Gobernuari azken hilabeteotan landu duen txostena. Atzo gauean bi lan dokumentu zituzten, eta bietan gibelatua da Bordele-Hendaia arteko AHT atala. Bideoa: AHTaren egitasmoan izandako aldaketak.

2013-06-27 / Aitor Renteria

Frantziak 2030. urtera bitartean landuko dituen AHT xedeetan ez da ageri Lapurdiko atala. Geroan ere, xede hori lantzeko bermerik ez du aipatzen txostenak, lehentasunetatik at utzi ondoren.

Frantzian eginen dituzten AHT xede guztientzat lehentasunak finkatu ditu batzordeak, eta bi agertoki ezberdin landu dituzte. Lehenean, zortzi eta hamar mila milioi arteko aurrekontua proposatu dute. Horretan ez da aipatu Bordeletik hegoalderako AHT xederik. Bigarren agertokian, 26 eta 28 mila milioi arteko aurrekontua proposatu da, bertze ikerketa batzuk burutzeko. Bi dokumentu horietan ere ez da ageri Bordeletik beherako AHT xederik.

CADEk jakinarazi duenez, Frantziak ez du dirurik azken agertoki horri eusteko. AHTaren aldeko eragileek azken orduko zin bat lortu dute, eta balizko aurrekontu hori 30 mila milioi eurora emendatuko litzateke. Agertoki hori onartzen badu Frantziako Gobernuak, bost egitasmo ikertuko ditu Frantziak, horietan barna Bordele-Tolosa (Frantzia) atala.

CADEren iritziz, gobernuak ez duen diruarekin zin hori eginen balu ere, ez litzateke sinesgarria. Mugikortasuna 21 batzordeak landutako proposamenak AHTaren aldekoen porrota erakusten duela dio CADEk.

 
Aitor Renteria

Publizitatea

Gizartea saileko albiste gehiago

Albiste nagusiak

Masek irailaren 27ko bozetara deitzeko dekretua sinatu du

Kataluniako Gobernuko presidenteak dei egin die alderdiei hauteskundeetara herrialde horrentzako duten proiektua aurkez dezaten, eta azpimarratu du Espainiako Gobernuaren jarrerak eraman duela bozetara deitzera. Kataluniako Parlamentua aukeratzeko ohiko hauteskundeak izango diren arren, independentziaren aldeko indarrak neurtzeko balioko dute.

Gehien irakurriak