Berria.infoko blog komunitatea

Login

Mendiko behatokia

Pello Zabala

Mezua: Giro eleberria

2013-05-24

Permalink haizearenak, 353 hitz  

Giro eleberria

Ez da Italiako birakoa, ez! Gure ‘giro-bira’ partikularrarena baino! Giro italiakoa, (ez tronpatu italiar giro bestelakoarekin) hilabete eskaseko aldia da. Gure ‘giro-bira’, ordea, urte osokoa eta segi-segikoa, halako ‘entorno’ren bateko zigilua eransten ez badigute, AN edo Hemen bertan… hangoengandik gertutxo omen dabiltz hangoago diren hemengo batzuk eta…

Alegia, aurtengo giro gureaz nabil… euskaldunok ezer mintzagai badugu, giroa omen dugu eta. Beraz, aurtengo giro gureaz jaso, entzun, beraietaz jabetu, barruan gorde (batzuk), aparte (erabat nazkatuta) utzi, eta ahaztu nahi izan ditudan (ahalegindu naizelako ta naizeneko juramentu dagizuet) galdera denetarikoak apuntatu eta ilada luze azkengabean (oraindik ez baitira bukatu, ez-eta gutxiagorik ere) idatzi izan banitu… (har dezadan arnas hari bat…) ziurtatuko nizueke, ezta “Moroak gara behelaino artean?” bera ere ez zela galdera-sortaren erdira, edo apustu-trabesetara jarrita, ezta laurdenera ere iritsiko. Ohartu duzue, edo zaizue, edo ohartarazi zaituztet, ezta, nola Joxebaren eleberria ere, behelaino eta guzti, euskaldun gehienok bezala, giroaz ari zaigun…

Ba, egia esan, gartak edo koarta-tenporak ere oraintxe izanik, ia dozena itaun jaso ditut gaur goizean bertan. Noski, izparringitik, segapotoak beti izan ditugu gerrian ez bada aldamenean eta… aldentzea pentsatu eta, halaxe uste izan zait egokien, itzali, eten, eta kitto. Barka bezaidate, barkazioa eskatzea zela egokiena erakutsi ziguten eta, halaxe biezadate, birritan eskatzea ere komeni baita batzutan, barkatzea ez hainbeste, baina, barkazio ematea bai, hori areago kostatzen baitzaie askori… txikitatik maite nituen gabonetako eta udako ‘barkazioak’

Kontua da, koarta-tenporen astean aurrera goazela: asteazkena, atzo, gaur, bihar, etzi, astelehen, astearte eta asteazken 29koa ditugula gure aurrekoek maite zituzten egunak haizeari erreparatzeko… Pozik naiz, nor ez da poztuko bada, aurretik esan zigutena baino argiagoa bada giro-bira gurea? Gogora ekarri nahi nuke, galdetzeko egunak ez baino, erreparatzeko aldia dugula oraingoa. Erreparatu haizeari, hala goizean nola eguerdi eta arratsean, nondik nora dabilen gogoan hartzekoa… ez haizeak nora egingo duen, hori nahaslea baita… “haizeak iparrera egingo du” esaten badidate, nik, eta nire inguruko baserritar askok, haize hori hegoa dela ulertzen baitugu, nahiz eta alderantziz gaztiga nahi izan diguten, eta orduan bai, gaztigatuak gu suertatzen gara. Animo, bada! Erreparoan ibili, erreparoan ez da ezertxo ere galtzen eta.

Jardungo gara, edo jardungo naiz, hurrengo egunotan ere, eleberriaren kapituluak argitu asmoz…

Erantzunak:

Bidaltzailea: Txantrea [Bisitaria]
Haizeari erreparatu beharko zioagu, geroa iragarriko badugu. Egunotan lanak izorratutako gerribueltan hotza sentitu diagu, batez ere goizetan. Belaunak ere, giltzadura gehienak bezalaxe, kexu zebiltzak, minberaturik, eguraldiaren beldur. Ez zekiat zer etorriko zaigun, baina euria hagitz gogoko dudan arren, zuhaitz eta landareak Eguzki Anderearen aiduruan zaudek. Ea zer datorkigun.

Egon bizkor eta legorrean.
Permalink-a 2013-05-25 @ 02:13

Erantzun:

Zure eposta ez da orrialdean erakutsiko.
Zure URL-a erakutsiko da.
Onartutako XHTML etiketak: <p, ul, ol, li, dl, dt, dd, address, blockquote, ins, del, a, span, bdo, br, em, strong, dfn, code, samp, kdb, var, cite, abbr, acronym, q, sub, sup, tt, i, b, big, small>
URLs, email, AIM and ICQs will be converted automatically.
Aukerak:
 
(Lerro saltoak <br /> bihurtzen dira)
(Izena, eposta & url-arentzako cookiak finkatu)
authimage
Erantzuna bidaltzeko idatz ezazu goiko eremuan egiaztapen kodea; goiko aldean ageri den zenbakia, alegia. OHARRA: Zure erantzuna onartzen ez bada, orrialdea berriro kargatu eta kode berria sortu beharko duzu erantzuna bidali aurretik!

Mendiko behatokia

Behatokian gustura nabil. Mendikoa da behatokia: izadi naturalean kokatua. Natural izatea lortu nahi, nonbait. Hontzaren begi bihurriak nahi ditut: ilunean dakitenak. Erreparatu ahala, ikusia jakin aurretik, azaleratu nahiko nizuke, denon aurrean ikasteko. Ondo ikasiak leku gutxi. Eta asko balio...

Iraila 2019
Ast Ast Ast Ost Ost Lar Iga
<<  <   >  >>
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30

Bilaketa

Blog hau sindikatu XML

powered by
b2evolution

Valid XHTML 1.0!  Valid CSS!

Valid RSS!  Valid Atom!