Hegoaldeko sindikatuak presoen urruntzearen aurka azaldu dira
ELA, LAB, CCOO, UGT, Steilas, ESK, EHNE, Hiru eta Etxaldek espetxe politika berria egiteko eta «bizikidetza politiketan» aurreratzeko eskatu dute
2018-07-01 / Edurne Begiristain
Hego Euskal Herriko sindikatu nagusiek eta gehien-gehienek euskal presoen urrunketa politika amaitzeko eskatu dute. EAEn ELA, LAB, CCOO, UGT, Steilas, ESK, EHNE, Hiru eta Etxaldek ohar bateratua kaleratu dute Foro Sozial Iraunkorrak egindako proposamenari erantzunez; Nafarroan, batzuek euren oharra atera dute, baina aldarrikapenak berberak dira. Euskal presoak sorterritik gertuen dauden kartzeletara hurbiltzearen alde Eusko Legebiltzarrak ekainaren 13an eta Nafarroako Parlamentuak ekainaren 29an erdietsitako akordioei babesa agertu diete sindikatuek. Egungo espetxe politikarekiko «desadostasuna» agertu dute, eta urrunketa bukatzeko eskatu.
Sindikatuek babestutako oharrak hiru puntu ditu. Lehen puntuan, «desadostasuna» adierazi diete urrunketa politikari eta «bakartzerako salbuespenezko neurriei». Bigarren puntuan, beharrezkotzat jo dute kartzela politika berri bat egotea, presoak «errotze soziala eta familiarra duten tokietatik» gertu egon daitezen eta «senideekiko harremana erraztu» dadin. Hirugarrenik, ezinbestekotzat jo dute «bizikidetza politiketan» aurrera egitea, eta, horretarako, «egoki» deritzote banakako neurriak eta gizatasun printzipioak ezartzeari, eta eragindako kaltea aitortzeari.
Adierazpen bateratua ez ezik, joan den ekainaren 13an euskal presoen urruntze politika ere amaitzeko eskatuz Eusko Legebiltzarreko Giza Eskubideen Batzordean onartutako mozioari eta Nafarroako Parlamentuak joan den ostegunean onartutakoari babesa agertu diete sindikatuek —CGTk ere babestu du Nafarroako mozioa—. Eusko Legebiltzarrean, PPk ez gainerako taldeek onartu zuten presoen aldeko testua, eta Nafarroako Parlamentuan UPNk eta PPk ez beste taldeek.
Foro Sozialak txalotu egin du sindikatu guztiek hartu duten jarrera. Adierazi du halako pausoek «indartu» egiten dutela espetxe politika aro berrira egokitzearen alde dagoen gehiengo politiko, sozial eta sindikala. Herenegun, Bartzelonako Udala Euskal Herriko bakearen alde azaldu zen.
EAEko PPren kritika
Alfonso Alonso EAEko PPko presidenteak deitoratu egin du EAJk eta Pedro Sanchez Espainiako gobernuburuak ez izatea lehentasuntzat ETAren biktimak, baizik eta «pistolak zituztenak» eta «tiroak ematen zituztenak».
Bestalde, AEM Amnistiaren Aldeko eta Errepresioaren Kontrako Mugimenduak salatu du Auzitegi Nazionaleko Espetxe Zaintzako epaileak Patxi Ruizi ukatu egin diola gaixo duen aita ikustea.
Sindikatuek babestutako oharrak hiru puntu ditu. Lehen puntuan, «desadostasuna» adierazi diete urrunketa politikari eta «bakartzerako salbuespenezko neurriei». Bigarren puntuan, beharrezkotzat jo dute kartzela politika berri bat egotea, presoak «errotze soziala eta familiarra duten tokietatik» gertu egon daitezen eta «senideekiko harremana erraztu» dadin. Hirugarrenik, ezinbestekotzat jo dute «bizikidetza politiketan» aurrera egitea, eta, horretarako, «egoki» deritzote banakako neurriak eta gizatasun printzipioak ezartzeari, eta eragindako kaltea aitortzeari.
Adierazpen bateratua ez ezik, joan den ekainaren 13an euskal presoen urruntze politika ere amaitzeko eskatuz Eusko Legebiltzarreko Giza Eskubideen Batzordean onartutako mozioari eta Nafarroako Parlamentuak joan den ostegunean onartutakoari babesa agertu diete sindikatuek —CGTk ere babestu du Nafarroako mozioa—. Eusko Legebiltzarrean, PPk ez gainerako taldeek onartu zuten presoen aldeko testua, eta Nafarroako Parlamentuan UPNk eta PPk ez beste taldeek.
Foro Sozialak txalotu egin du sindikatu guztiek hartu duten jarrera. Adierazi du halako pausoek «indartu» egiten dutela espetxe politika aro berrira egokitzearen alde dagoen gehiengo politiko, sozial eta sindikala. Herenegun, Bartzelonako Udala Euskal Herriko bakearen alde azaldu zen.
EAEko PPren kritika
Alfonso Alonso EAEko PPko presidenteak deitoratu egin du EAJk eta Pedro Sanchez Espainiako gobernuburuak ez izatea lehentasuntzat ETAren biktimak, baizik eta «pistolak zituztenak» eta «tiroak ematen zituztenak».
Bestalde, AEM Amnistiaren Aldeko eta Errepresioaren Kontrako Mugimenduak salatu du Auzitegi Nazionaleko Espetxe Zaintzako epaileak Patxi Ruizi ukatu egin diola gaixo duen aita ikustea.
