Edozein zalantza argitzeko, jar zaitez gurekin harremanetan
943-30 43 45 (astelehenetik ostiralera: 08:30-16:00)
Txat bidez (astelehenetik ostiralera: 08:30-16:00)
Goienerrek eta BERRIAk lankidetza hitzarmena sinatu dute
2020-03-12
BERRIA /
Erika Martinez Lizarraga Goienerreko lehendakariak eta Iban Arregi BERRIA Taldeko kontseilari ordezkariak hitzarmen bat sinatu dute.
Goienerrek eta BERRIAk zenbait printzipio komun dituzte. Lehenik, «harreman ekonomikoetan tokian tokiko eta bide laburreko interakzioak garatu eta sustatzen» dituzte. Bigarrenik, pertsona erdigunean jartzen duen ekonomia ereduaren alde egiten dute. Hirugarrenik, ingurumenaren ikuspegitik, kontsumo, merkataritza eta ekoizpen prozesu jasangarriak sustatzearen alde daude.
Goienerrek nabarmendu du BERRIAk euskaraz eta Euskal Herrirako egiten duela kazetaritza, eta balioen artean daukala ingurumenarekiko zaintza eta ardura. 2021ean lankidetza horri bide emateko asmoz, hainbat proiektu garatzeko azterlanean ari dira.