Berria.eus

G. Eskerrik asko, Xabi, BERRIA.INFOko elkarrizketa digitalean parte hartzeagatik, eta hurrena arte. BERRIA.INFO

E. Mila esker zueri eta beste bat artio!

G. Erantzun zehatzik gabeko galdera seguruenik, baina denok jakin nahi dugun zerbait: Noizko polo soberanista? Mila esker. Aritz

E. Aitzineko galderan idatzi bezala: etorri da irabazteko garaia. Beraz ea polo hori ahalik laisterren martxan jartzen dugun....

G. Ezker Abertzalearen baitan irekiko den eztabaida ez al dator denboraz berandu? jon

E. Egia da, denek amesten dugun egoera aspaldi ikusi nahiko genuela gauzatua: Euskal Herria libre, batua eta euskalduna. Hori dela eta, aitortu behar da berandu dela herri honetan egon den eta dagoen sufrimenduari begira. Egia da azkenik, berandu dela herri honen zutabe batzuk pairatzen ari duten higadura maila ikusirik... Pentsatzen ari naiz adibidez, Iparraldean zertan dugu euskara. Bainan orain etorri da irabazteko garaia eta denek ez berriro errepikatzea iraganean egin ditugun pettoak.

G. Zure ustetan eta egin diren hausnarketak ikusirik, Alderdikeriak alde batera ixteko prest al daude Euskal Herriko alderdiek? Gure etorkizuna Euskal Herriaren etorkizunean baitago!! Egoitz

E. Ezker Abertzalearen partetik hasteko, gure historiak aski frogatua du ez gabiltzala politikan gure interes propioak asetzeko... Halaber, gure kasuan hasteko, ematen ari garen gogoetak helburu bakarra du: Euskal Herria. Gero, nik ezin dut besteen izenean hitzegin.

G. Egun on, aurreko larunbateko manifaren ostean modu bateratu batean politika egiterik ba al dago (euskal alderdi abertzaleen artean)? edo bakarrik une zehatz batean piztutako itxaropena da?

E. Bai badaude indar independentisten artean ziklo berri bat irekitzeko aukerak. Afera da, aitzineko galderaren erantzunean aipatu bezala, bakotxak bere erantzunkizunak hartu behar dituela helburu konkretu bateri begira eta da: espainol eta frantses estatuak parean ditugula, nola irabazten dugu EHren hitza eta erabakia?

G. Kaixo Xabi, badakit zuen esku ez dagoela borroka armatua amaitzea baina ELA sindikatuak dion bezala, egun beharrezkoa ez al zaizu iruditzen estrategia armatua amaitu eta era berean, estatu arrazoia indargabetzea? Izan huntsa!! Bezerra

E. Estadoek mantentzen duten posizioa Euskal Herriarekiko ez da borroka armaturengatik ematen. Frantses estadoaren kasun erran nezake Herri perspektiba batetik ukazio jarrera oso bortitza mantentzen duela Parisek gure Herriaren kontra, alta hemen borroka armaturik ez dago.... Hitza eta erabakia helburua duen zikloa idekitzea proposatzen dugu, hortarako burujabetzaren alde diren sektoreak batuz eta aktibatuz. Horri begira erantzunkizun osoz jokatzeko prest da Ezker Abertzalea, bainan gainerateko eragileek ere beren erantzunkizunak hartu beharko dituzte ELA barne. Irudikatzen dugun prozesua demokratikoa ez da "pazifikazio" prozesu bat, zeren behin, Estadoak sektore independistak burujabetasunaren irabazteko helburuarekin abian ikusiko dituela, sekulako konfrontazio giroa sortuko da. Orduan denek buru egin beharko diogu konfrontazio politiko maila horri.

G. Aupa Xabi! Ezker Abertzaleak ziklo politiko berria irekiko duela iragarri duela badakigu, eta gainera jada ilusionatzen hasiak gara. nire galdera zera da, zein izango da Iparraldeko hiru herrialdeetan aurrera eramango den dinamika? Oier Azkarraga Grajales

E. Dudarik gabe ziklo politiko honen osagai inportantea eraikuntza nazionala izanen da. Eta hori ardatz inportantea da Iparraldeko hiru herrialdeentzat, ikusirik Parisek mantentzen ukapen jarrera bortitza.

G. Ezker Abertzalearen baitan ziklo berri bat ideki beharraz hitz egiten da eta geroz eta modu idekiagoan, eta indarkeria alde batera uzteko beharra ere aipatzen da. Honela ezkerreko eta abertzalean izango zen herri mugimendu indartsu bat sortzeko aukera ikusten dute batzuek. Nire galderra sinplea da: zergaitik orain? Ez al zaizu iduritzen Lizarra-Garaziren bukaeratik gaur egunera 10 urte galdu direla? mikel

E. Lehenik eta behin ez du Ezker Abertzaleak sortzen indarkeria, Estadoen ukazio jarrerak baizik. Bigarrena: Lizarra-Garazi geroztik gauza frango gertatu dira, horien artean negoziazio prozesu bat oso sakonki aztertu dituenak gatazkaren oinarriak eta konpiderako gakoak. Dioguna egun zera da: indar espainolistek bat egiten dute momentu honetan salbuespeneko egoera mantentzeko eta eta gatazkan oinarrituriko beste ziklo neo-esatutario bat prestatzeko, nola egiten dugu Euskal Herriaren burujabetzaren alde diren sektoreak batzeko eta Estatuen ukazioaren pareta hautsiz Herri honen hitza eta erabakia irabazteko? Dudarik gabe pausu hau ez da pausu "lasaia" izanen eta Estatuekiko konfrontazio giro are gogorragoa sortuko du, hasiera batean behintzat.

G. Zuek dioezuen ziklo politiko berri honek EAJ alde batera uzteko asmoa du, baina ez al zaizu ideia hobea iruditzen denak batzea, gatazka honekin amaitzea eta ondoren denadelakoak konpontzea? Erabaki hori hartuta, badirudi zuen nahi bakarra boterea lortzea dala eta hau lortu baino lehen, zenbait gauza konpondu behar direla iruditzen zait. Aio! Ander

E. Guk konstatazio objektibo bat egiten dugu: EAJk ahalegin guziak egiten ari ditu PSOErekin akordio bat lortzeko. Urkulluk berak azaldurik, Ajuria Enea II bat bilatzen dute, eta helburu horren arabera ulertzen da Madrilen hesten ari diren aintzinkonduen inguruko akordioa. Afera ez da guk kanpo utzi nahi genukeela EAJ baizik eta bera, ez dagoela prozesu soberanista baten bultzatzeko perspektiba batean gaur.

G. Joseba Egibarrek esan du Arnaldo Otegik ezingo duela gehiago politikan parte hartu. Zein irakurketa egiten diozu esandako horri? Asier

E. Nork pentsatzen du, EHren hitza eta erabakia irabazteko helburua duen prozesu demokratiko bat garatzea posible dela Arnaldo bezalako politikariak karrikan egon gabe. Galdera da beraz, Joseba Egibar zer egiteko prest da halako prozesu bat eman dadin eta Arnaldo karrikan egon dadin.

G. Kaixo, Xabi! 1. Nola doa Batasunako eztabaida, zer fasetan, zer giro? 2. Zergatik orain eztabaida? paul

E. Eztabaidak aitzina segitzen du, helburua delarik, militantzia guziaren parthartzea bermatzea. Eztabaidaren jomugan dugu ziklo politiko berri baten irekitzea zeinaren helburua, Euskal Herria bere hitza eta erabakiaren jabe bihurtzea den. Zergaitik orain ? Euskal Herriak egoera latza pairatzen duelako, eta espainolistek poderea "putx" baten bitartez hartu ondoan, gatazkan oinarrituriko beste ziklo neo-estutario bat prestatzen ari direlako.