Berria.eus

G. Eskerrik asko, Aritz, BERRIA.INFOko elkarrizketa digitalean parte hartzeagatik, eta hurrena arte. BERRIA.INFO

E. Eskerriko asko BERRIAri, irakurleei, eta nahi duzuen arte.

G. Selekzio espainiarra deitzen bazaitu, joango zara problema barik? Bueltatu laster! Iosu

E. Nahitaezkoa da joatea hara. Ezezkoa esanez gero, fitxa eta lizentzia kentzeko aukera dago. Guretzat hau lan bat da. Dena dela, unea iritsiz gero, pentsatu egin beharko nuke, batzuek ezetz esan eta jokatzen segitu dutelako.

G. Etxeko jokalariekin talde handiekin konpetitzea gero eta zailagoa dela eta Europarako sailkatzea ia ezinezkoa dela argi dagoenez, ez al zaizu iruditzen Athleticek atzerritarrak fitxatzen hasteko ordua iritsi dela? ptolomeo

E. Nik uste ezetz. Atzerritarrak fitxatzeak ez du bermatzen emaitzak beti onak izango direla. Ikusi Realean eta Alavesen zer gertatu den: Bigarren Mailan daude, jokalari atzerritarrak izanda. Athleticen oso tradizio finkoa da etxeko jokalariak baino ez izatea, eta hori aldatzea ezinezkoa izango da. Gainera, horrek desberdintzen du Athletic besteekiko.

G. Kaixo Aritz Antiguoko auzotik galderatxo bat. Eskola zaharrekoa naiz eta Reala eta Athletiken Liga garaipenak ezagututakoa. Ez al zaizu iruditzen garai haietako GARRA galdu dugula? Eta bestea horrenbesteko atzerritar erdipurdikok ez al dio bertako gazteei biderik ixten?. Edota horren harrobi eskasa daukagu matxin

E. Aurrenari buruz: Liga garaipeneko urte haietan beste taldeek ez zituzten hainbeste jokalari kanpotar, ez zegoen hainbesteko lehiarik, eta, jakina, ez diet Reala eta Athletic haiei meriturik kendu nahi, baina gauzak aldatu egin dira. Bigarrenaz: ados, atzerritar askok ez dute maila ona eta bidea ixten diete jokalari gazteei.

G. benetako seriotasuna ikusi zenuen athletic futbol taldeko egunerokotasunean? dabid

E. Bai, seriotasun handia eta profesionaltasuna dago Athleticen. Ni egon nintzen garaian dena izan zen oso normala.

G. Bilbo aldetik komentatzen da zu eta beste batzuk saltzeko orduan irizpide ideologikoak erabili dituela zuzendaritza taldeak. Zer nolako sinesgarritasuna ematen diozu horrelako iritzie? Igor Martinez

E. Lehen erantzun dut antzeko galdera bat.

G. ze nolako iritzia duzu, raxoy, basagoiti eta makuak eginiko ekitaldiari buruz? baraka

E. Athletic bezalako erakunde bat halako kanpaina batean sartzea ez da egokia. Mundu osoak ikusi du hori. Barru mailan egin zezaketen Raxoirekin egin nahi zutena, kanpora atera gabe. Kanpora aterata, eragin egin diote Athletici.

G. Gipuzkoarra izanda Realera etortzera gustatuko al litzaizuke? Noski 1.go Mailan egongo balitz diot. Gustura hartuko genduke zu bezalako aurrelari bat. Zorte on! Mutiu

E. Athletic oso gustukoa dut, baina donostiarra naiz eta Euskal Herriko talde batean jokatzeak ilusioa egiten du. Jokatuko dudan Realean? Auskalo! Kanpoko beste talderen batean jokatzea baino nahiago Realean aritzea.

G. Krisia entzun entzun ari gara egunotan. Reala Bigarren Mailan, Osasuna eta Athletic jaitsiera postuetan. Eta goi-goi mailako jokalaririk ere ez dugu. Euskal futbola ere krisian dagoela uste duzu? Koikili

E. Ezetz pentsatu nahi dut, baina gauzak ez daude ondo. Baina seguru goraka joango direla Osasuna eta Athletic, baita Reala, Alaves eta Eibar ere. Merezi duten lekura bueltatu behar dute.

G. Kaixo Aritz. hasi al zara katalana ikasten? noizko lehen adierazpenak prentsaurrean katalanez? Jordi

E. Hitz egitea kostatu egingo zait, baina ulertzen diet zerbait, eta, nirekin daudela, euren hizkuntzan jarraitzeko esaten diet, Mallorcan ni naizelako kanpokoa eta nik ikasi behar dudalako bertako hizkuntza. Leku bateko kultura eta hizkuntza jakitea polita da. Kontzentrazioetan Martirekin egoten naiz gelan, katalanez hitz egiten dit eta ondo sentitzen naiz.

G. Zure burua Euskal Herriko selekzioarekin ofizialki jolasten ikusten duzu? ruth mayers

E. Ilusioa behintzat, badut, baina ez dago erraza. Denok saiatu behar gara. Euskal Herriko selekziora goazenok saiatu behar gara ahal den gauza gehien egiten.

G. Zu Mallorcara, Tiko Eibarrera... bat baino gehiago susmoa hartzen hasi da arrazoi extradeportiboak daudela mugimendi horietan... Lierni

E. Ezin dut iritzia eman, ez dakidalako egia den edo ez, edo zer punturaino den egia edo ez. Nik pentsatu nahi dut ez dagoela halakorik futbolean, baizik eta kirol arlokoak edo diruari buruzkoak direla erabakia hartzeko zerak.

G. Kaixo Aritz, zer moduz moldatu zara Mallorcako bizitzara? Hemendik maletatxo txiki batekin joan behar izan zenuen egun batetik bestera, gogorra egingo zitzaizun ezta? Besarkada bat Beñat Irasuegi eta Ruth Ayllon

E. Ondo. Moldatzen hiri berrira, jendea berria ezagutuz, bertakoa, klubekoa. Egun batetik bestera joan nintzen, baina aldaketak positiboki begiratu behar dira. Besarkada bat Beñati.

G. Athleticeko bazkidea naiz eta izugarrizko pena eman zidan zu Mallorcara joan izanak. Uste al duzu garbi jokatu dutela zurekin (ez Athleticek, baizik eta Atheleticeko agintariek)? Lander

E. Argi dago agintariek klubarentzat onena egin zutela pentsatu zutela. Operazio ona ikusi zuten diru aldetik eta errespetuzkoa da erabakia. Futbolean dena begiratu behar da: dirua, kirol arloa... Nik ez dut zeresanik, beraz, traspasoan, eta onartu egin behar da.

G. Aupa Aritz! Zauden tokian zaudela Makuak itsusia izaten jarraituko du. Galdera honako hau da: gustura zabiltza? pitxi

E. Gauzak positiboki begiratu behar dira. Mallorcak konfiantza handia jarri zuen nigan. Athleticen istorioa aldea batera utzia dut dagoeneko. Hemen talde giro ona dago, bizitzeko lekua ez da batera txarra, eta taldea nahikoa ona da.

G. Aupa Aritz! Athletic-en zale amorratua naiz, eta min handia eman zidan zurekin gertatutakoak. Eredutzat zaitugu eta Bilbon asko gara antzera pentsatzen dugunok, nire inguruan, behintzat. Jakin nahi nuke ea zeuk ere zale askok daukagun amorru horren berri duzun eta egunen batean Athletic-era itzultzeko aukerarik ikusten duzun? Igor

E. Argi dago Athleticen oso kontent nengoela, oso asentatuta era guztietara, eta han jokatzea desberdina da. Gustuko taldea izan dut beti. Handik ateratzeak kostea du, baina futbolak horrelako gauzak ditu. Egokiena hori izan zen, ordea, irtetea.