<![CDATA[Iñigo Astiz | Berria.eus]]> http://www.berria.eus Bere azken artikuluak eu Sun, 24 Sep 2017 23:02:43 +0200 hourly 1 <![CDATA[Iñigo Astiz | Berria.eus]]> http://www.berria.eus/irudiak/berriaB.png http://www.berria.eus <![CDATA[Zazpi lurraldeetara hedatuko da lehen aldiz Bertsolari Txapelketa Nagusia]]> http://www.berria.eus/albisteak/145090/zazpi_lurraldeetara_hedatuko_da_lehen_aldiz_bertsolari_txapelketa_nagusia.htm Tue, 12 Sep 2017 14:51:36 +0200 Iñigo Astiz http://www.berria.eus/albisteak/145090/zazpi_lurraldeetara_hedatuko_da_lehen_aldiz_bertsolari_txapelketa_nagusia.htm Hamalau saioen egutegi osoa ere zabaldu dute antolatzaileek, eta salgai izango dira gaurtik aurrera final laurdenetarako sarrerak www.bertsosarrerak.eus atarian. Elkarteko bazkideek soilik izango dute oraingoz finalaurreko eta finaleko eta saio guztietarako bonua erosteko aukera, eta prezio murriztuak izango dituzte. Bertsozale elkartearen webgunean ikus daitezke saio bakoitzeko parte hartzaileak. Finaleko zortziak Ohi bezala, fasez fase joango da estutuz galbahea. 36 bertsolarik hasiko dute txapelketa lehen fasean. Sei saio jokatuko dira lehen galbahe horretan guztira, eta automatikoki pasatuko dira finalaurrekoetara saio horietako bakoitzeko lehen sailkatuak. Sei bertsolari horiez gainera, saio horietan ateratako sailkapen orokorreko lehen hamabi onenak ere pasatuko dira, eta finalaurrekoetan arituko dira horiek ere. 2013ko Txapelketa Nagusiko finalistak ere fase horretan sartuko dira txapelketara, eta, guztira, 24 bertsolari izango dira, beraz, finalaurrekoetako lehen itzulian kantuan. Hemezortzi pasatuko dira fase horren bigarren itzulira hortik, eta bigarren itzuli horretako sailkapenaren arabera aterako dira finalean Amets Arzallus azken txapelketako txapeldunarekin kantatuko duten beste zazpi bertsolarien izenak. 2013an finalean izan zen Unai Iturriaga, baina aurten ez du izenik eman txapelketan. Haren ordezkorik ez da sartuko finalaurrekoetan, beraz. Gipuzkoako txapelketaren bidez txapelketarako sailkatuta zegoen Iñaki Gurrutxaga bertsolariak ere uko egin dio parte hartzeko aukerari, eta Felix Zubiak abestuko du haren ordez. Lurralde osoa Zazpi lurraldeetara helduko den lehen txapelketa ere izango da aurtengoa. “Ez da kasualitatea, eta ezta kontu sinbolikoa ere", zehaztu du Jokin Castaños antolakuntza taldeko kideak. Euskal Herri osoan bertsolaritza sustatzeko egiten den lanaren fruitu da zabalpen hori, haren hitzetan. Lehenago ere pasatu izan da txapelketa lurralde guztietatik, baina sekula ez zen hori gertatu txapelketa bakarraren barruan. “Hori da bertsolaritza bizirik den seinale", esan du Iñaki Murua Euskal Herriko Bertsozale Elkarteko lehendakariak. “Bertsozaletasuna lurralde osora iristen den seinale". Txapelketa lan zabalagoaren punta dela nabarmendu dute antolatzaileek. Eta eguneroko lan isil hori eskertu dute. “Mugimendu bizi eta dinamiko horren ondorio eta parte da txapelketa nagusia". Txapelketako irudia eta doinua ere aurkeztu dituzte. Paxkal Irigoienek egin du musika, eta Lanku kultur zerbitzuek egin dute irudia. Zelai zabal bat eta hor aulki batera igota kantuan ari den emakume bat ikus daitezke bertan. Irudi soila. Izan ere, bertsoari protagonismorik ez kentzea izan da helburua, antolatzaileek azaldu dutenez.]]> <![CDATA[18 urtetik gorako bizkaitarrak doan sartu ahalko dira urrian Guggenheimen]]> http://www.berria.eus/albisteak/144865/18_urtetik_gorako_bizkaitarrak_doan_sartu_ahalko_dira_urrian_guggenheimen.htm Mon, 04 Sep 2017 13:36:43 +0200 Iñigo Astiz http://www.berria.eus/albisteak/144865/18_urtetik_gorako_bizkaitarrak_doan_sartu_ahalko_dira_urrian_guggenheimen.htm <![CDATA[John Ashbery poeta hil da]]> http://www.berria.eus/albisteak/144863/john_ashbery_poeta_hil_da.htm Mon, 04 Sep 2017 12:24:22 +0200 Iñigo Astiz http://www.berria.eus/albisteak/144863/john_ashbery_poeta_hil_da.htm <![CDATA[Antoniak, Berneri, Finkiel, Libon eta Hinant, Popescu eta Schwentke ere, Zinemaldiko lehian]]> http://www.berria.eus/albisteak/143621/antoniak_berneri_finkiel_libon_eta_hinant_popescu_eta_schwentke_ere_zinemaldiko_lehian.htm Mon, 28 Aug 2017 12:46:34 +0200 Iñigo Astiz http://www.berria.eus/albisteak/143621/antoniak_berneri_finkiel_libon_eta_hinant_popescu_eta_schwentke_ere_zinemaldiko_lehian.htm Lehia ofizialean izango dira Urszula Antoniak poloniarra, Anahi Berneri argentinarra, Emmanuel Finkiel frantsesa, Jean Libon eta Yves Hinant belgikarrak, Constantin Popescu errumaniarra eta Robert Schwentke alemaniarra. Orotara, 18 film izango dira sail ofizialean, beste hiru lehiaketaz kanpo proiektatuko dira, eta beste lau emanaldi berezi izango dira. Aurrez beste bitan izan da Berneri Donostian, esaterako, eta epaimahaiko kide ere izan zen iaz. Encarnacion filmarekin izan zen 2007an, Aire libre lanarekin 2014an, eta aurten Alanis lana aurkeztuko du. Haur txiki bat duen prostituta baten zailtasunak kontatzen ditu filmak. ]]> <![CDATA[Koplowitz bildumako 90 artelan bildu ditu Bilboko Arte Ederren Museoak]]> http://www.berria.eus/albisteak/137277/koplowitz_bildumako_90_artelan_bildu_ditu_bilboko_arte_ederren_museoak.htm Wed, 26 Jul 2017 08:16:19 +0200 Iñigo Astiz http://www.berria.eus/albisteak/137277/koplowitz_bildumako_90_artelan_bildu_ditu_bilboko_arte_ederren_museoak.htm Alicia Koplowitz-Grupo Omegarena. Eta haren parte garrantzitsu bat ikusi ahalko da Bilbon urriaren 23ra arte.]]> Francisco Calvo Serraller artearen historiako akademiko eta katedratikoak Bilboko Arte Ederren Museoak zabalduko duen erakusketa. Alicia Koplowitz-Grupo Omega bilduma partikularraren 90 pieza biltzen ditu guztira: Kristo aurreko II. mendeko eskultura klasikoekin hasi, eta gaur egungo artistenganaino. Europako bilduma artistikorik nabarmenetariko bat da Koplowitzena, baina iaz erakutsi zuten jendaurrean lehen aldiz Parisen. Eta handik heldu da Bilboko museora. Frantzian baino 38 pieza gehiago izango ditu erakusketak, ordea, Euskal Herrian. 30 urte eman ditu Alicia Koplowitz bildumagileak arte obrak erosten, eta lehen lerroko artisten lanak eskuratu ditu tarte horretan. Pisu handikoa da, horregatik, Bilboko erakusketak biltzen dituen artisten zerrenda: Francisco Zurbaran, Luis de Morales, Francisco de Goya, Vincent Van Gogh, Paul Gauguin, Pablo Picasso, Juan Gris, Antoni Tapies, Piet Mondrian, Egon Schiele, Mark Rothko, Andy Warhol, Donald Judd, Alberto Giacometti, Alexander Calder, Anselm Kiefer... Mundu osoan itzal handikoa Bildumaren "bikaintasuna" nabarmendu du Calvo Serraller adituak aurkezpenean, eta mendebaldeko artearen historiaren zati garrantzitsu bat erakusten duelako aipatu du artearen mikrokosmosarena. "Mundu osoan itzal handia du", zehaztu du. BBK areto osoa hartzen du erakusketak, baita arte garaikideari eskainitako solairuaren areto bat ere. Bederatzi multzotan ordenatu dituzte piezak, eta kronologikoki antolatu dute ibilbidea museoko arduradunek. Halere, piezen arteko elkarrizketak ere sortu nahi izan dituzte muntatzearekin. "Lan guztiak hari gidari sotil batek batzen ditu", azaldu du Almudena Ros komisarioak. Bilboko eskaintza indartzea Erakusketaren garrantzia nabarmendu du Miguel Zugaza Arte Ederren Museoko zuzendariak. "Artearen Europako hiriburu handietariko bat bilakatzen ari da Bilbo gaur egun. Horregatik, keinu horrekin, Aliciak [Koplowitzek] indartu egin du ez soilik museoko programazioa, baizik eta baita hiriaren kultur eskaintza ere". Javier Viar zuzendariaren lekukoa hartu duenetik, Zugazak antolatutako lehen erakusketa da Koplowitz bildumarena, eta, neurri handi batean, Bilbora heldu aurretik Madrilgo Prado museoko zuzendari zenean Koplowitzekin izandako tratu zuzenaren emaitza ere bada erakusketa. Eskerrak eman dizkio, horregatik, keinu horregatik ere Koplowitzi. Ostiralean zabalduko dute erakusketa ofizialki, eta egunero egongo da zabalik gero, urriaren 23ra arte. Izan ere, Petronor enpresaren babesarekin antolatu dute erakusketa, eta museoaren atseden egunean ere erakusketa zabalik jartzea ahalbidetu du babes horrek. Horregatik, asteartez ere bisitatu ahalko da bilduma.]]> <![CDATA[Zonbien maisua hil da]]> http://www.berria.eus/albisteak/136976/zonbien_maisua_hil_da.htm Mon, 17 Jul 2017 11:42:19 +0200 Iñigo Astiz http://www.berria.eus/albisteak/136976/zonbien_maisua_hil_da.htm George A Romero zinemagilea. 77 urterekin hil da.]]> George A Romero zinemagilearen azertu nagusia (New York,1940 - Toronto,2017). AEBetako gizartearen makur guztiak irudikatuko zituen ikurra sortu zuen 60ko hamarkada amaierako bere zonbi filmekin. Beste hainbat belaunaldikiderekin batera, zinema egiteko modu bat ere inauguratu izana aitortzen diote zinema adituek: aurrekontu txikiak, ekoizpen etxe handien bazterrean, eta halere aretoak betetzeko gai. Toronton hil zen, igandean, zonbien maisua. The Night of the Living Dead filmarekin hasi zuen bere ibilbidea, 1968an. 120.000 dolar eskaseko aurrekontua izan zuen hura filmatzeko, baina maisulan bat egin zuen zuzendariak. Izua eta umore tanta batzuk tartekatuz, AEBetako gizartearen kontsumismoaren eta inkomunikazioaren aurkako satira zorrotza egin zuen Romerok zonbi saldo baten bidez. Arrakasta izan zuen filmak, eta genero bereko hainbat lan sortu zituen hurrengo urteetan: Dawn of the Dead (1978) eta Day of the Dead (1986) tartean. Romerok ezarri zituen generoaren garapena ezarriko zuten arauak, eta milaka imitazio izan zituen urteekin. Egin zituen zonbien filmez bestelako lanak ere, baina bueltatu egiten zen gero generora. Industria handiarekin ere izan zituen hartu-emanak, eta 1982ko Creepshow eta 1987ko Monkey Shines lanak izan daitezke horren adibide. Zinemagintzarekin kritiko Ez zen guztiz eroso sentitzen maisu izendapenarekin, eta ez zuen genero bat sortu zuenik sentitzen ere. Hamasei film egin zituen guztira, baina gehiago egiteko gogoz gelditu zen. Zonbi film gehiago bazituen prest, baina ez zuen finantzaketarik lortu. Satira zorrotzez deskribatu zuen, esaterako, 2005ean filmatutako Land of the Dead filmak sortutako buruhausteak. “Hori da egin dudan zonbi filmik handiena, eta ez dut uste hain handia izan behar zuenik ere. Aktoreak kontratatzen joan zen dirurik gehiena. Oso onak ziren, baina ez dut uste hainbeste diru gastatu behar zenik. Dennis Hopperren puruen aurrekontua handiagoa zen Night of the Living Dead filmaren produkzio kostu osoa baino. Halaxe dira gauzak".]]> <![CDATA[Eako Poesia Egunek artea eta irudia izango dituzte ardatz aurten]]> http://www.berria.eus/albisteak/136675/eako_poesia_egunek_artea_eta_irudia_izango_dituzte_ardatz_aurten.htm Fri, 07 Jul 2017 13:07:55 +0200 Iñigo Astiz http://www.berria.eus/albisteak/136675/eako_poesia_egunek_artea_eta_irudia_izango_dituzte_ardatz_aurten.htm 20:00. Biba voi! Dario Fo eta Franca Rame akorduan. Mikel Martinez eta Irati Agirreazkuenaga aktoreen eskutik, Eskolondon.
20:40. Erori da, erori da Gernika libre hura! irakurketa, Eskolondon.
22:00. Izenak, sagutxo bat eta itsasontzia. Joseba Sarrionandiaren poemak galegoz, Isaac Xubin itzultzailearen eskutik, Eskolapen.
22:30. Errime taldea, Eskolapen. Uztailaren 15a
11:00. Egunak ihesi doaz basazaldiak bezala mendiez gaindi. Xabier Gantzarain, Eskolondon.
13:00. Alfonsina eta itsasoa poesia errezitaldia, Uxue Alberdi, Iñaki Zabaleta eta Txakur Gorriaren eskutik, Moilan.
15:00. Herri bazkaria, Bedaronan.
17:30. Inun taldea eta Amaiur B. Blasco poeta. Bedaronako plazan.
20:30. Hariak. Ertza, Eskolondon.
23:00. Anticontinente taldea, Eskolapen. Uztailaren 16a
11:00. Artea literaturaren kontra. Ismael Manterola, Eskolondon.
13:00. Ele! Lauaxeta-Lorca. Karabansari konpainia, Eskolondon.
15:00. Herri-bazkaria. Natxituan.
17:30. Aho bete amets: haurrak, poesia eta gu. Yolanda Arrieta, Leire Bilbao, Ana Urkiza, Pello Ramirez, Sahatsa Ramirez eta Ainara Azpiazu Axpi.]]>
<![CDATA[Zientziarik gazteena sozializatzen]]> http://www.berria.eus/albisteak/134487/zientziarik_gazteena_sozializatzen.htm Sat, 06 May 2017 08:35:12 +0200 Iñigo Astiz http://www.berria.eus/albisteak/134487/zientziarik_gazteena_sozializatzen.htm <![CDATA[Gizarte zibilaren “lidergoa” sustatu nahi du bizikidetzan Foro Sozial Iraunkorrak]]> http://www.berria.eus/albisteak/134237/gizarte_zibilaren_lidergoa_sustatu_nahi_du_bizikidetzan_foro_sozial_iraunkorrak.htm Sat, 29 Apr 2017 01:01:18 +0200 Iñigo Astiz http://www.berria.eus/albisteak/134237/gizarte_zibilaren_lidergoa_sustatu_nahi_du_bizikidetzan_foro_sozial_iraunkorrak.htm <![CDATA[Maria Luisa Fernandezek, Sra. Polaroiska kolektiboak eta Azala egitasmoak jasoko dute Gure Artea saria]]> http://www.berria.eus/albisteak/134149/maria_luisa_fernandezek_sra_polaroiska_kolektiboak_eta_azala_egitasmoak_jasoko_dute_gure_artea_saria.htm Thu, 27 Apr 2017 11:10:34 +0200 Iñigo Astiz http://www.berria.eus/albisteak/134149/maria_luisa_fernandezek_sra_polaroiska_kolektiboak_eta_azala_egitasmoak_jasoko_dute_gure_artea_saria.htm Maria Luisa Fernandez artistaren lanari aurtengo Gure Artea sariak hautatu dituen epaimahaiak. Hark jaso du ibilbideari dagokion saria. Izen ezaguna da Fernandezena euskal arte garaikidean. Euskal Eskultura Berria izeneko mugimenduaren parte sailkatu zuten adituek Txomin Badiola, Angel Bados, Peio Irazu eta Juan Luis Morazarekin batera, eta erreferentziazkoa da sortzailea 80ko hamarkadatik aurreraEuskal Herriko arte sorkuntzak izandako bilakaera ulertzekoere. Isil antzean pasatu ditu azken urteak, halere, eta orain bi urte Azkuna zentroan eskaini zitzaion atzera begirako erakusketak lagundu zuen haren izena berriz ere mahai gainean jartzen. Sra Polaroiska kolektiboa eta Azala egitasmoa ere saritu ditu aurten epaimahaiak. 18.000 euro jasoko ditu bakoitzak. Ekainaren 15ean egingo da sariak banatzeko ekitaldia, Donostiako Tabakalera zentroan. Bilboko Arte Ederren Museoan egindako aurkezpenean jakinarazi dituzte sarituen izenak, eta bertan izan dira Joxean Muñoz Eusko Jaurlaritzako Kultura sailburuordea eta epaimahaiko parteizan diren Manu Muniategiandikoetxea eta Mabi Revuelta artistak eta Ane Rodriguez kultur kudeatzailea. Sariek ematen duten ikusgarritasuna nabarmendu dute denek. Hain zuzen ere, Muñozek zehaztu duenez, hiru baitira sariaren helburuak: “Sortzaileen lana ageriko egitea, ezagutzera ematea, aitorpena egitea". Alaitz Arenzana eta Maria Ibarretxe sortzaileek osatzen dute Sra. Polaroiska kolektiboa. Haiek jaso dute sortze lanari dagokion Gure Artea saria. 2002an jarri zuten abian proiektua, eta azken urteetako artegintzari egindako ekarpena nabarmendu du epaimahiak. “Performancea, zinema esperimentala eta koreografia baliatuz kontakizun konplexuak eraiki dituzte, nola edo hala zirrararen bidez harrapatzen gaituztenak". Nazioartean ibilbide oparoa egin dute, baina Euskal Herrian sustraitutako hainbat lan ere egin dituzte. Eta, hain zuzen ere, Hernaniko emakumezkoen historia berrazalaratzeko asmoz sortutakoAndrekale proiektua izan daiteke horren adibide. Artea eta feminismoa Azala zentroa Idoia Zabaleta sortzaileak koordinatzen du. Lasierra herrian dago berez zentroa, Gasteiztik 30 kilometrora. Bederatzi biztanle baino ez ditu herriak, baina erdigune bilakatu da zentroa, halere, arte sortzaileentzat. Ane Rodriguez epaimahaikideak eman du azalpena: “Azken urteetan, arte kontestuarentzako erreferente bat izan da Azala". Sortzaileentzako topagune izateaz gainera, etengabeko formaziorako gune bat ere bada Azala, epaimahaiak azaldu duenez. Sustatu egin ditu kanpoko eta bertako artisten arteko harremanak ere, eta lan hori ere laudatu diote. “Euskal Herriko testuinguru artistikoa mapan kokatu du". Hamar urte daramatza martxan zentroak, eta orain arte egindako lana aitortzeko modu bat da saria, epaimahaikideen hitzetan. “Bereziki sari ausartak dira", azaldu du Muñozek. “Artea ulertzeko hiru modu periferiko saritzen dituzte". Horrez gainera, saritu guztiak emakumezkoak izan direla ere nabarmendu dute aurkezpenean. “Kasualitatea" izan dela zehaztu dute epaimahaikideek, baina aitortu dute datua esanguratsua ere badela. Revueltak eman du azalpena: “Lan handia dago oraindik egiteko. Emakumezko artisten lanak ikusgarritasun handiagoa du azkenaldian, baina oraindik lan handia dago egiteko. Sari guztiak emakumeentzat izatea kasualitatea izan da, lanen kalitateari begiratu diogu soilik, baina sintomatikoa da. XXI. mendea feminista izango da, edo ez da izango. Agian sari hauek dira giroan dagoen sentsazio horren isla". Hemen ikus liteke Sra. Polaroiskaren Lur Away piezaren bideo bat. ]]> <![CDATA[Luis Mari Mujika idazle eta euskaltzalea hil da]]> http://www.berria.eus/albisteak/133370/luis_mari_mujika_idazle_eta_euskaltzalea_hil_da.htm Mon, 03 Apr 2017 18:53:58 +0200 Iñigo Astiz http://www.berria.eus/albisteak/133370/luis_mari_mujika_idazle_eta_euskaltzalea_hil_da.htm Egan aldizkariko zuzendari eta literatur ikerlaria.]]> Luis Mari Mujika (Lizartza, Gipuzkoa, 1939- Donostia, 2017). 77 urterekin hil da. Filologia ikasketak egin zituen, eta Euskal Herriko Unibertsitateko irakasle eskolan aritu zen irakasle, baina, nagusiki, literaturan, toponimian, euskalgintzan eta hiztegigintzan eginiko lan nekaezinagatik izan da ezagun. Idazle, euskaltzain urgazle, literatur kritikari eta poeta. 1963an argitaratu zuen bere lehen literatur lana, eta 24 lan baino gehiago eman ditu argitara geroztik. Poesia landu zuen hasieran, nagusiki, eta horren lekuko dira, besteak beste, Bide giroak (Sendoa, 1963), Urdin eta burni (Auñamendi, 1965) eta Hitzak ebakitzean (Kriseilu, 1975) liburuak. Bere garaikideek landutako bidearen kontra, neurtitzetan aritu zen bera bere ibilbidearen zatirik handienean. Literatur sari gehien irabazi duen euskal idazleetariko bat ere izango zela kalkulatu zuen Felix Ibargutxi kazetariak Auñamendi entziklopedian. 1936ko gerra kokaleku Eleberriak, kronikak eta saiakera lanak ere eman zituen argitara. Memoria galduak (Hiria) eleberria argitaratu zuen, adibidez, 2000. urtean. Bilbon kokatu zuen kontakizuna, frankismoaren azken urteetan, eta azken unean EAJ alderdira afiliatutako gizon bat da protagonista. Bandoz aldatu zen burgesiari egindako kritika bat zen liburua, idazlearen hitzetan. 1936ko gerran kokatutakoak dira bere beste liburuetariko batzuk. 1990eko hamarkadan hartu zuen Egan aldizkariaren zuzendaritza, eta luzea da egindako literatura ikerketen zerrenda ere. Nabarmentzekoak dira, esaterako, euskal lirika tradizionalari eskainitakoa, Lizardiren poesiari buruz idatzitakoa, eta Txomin Agirreren nobelagintzari eskainitakoa ere. Hemezortzi liburu kaleratu zituen Gipuzkoako toponimiari buruz eta Arabako toponimia ere sakon ikertu zuen. “Araba euskararen lurraldea dela frogatzea izan da nire helburua", azaldu zion orduan BERRIA egunkariari. Euskal Herrian Euskaraz elkartea bultzatzen ere aritu zen, besteak beste. Bere lanean sinesturik Barne ibilerak II izendatu zuen bere azken literatur lana (Hiria). 2007an aurkeztu, eta paisaiak zuen garrantzia azpimarratu zuen ordukoan. “Ingurune fisikoak gure baitan oihartzun pertsonalista ukan du, eta poemak horren ispilu eta isla dira, guretzat ederdura edo esetika kanpoan ikusiaren barne oihartzuna baino ez baita". Liburu horren harira idatzitako kritikan galdera egin zion bere buruari Jon Kortazar literatur adituak: “Galdetu behar diot neure buruari, eta galdetu sistemari zer gertatzen den ibilbide luzeko idazleekin, berri-berri ez direnekin, puri-purian ez daudenekin, baina dena dela beren lanean sinistu eta lana kaleratzen dutenekin".]]> <![CDATA[Chucho Valdes, Bill Evans, Dean Brown eta Andrzej Olejniczak izango dira Getxoko Jazzaldian]]> http://www.berria.eus/albisteak/133171/chucho_valdes_bill_evans_dean_brown_eta_andrzej_olejniczak_izango_dira_getxoko_jazzaldian.htm Tue, 28 Mar 2017 12:03:22 +0200 Iñigo Astiz http://www.berria.eus/albisteak/133171/chucho_valdes_bill_evans_dean_brown_eta_andrzej_olejniczak_izango_dira_getxoko_jazzaldian.htm Chucho Valdes piano jotzaile kubatarraren itzala, eta, jakinarazi berri dutenez, haren kontzertuak amaituko du Getxoko 41. jazz jaialdia aurten. Bebo Valdes piano jotzaile ezagunaren seme eta jazz afro-kubatarraren erreferente nagusietariko bat da Chucho Valdes, eta Gaston Joya kontrabaxu jotzailearekin, Rodney Barreto bateria jotzailearekin eta Yaroldy Abreu perkusio jotzailearekin izango da Euskal Herrian. Uztailaren 2an arituko dira zuzenean, Biotz Alai plazako agertokian, baina izen handi gehiago ere jakinarazi dituzte antolatzaileek: Andrezj Olejniczak saxo jotzaile poloniarrak abiatuko du jaialdia, ekainaren 28an, eta hurrengo egunetarako Bill Evans saxo jotzailea eta Dean Brown gitarra jotzailea ere konfirmatu dituzte. Olejniczak-ek 60 disko inguruko ibilbidea du, eta Poloniako saxo jotzaile ezagunenetariko bat da, nahiz eta Bilbon bizi den 1984az geroztik. Gerry Mulligan eta Kenny Drew-rekin aritu izan da elkarlanean, eta nabarmentzekoa da pop, rock eta flamenko artistekin izandako hartu-emana ere. Besteak beste, oholtzan izan da Mecano, Miguel Rios eta Orquesta Mondragon taldeekin. Ekainaren 28an izango da jaialdian, eta Chopinen musika oinarri harturik inprobisatzen arituko da Michal Tokaj, Michal Baranski eta Jim Doxas musikariekin batera. Ekainaren 28an izango da haien kontzertua. Laukotean arituko da Bill Evans saxo jotzailea Getxon, ekainaren 30ean. Dean Brown gitarra jotzailea izango du alboan, eta baita Keitch Carlock eta Etieen Mbapp musikariak ere. Badu ibilbidea Evansek ere. Miles Davisen taldean aritu zen 80ko hamarkadan, eta Grammy sarietarako izendatu zuten Soulgrass diskoagatik, 22 urte baino ez zituenean. Sarrerak, maiatzetik aurrera Aurrez, John Abercrombie eta Dianne Reeves musikarien emanaldiak ere baieztatuak zituzten antolatzaileek. Ekainaren 29an arituko da Abercrombie, eta uztailaren 1ean Reeves. Guztira, hamazazpi emanaldi izango dira. Zehaztu dutenez, ordea, oraindik ez dago sarrerak erosteko aukerarik. Maiatzean hasiko dira saltzen, eta Kutxabanken webgunearen bidez erosi ahalko dira, baita Algortako kultur etxera deituta ere, 944-91 40 80 telefonoan.]]> <![CDATA[Lau biluzte ariketa oholtzaratuko ditu Loraldiak]]> http://www.berria.eus/albisteak/132926/lau_biluzte_ariketa_oholtzaratuko_ditu_loraldiak.htm Tue, 21 Mar 2017 13:53:42 +0100 Iñigo Astiz http://www.berria.eus/albisteak/132926/lau_biluzte_ariketa_oholtzaratuko_ditu_loraldiak.htm Loraldia jaialdiak striptease gaiaren inguruko 15 minutu inguruko antzerki pieza labur bana sortzeko enkargua Jokin Oregi, Mireia Gabilondo, Garbi Losada eta Fernando Bernues antzerki zuzendariei, eta bere kasa aritu da lanean bakoitza geroztik. Guztiak gai beraren bueltan, guztiak iraupen paretsuan, baina bakoitza bere kasa. Emanaldi bakarra sortzea izan zen hasieratik ideia, ordea, eta, horregatik, elkarrekin eskainiko dituzte orain lau piezak. Emanaldi bakarrean. Ostiralean eta larunbatean estreinatuko dute Strip-tease emanaldia, Bilboko Arriaga antzokian. “Erronka polita izan da", azaldu du Oregik. Bere titulua du pieza bakoitzak, eta erabat independentea izango da. Oregik, esaterako, striptease proba bat egitera joan diren lau aktore jarriko ditu oholtzan. Losadak aldarrikapenarekin uztartuko du biluztasuna, eta Lady Godivaren mitoa baliatuko du horretarako. Gabilondok Telmo Irureta aktore eta idazlearekin elkarlanean sortu du bere pieza, eta, hain zuzen ere, Irureta bera izango du protagonista. Garun paralisia du aktoreak, eta emanaldia nolabaiteko “striptease emozional bat" izango dela aurreratu du zuzendariak. Bernuesek aitona hil berri zaion mutil baten gogoetak eramango ditu oholtzara, hain zuzen ere, emakume biluzi baten argazkia topatu ziolako behin kaxoian aitonari. Erakustetik sortzerako trantsizioa Antzokiaren hormez harago eraman du gogoeta Bernuesek hedabideen aurrean egindako aurkezpenean. Pozik azaldu da Loraldiak eskainitako aukerarekin, hark ekoitzi baitu emanaldia, eta halako ekoizpenak gehiagotan egin behar liratekeela adierazi du. “Herrialde honetan batez ere exhibizioan dugu fedea, eta ez hainbeste sorkuntzan. Eta uste dut halako ekimenek batetik besterako bidean laguntzen dutela". ]]> <![CDATA[Alfonso Alonso berretsi dute EAEko PPren buru]]> http://www.berria.eus/albisteak/132829/alfonso_alonso_berretsi_dute_eaeko_ppren_buru.htm Sat, 18 Mar 2017 11:25:40 +0100 Iñigo Astiz http://www.berria.eus/albisteak/132829/alfonso_alonso_berretsi_dute_eaeko_ppren_buru.htm <![CDATA[1936an Euskal Herrian grabatutako 3Dko film bat topatu dute Frantzian]]> http://www.berria.eus/albisteak/132184/1936an_euskal_herrian_grabatutako_3dko_film_bat_topatu_dute_frantzian.htm Wed, 01 Mar 2017 08:35:50 +0100 Iñigo Astiz http://www.berria.eus/albisteak/132184/1936an_euskal_herrian_grabatutako_3dko_film_bat_topatu_dute_frantzian.htm <![CDATA[Omenaldi ironikoa euskal musikari]]> http://www.berria.eus/albisteak/132140/omenaldi_ironikoa_euskal_musikari.htm Tue, 28 Feb 2017 13:09:47 +0100 Iñigo Astiz http://www.berria.eus/albisteak/132140/omenaldi_ironikoa_euskal_musikari.htm Patxo Telleria aktore eta antzerkigileak Ez dok hiru antzezlana deskribatzeko, baina berehala egin du zehaztapena: “miresmenetik barre egin nahi dugu". Euskal musikagintza hartu du ardatz oraingoan Telleria eta Mikel Martinezek osatutako Ez Dok Hiru antzerki bikoteak, eta ohiko duten umore eta ironiaz landu dute gaia beste behin ere. Zehaztu dutenez, “euskal kantutegiarekin jolasean" osatu dute emanaldia, eta 200 abesti puska baliatu dituzte testua osatzeko. Gainera, bikote formatua gainditu, eta hiru musikari izango dituzte oholtzan oraingoan: Adrian Garcia de Los Ojos, Maria Arriaga Telleria eta Ivan Allue. Jokin Oregi aritu da zuzendari lanetan, eta martxoaren 7an eta 8an estreinatuko dute lana, Bilboko Arriaga antzokian, Loraldia jaialdiaren eta Korrika Kulturalaren egitarauen barruan. Euskal musikari egindako omenaldi ironiko bat izango da emanaldia, baina omenaldi bat, halere. Telleria: “Iruditzen zaigu musika altxor bat dela, eta euskal musika euskararen eta kulturaren altxor bat dela, gure memoria emozionalean iltzatuta dagoen ondare bat, eta guk indar hori baliatu nahi genuen gure ikuskizunean umorea eta emozioa elkartzeko, zeharka bada ere, eta inolako handinahitasunik eta seriotasunik gabe gure omenaldi txikia egiteko musikari". Protagonismo berezia izango dute musikariek ere emanaldian, horregatik. “Momentu batzuetan kontzertu itxura ere hartuko du", zehaztu du Martinezek. "Dotorea eta fina" Bi musikologoren rolean arituko dira Martinez eta Telleria oholtzan. Telleria doktorea eta Martinez doktorea izango dira, eta mintegi moduko bat eskainiko diete ikusleei. Esketxez esketx. Txistez txiste. Antzezlaneko zuzendariak zehaztu duenez, ordea, umoreaz gain, emozioa ere izango du piezak. Oregi: “Dotorea, fina eta askotan hunkigarria ere izango da". Bestalde, liburua ere kaleratu dute antzezlaneko testuarekin. Elkar argitaletxeak argitaratu du, eta, piezaren gidoiarekin batera, Spotify atarian entzuteko moduko kanta zerrenda batzuk ere badakartza, antzezlanean aipatzen edo kantatzen diren kantekin.]]> <![CDATA[Epaileak Zuluetaren egoera okertu duela salatu dute abokatuak]]> http://www.berria.eus/albisteak/131802/epaileak_zuluetaren_egoera_okertu_duela_salatu_dute_abokatuak.htm Sun, 19 Feb 2017 11:00:41 +0100 Iñigo Astiz http://www.berria.eus/albisteak/131802/epaileak_zuluetaren_egoera_okertu_duela_salatu_dute_abokatuak.htm Auzitegi Nazionaleko Espetxe Zaintzako epaitegiak patio denboran beste preso batzuekin egoteko eskubidea urratu zaiola presoari, baina abokatuek salatu dute erabaki horren ondorioz Zuluetaren egoerak okerrera egin duela onera egin beharrean. Epaiaren ondoren ere, presoak berdin-berdin jarraitzen du egunean ziega barruan 20 ordu pasatzen, bakarrik, baina, Zenonek azpimarratu duenez, orain beste bi presorekin erabili behar du patioko espazioa –13x5 metro, eta goialdea sarez itxita–. “Epaiarekin ez da ezer aldatu: bakartze moduluan eta egoera berean jarraitzen du". Helegitea aurkeztu dute autuaren aurka. Auzitegi Nazionalari Zulueta aska dezala ere eskatu diote. Espetxe Zaintzako epailearen autoa datu faltsuetan oinarritzen dela salatu du Zenonek. “Ukatu egiten du bakartze modulu batean dagoela ere". Berez, kartzelara bisita egitera joateko eskatu zion epaileari Zuluetaren defentsak, edo haren ordezkari bat bidaltzeko bestela, baina ez du halakorik egin, eta espetxearen arduradunek bidalitako txostenari bakarrik egin dio kasu. Eta txosten hori “gezurrez beteta" dagoela salatu du abokatuak. Esku hartzeko eskaria
“Gero eta argiago dago erabaki politiko bat dela hau", salatu dute Arantza Askatu plataformako kideek. “Mendeku hutsa da". Babesak biltzen jarraituko dutela ere azaldu dute, eta esku hartzeko eskatuko diete EAEko Arartekoari eta Eusko Legebiltzarreko Giza Eskubideen Batzordeari. Egoeraren larritasuna azpimarratu du Zenonek. “Arantza indartsua da, baina dagoen egoeran edozein momentutan egin dezake buruak krak, eta hasi dira ja gauza batzuk agertzen". Begi batean arazoak dituela aipatu du, esaterako. Bakartzeari eusteko presioak
Informazio bilera asko egin dituzte abokatuekin Zuluetaren aldeko plataformako kideek, eta, Zenonek dioenez, lege arloan aritzen den jendeak ez du ulertzen Zuluetarekin gertatzen ari dena. “Egoera hau bere horretan mantentzeko presioak daude, bestela ez baita ulertzen zelan mantendu daitekeen bakartze egoera hiru urtez epaiketaren zain". 2014ko urtarrilean atxilotu zuten Zulueta. ETAko kide izatea egozten diote abokatuari. Zenonek gogorarazi duenez, beste 46 pertsona ere badaude auzipetuta Zuluetarekin batera, baina hura bakarrik dago badaezpadako espetxealdian. “Ez dago horretarako inolako justifikazio juridikorik".]]>
<![CDATA[30 emanaldi eta 150 artista bilduko ditu Loraldiak Bilbon]]> http://www.berria.eus/albisteak/131599/30_emanaldi_eta_150_artista_bilduko_ditu_loraldiak_bilbon.htm Mon, 13 Feb 2017 14:27:44 +0100 Iñigo Astiz http://www.berria.eus/albisteak/131599/30_emanaldi_eta_150_artista_bilduko_ditu_loraldiak_bilbon.htm hirugarren edizioa aurkeztu dute orain. Eta datuek eman dezakete argien egitarau osoaren neurriaren berri: 29 egun iraungo ditu, 30 emanaldi baino gehiago eskainiko ditu, 10 gune baino gehiago hartuko ditu, eta, guztira, 150 artista baino gehiago bildu. Esparru guztiak hartuko ditu kontuan, gainera: musika, literatura, bertsogintza, antzerkia, artea eta zinema. Eta hainbat erabateko estreinaldi ere eskainiko ditu; Arriaga antzokian jaialdia abiatuko duen Mikel Martinez eta Patxo Telleriak sortutako “Euskal musikaren benetan istorioa" antzezlana, esaterako. Horrez gain, Mikel Urdangarin, Kukai dantza taldea, Xabi Aburruzaga, Hesian, Kirmen Uribe, Iban Zaldua, Alaia Martin eta beste hamaika sortzaileren lanak ere programatu dituzte. “Arriskuak hartu ditugu". Agirreren hitzetan, publikoari euskal kultura “azken sormenak" aurkeztea da jaialdiaren asmoa, eta bi ekoizpen propio aurkeztu dituzte horregatik. “Strip-tease" izeneko antzezlana da horietariko bat. Fernando Bernues, Mireia Gabilondo, Jokin Oregi eta Garbi Losada zuzendariek propio sortutako biluzte ariketa bana biltzen ditu emanaldiak, eta martxoaren 24 eta 25ean eskainiko dute Arriaga antzokian. Hori, beraz, lehen ekoizpen propioa, eta musika du ardatz bigarrenak. Pete Seeger musikariaren abestiak euskaraz eskainiko ditu Lou Topet taldeak martxoaren 26an Arriaga antzokian. "Eutsiko diogu, Pete" deitu dute saioa, eta hainbat abeslari gonbidatuko dituzte. Aurreratu dutenez, Eñaut Elorrieta Aiora Renteria, Anje Duhalde eta Izaro izango dira gonbidatu horietariko batzuk. Aurrekontu txikiagoa Bi emanaldi horiek dira ekoizpen propiotzat aurkeztu dituztenak, baina gehiago izango dira jaialdirako propio sortutako ikuskizunak. Kukai dantza taldeak, esaterako, bere hainbat lagun gonbidatuko ditu “Kukai & lagunak" emanaldian (martxoaren 18an). Kirmen Uribek idatzitako zientzia-fikziozko testu baten gainean bertsotan arituko dira Alaia Martin eta Oihana Bartra bertsolariak eta Anjel Unzu musikaria. “Geroa" deituko da saio hori, eta apirilaren 2an eskainiko dute Guggenheimeko auditorioan. Apirilaren 1ean, Hesian taldeak bere 10 urteko ibilbidea ospatuko du eta Lukiek taldea ere izango da oholtzan Badok atariarekin elkarlanean Kafe Antzokian eskainiko duten kontzertuan, eta Mikel Laboaren unibertsoa hartuko du ardatz “Txoriak" dantza ikuskizunean Dantzaz konpainiak martxoaren 12an. Eta askoz zabalagoa da egitaraua. Antolatzaileek ez dute jaialdiaren aurrekontuaren datu zehatzik eman nahi izan. Iaz, 360.000 euroren bueltan ibili zirela esan zuten, eta aurten kopurua hori baino txikiagoa izan dela soilik adierazi dute. “Halere lortu dugu jaialdi handi eta interesgarri bat antolatzea". Bilbao 700-III Fundazioa, Bizkaiko Foru Aldundia, Laboral Kutxa eta Eusko Jaurlaritza dira jaialdia babesten duten erakunde nagusietariko batzuk. Oreka, helburu Oreka da azken helburua, antolatzaileen hitzetan: “Euskal kulturaren maparen oreka bilatu nahian abiatu zen Loraldia. Udazkenean Durangoko Azokaren itsasargiak dirdirak pizten dituen bezala, udaberri aldera Loraldiaren itsasargiak euskal kultura modernoari ematen dio ikusgarritasuna".]]> <![CDATA[Renoir inpresionistaz harago]]> http://www.berria.eus/albisteak/131397/renoir_inpresionistaz_harago.htm Tue, 07 Feb 2017 13:32:03 +0100 Iñigo Astiz http://www.berria.eus/albisteak/131397/renoir_inpresionistaz_harago.htm Pierre-Auguste Renoir artistaren 40 urteko ibilbidea erakusten duen 64 margolaneko erakusketa zabaldu du Bilboko Arte Ederren museoak.]]> Renoirren lana Molin de la Galletteko dantza margolan inpresionistara bakarrik murriztea". Guillermo Solana komisarioaren esaldi horrek laburbiltzen du Bilboko Arte Ederren museoan zabaldu berri den "Renoir: intimitatea" izeneko erakusketaren funtsa. Izan ere, nagusiki bere garai inpresionistak egin du ezagun artista, baina sortzailaren lau hamarkadako ibilbide osoaren laurdena baino ez du hartzen sasoi horrek, komisarioaren hitzetan. Eta horregatik erakusketa. “40 urteko ibilbide hori aldarrikatu nahi izan dugu". 1864tik hasi eta 1916rako tartean sortutako 64 margolan bildu dituzte, guztira, eta mundu zabaleko hamaika museoko bildumetatik batu dituzte piezak. Euskal Herrian artistari inoiz eskeinitako atzera begirakorik zabalena izango da, eta baita Bilboko museoak aurten izango duen erakusketa nagusietariko bat ere. Sei ataletan banatu dute erakusketa. “Ibilbidean aurrera egin ahala, nolabait ere, hazten doan intimitate maila", komisarioak zehaztu duenez. Lau emakumeri egindako erretratu banarekin abiatzen da lehen aretoa, eta gero datoz artistaren enkarguzko erretratuak, lan inpresionistak, paisaiagintza eta familia ardatz hartuta sortutako koadroak. Amaitzeko, Renoirren emakumezkoen biluziei eskaini diote azken aretoa; hots, bainulariei. Eta komisarioaren hitzetan, lan horietan igarri daiteke artistak hurrengo belaunaldiengan izandako eraginaren hazia. “Ezin dira hasierako Picassoren bainulariak ulertu, hau ulertu gabe". "Zabalago" eta "dotoreago" Aurrez Madrilgo Thyssen-Bonemisza museoan izan da erakusketa ikusgai, eta BBK babesa izan du erakusketak Bilbon. Koadro berak daude bi erakusketetan, baina Solanak azaldu duenez, Bilbon artelanen kokapena “zabalagoa" eta “dotoreagoa" geratu da.]]> <![CDATA[Naparraren desagerpena kontatuko du Jon Alonsok]]> http://www.berria.eus/albisteak/130627/naparraren_desagerpena_kontatuko_du_jon_alonsok.htm Mon, 16 Jan 2017 12:30:37 +0100 Iñigo Astiz http://www.berria.eus/albisteak/130627/naparraren_desagerpena_kontatuko_du_jon_alonsok.htm Tene Mujika beka irabazi du idazle nafarrak Jose Miguel Etxeberria 'Naparra'-ren heriotza ikertzeko proiektuarekin.]]> Alonsoren proiektuaren asmoa, eta Jose Migel Etxeberria Naparra desagertuaren kasua hartuko du horretarako kontaketaren ardatz modura. Komando Autonomo Antikapitalistetako kidea izan zen Etxebarria, eta, Ipar Euskal Herrian errefuxiatu bizi zelarik, 1980ko ekainaren 11n desagertu zen, eta, egun batzuk geroago, Batallon Vasco Españolek hartu zuen bere gain haren hilketa. Eta haren historia kontatzea da proiektuaren helburua. Euskal Herriko historia hurbilaz idazteko ez-fikziozko proiektuak saritzen ditu Debako Udalak eta Elkar argitaletxeak bultzatutako Tene Mugika bekak, eta Etxebarriari buruzko proiektu horrekin irabazi du orain saria Alonsok. Biografikoa ere bada proiektuaren abiapuntua. Izan ere, ikaskide izan ziren Alonso eta Etxeberria Iruñeko josulagunen ikastetxean. Eta, sariaren antolatzaileek hedabideetara helarazi duten oharraren arabera, une batetik aurrera bereizi egin ziren bien bideak, eta, Alonsok aitortu duenez, ikaskidea desagertu zenean ez zion gertakari hari merezi adinako garrantzirik eman. Orain, familiaren laguntzaz Etxeberriaren historia kontatzea du buruan idazleak, eta, zehaztu dutenez, “ahal bada", baita ikerbidean den gorpuaren aurkikuntza ere. Liburua, urtebete barru Alberto Barandiaran, Idurre Eskisabel eta Elixabete Garmendiak osatu dute lehiaketako epaimahaia. Eta haiek hautatu dute Alonsoren proiektua. Orain, urtebeteko epea izango du idazleak lana burutzeko, eta liburu modura argitaratuko dute gero.]]>