Berria.infoko blog komunitatea

Login

Teknokrazia

tecnos Vs. kratos

Mezua: Kontrakanpaina

2009-02-19

Permalink internet, 372 hitz  

Kontrakanpaina

kontrakanpaina

Bitxikeria batzuk aipatuko ditut Teknokrazia blogeko gaurko entregan. Izan ere, aurtengo kanpainan inoiz baino elementu esperpentiko gehiago aurki daitezkeela esango nuke. Eta, jakina, Internetek ere badu horretan eraginik.

Diseinu grafikoak eta bideoek gero eta indar gehiago dute, eta alderdi politiko baten edo bestearen jarraitzaileek asko erabiltzen dituzte. Ez soilik euren hautagaia goraipatzeko. Maiz, beste hautagaiei trufa egiteko edo aurkari politikoak salatzeko erabiltzen baitira euskarriok. Kultura bisualaren munduan bizi gara.

Esan bezala, bideoa da Interneteko kanpainan gehien erabiltzen den euskarrietako bat, edo erabiltzen direnen artean eragiteko gaitasun handiena duena behintzat. Gaur zenbait bideo aipatuko ditut, baina askoz gehiago ere badira, nola spotak hala bideo biralak. Datozen egunetan helduko diot gai honi zuzenean.

Kontrakanpainaren gaiarekin jarraituz, aurten hainbat izan dira azaleratu diren kasuak. Teknopataren txokoan ikusi nuen lehenengo kasu bitxia. Euskal Herriko kaleetan, Spock jaunaren irudia duten afitxak eta pegatinak zabaldu dira, EAJren hautagai Juan Jose Ibarretxek erabilitako leloetako batekin: "Ahora más que nunca". Oraindik lehendakari denaren eskuetara ere iritsi dira pegatina horietako batzuk eta, antza, gustatu ere gustatu zaizkio Ibarretxeri:

Ibarretxe eta Lopez dira kontrakanpaina ezberdinen begipuntuaren xedean dauden hautagaiak, akaso irabazteko aukera gehienak dituztenak direlako. Ezker Batuak, esaterako, bere aurkari ideologikoaren aurka ekin du, "PPatxi Lehendakari?" leloa erabiliz.

Euzko Gaztedi jeltzaleak, bestalde, "The Godfather" filmaren bitartez parodiatu du Lopezen irudia. Erdarazko "El Padrino" edo Al Pacino aktorearen beraren izena oinarri hartuta, "El Pachino" izenburua daramaten kartelak kaleratu baititu.

Alderdi Popularreko Nuevas Generaciones delakoak ere Ibarretxe hautatu du bere kritiken jomuga gisa, eta "Contigo no, bitxo" izeneko bideoa kaleratu du, Youtuben arrakasta izugarria izan zuen beste bideo batean inspiratuz. Hemen ikus dezakezue PPren bideoa:

Bistan da alderdiek beren gazte erakundeak erabiltzen dituztela maiz gisa honetako kanpaina oldarkorragoak egiteko, politikoki ez hain zuzenak direla usteko baitute akaso.

Ezker abertzaleak ere baliatu du kontrakanpainarako euskarririk. Interneten ez ditut topatu, kalean baizik. Horietako batzuetan AHTren egitasmoari egiten zaio erreferentzia, Lopez eta Ibarretxeren irudiekin batera. Ikusi ditudan beste batzuetan, EAJren logoa ageri da bandera espainolaren gainean.

Bien bitartean, Facebooken PPren legez kanporatzea eskatzen duen talderik ere sortu du norbaitek, eta dagoeneko seiehun lagundik gora kidetu dira...

Dena dela ere, faltan bota ditut herritarrengandik sortutako ekimen gehiago, esan bezala, kontrapropaganda, satira eta umorea biltzen duten euskarrien artean aipatu ditudan gehientsuenak alderdien barrenetik jaiotakoak dira, eta ez norbanakoengandik.

Erantzunak:

Bidaltzailea: Jesús Mª Aragón Samanes [Bisitaria] · http://jemaragon@tudela.com
Argi eta garbi dudana, zera da: egoera izoztu honetatik ateratzeko ezustekoari aukera ematea dela bide bakarra, eta hori botoemaileen esku dagoela, beren ohiko botoa, edo komunikabideek sugeritutakoa, aldatuz. Horrela, Parlamentuaren kolorea aldatuko da eta egoera berri bat aukeraren bat izan daiteke. Adibidez, Bizkaian, EKAren alde apostatzen.
Permalink-a 2009-02-20 @ 18:25

Erantzun:

Zure eposta ez da orrialdean erakutsiko.
Zure URL-a erakutsiko da.
Onartutako XHTML etiketak: <p, ul, ol, li, dl, dt, dd, address, blockquote, ins, del, a, span, bdo, br, em, strong, dfn, code, samp, kdb, var, cite, abbr, acronym, q, sub, sup, tt, i, b, big, small>
URLs, email, AIM and ICQs will be converted automatically.
Aukerak:
 
(Lerro saltoak <br /> bihurtzen dira)
(Izena, eposta & url-arentzako cookiak finkatu)
authimage
Erantzuna bidaltzeko idatz ezazu goiko eremuan egiaztapen kodea; goiko aldean ageri den zenbakia, alegia. OHARRA: Zure erantzuna onartzen ez bada, orrialdea berriro kargatu eta kode berria sortu beharko duzu erantzuna bidali aurretik!

Teknokrazia

Haritz Rodriguez kazetariak hautes-kanpainaren interneteko eraginaren berri emango du egunero Teknokrazia blogean.

Azaroa 2019
Ast Ast Ast Ost Ost Lar Iga
<<  <   >  >>
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  

Bilaketa

Atalak


Blog hau sindikatu XML

powered by
b2evolution

Valid XHTML 1.0!  Valid CSS!

Valid RSS!  Valid Atom!