Azken elkarrizketa

Xabier Mikel Errekondo

Xabier Mikel Errekondo

Usurbilgo alkatea

2010-02-23 - irakurri elkarrizketa

Zaborren arazoari aurre egiteko atez ateko bilketa eredua jarri zuten abian Usurbilen (Gipuzkoa) duela ia urtebete. Epe horretan herrian sortzen diren hondakinen %82 birziklatzea lortu dutela dio Udalak. Nolanahi ere, hilaren 27an eta 28an galdeketa egingo dute herrian biztanleen gehiengoa sistemarekin ados dagoen ikusteko.

 Erantzundako galderak

15

G. Mila esker BERRIA.INFOko elkarrizketetan parte hartzeagatik. Hurrena arte. BERRIA.INFO

E. Mila esker, kafe baten bueltan gustora egon naizela aitortzen dizuet. Gonbidatzen zaituztet Berriako langile eta irakurle guztioi herrira hurbildu eta, papereko letren gainetik, zuzenean ezagutu dezazuen atez ateko bilketa. Ongi etorriak zarete Usurbilen.

14

G. Zein da atez ateko bilketa martxan jarri zeneti birziklapen tasa altuaz gain, nabarmenduko zenukeen aldaketarik azpimarragarriena? Eneritz

E. herritarren erantzuna. Informazioa zabaldu, eztabaidatu eta erabakiak hartzeko gai dela, erantzukizuna hartzen dakiela erakutsi baitigu politikarioi. Konponbidea aurkitzeko gai dela erakutsi digu. Benetan pozik egotekoa edozein politikarirentzat. Zorionak hemendik usurbildarrei, eta animoak bide bera egin dezaten Hernaniarrei, Oiartzuarrei eta datozen beste herrietako biztanleei.

13

G. Zubietatik: Posible izango al da erraustegia gelditzea? Zubietatik

E. Bai. Bide honetatik Gipuzkoan aurrera egiten dugun heinean. Osasunari kalte egiten dion errausketak ez du inolako zentzurik. Horregatik, Diputatun Nagusiari errausketa programan 6 urteko MORATORIA aplikatzeko eskatu diogu, Denon artean irtenbide burutsu bat eman diezaiogun hondakinen arazoari.

12

G. Erreferenduma egitera zoazte, baina ez al zen hobe atez ate martxan jarri aurretik egitea? Eskerrik asko erantzutegatik. Aitziber

E. 2 urteko lana egin ondoren ere, argi ikasi dugu, informazioa emateaz gain, 1600 herritarrek parte hartzeaz gain , eztabaidatu eta erbakiak hartuz (proiektua herritarrek osatu dute azken finean) praktikak berak ematen duen ezagutza ezinbestekoa dela herritarrak erabakitzeko behar dituen parametro guztiak izan ditzan. Zehazki, AZTIKER enpresak egin inkestak erakusten digu bilketa hasi aurretik %36 alde, %50 zalantzan eta % 14 aurka zegoela eta praktikan 6 hilabeteren ondoren %36ak alde jarraitzen duela, zalantzan zeudenetatik 2/3 alde daudela eta aurka zeudenetati %27 alde jartzen direla. Ikasgai argia da. Proiektu honen ezaugarri guztiak eskura izateko praktikaren beharra dago; gainera, horrek ez du inolako kalterik sortzen herrian ez herritargoan, soilik ohitura aldaketa bat.

11

G. Egunon! Entzun izan dizut sistema hori ez duzuela zuek asmatu, Europako beste leku batzuetatik ekarri duzuela. Nondik? Ondo funtzionatu du? Mikel Garcia

E. Italian, Danimarkan, Australian, AEBetan, etab. biltzen da Atez ate. Baina, nagusiki gurera herrialde Katalanetatik ekarri dugu.Halere, Usurbilgo ezaugarrietara moldatuta aplikatu dugu. Ongi funtzionatzen du guztietan, bai datuei dagokionean eta bai herritarren asebetetzeari dagokionean.

10

G. Sistema hain ona bada zergatik uste duzu daudela hainbeste alderdi, hainbeste agintari eta hainbeste instituzio kontra? Eukene Garai

E. Hondakinen arazoari osasuna eta ingurumenaren zaintza diren parametroei helduz konponbidea eman beharrean, irtenbidea enpresa eta ekonomia interesen baitan planteatzen dutelako. Errausketa da heuren aukera. Gure iritziz osasuna eta ingurumena kaltetzen duena inoiz ez da izango irtenbidea

9

G. Hasteko eskerrik asko handi bat usurbildarrei halako aukera emateagatik. --Usurbilgo eredua ze herritara zabaldu liteke? Edozein herri izan liteke hautagai? Ainara

E. Hernanik eta Oiartzunek abian jarriko dute bilketa udaberrian. Mundu mailan jada Donostia baino handiagoak diren hirietan egiten da atez ateko bilketa. Hau moldagarria baita herri txiki zein handietara.

8

G. Erraustegiaren mehatxua hain hurbil izan ez bazenute jarriko al zenuten atez ateko sistema martxan Usurbilen? Eskerrik asko arretagatik. Miren

E. 40 urte dira hondakinen arazoa ematen dela. Gure erantzukizuna da ustez magiak desagerrarazten zizkigun zaborrei benetako irtenbidea ematea. Erraustegia, oinarri okerren baitan inposatu nahi badigute ere, erakutsi dugu osasuna eta ingurumena errespetatuz konponbidea ematen badakigula. Baina, arazoa herri guztietan ematen da, mundu osoan egia esateko; eta herri askok jada erraustegiaren mehatxurik gabe ere praktikan jarri dute atez ateko bilketa sistema.

7

G. Radio Euskadin bekadun ibilitako lagun batek esan zidan, eskubaloi jokalari zinela, zuri elkarrizketa eskatu eta euskaraz emango zeniola esan zeniola. Bere arduradunei jakinarazi eta ez egitea erabaki omen zuten. Politikarien artean, ez al da horrelako jarrera gehiago behar? Asier

E. Jakina! bai politikariei baina baita ere herritarrei ere. Azken finean guztiok daukagu erantzukizuna, Azken finean euskara dugu euskaldun egiten gaituen bizkar hezurra.

6

G. Atez ateko bilketa dela eta, jende askok dio ea zergatik birziklatu behar den, ez gaudela behartuta birziklatzera eta inposaketa bat dela birziklatu behar izatea. Birziklatzea, denon egin beharra da, hori da egin dezakegun gutxia, denon hoberako, ingurumenaren onerako. Zergatik uste duzu zuk, herritar moduan, birziklatu egin behar dela? Zer esango zenione hori esaten duen bati? eguri

E. Zorionez Gipuzkoan ongi barneratuta daukagun arrazoi bategatik: argi dugu nolako gizarte eredua nahi dugun, nolako etorkizuna eskaini nahi diegun gure ondorengoei. Ingurumena baloratu egiten dugu, Beraz ahalegin horretan, heziketa zibiko ariketa bat da, eta norabide horretan urratsak emateko aukera.

5

G. Egia al da ekonomikoki ere merkeagoa dela atze ate bildutako hondakinen kudeaketa? Xabier

E. Bideragarritasun ikerketak horrela diote. Eta gainera, 8 lanpostu berri sortzen dira herrian.

4

G. Xabier Mikel, atez ateko sistema beste herrietara hedatu arren, Gipuzkoako Foru Aldundiak erraustegiaren proiektua atzera bota dezakeela uste al duzu? ze bero

E. Usurbilen arazoari konponbidea eman diogu. Eta, ziur gaude Usurbilgo ereduak, Atez ateko bilketak, Gipuzkoa osorako balio duela; atzo bertan, Juantxo Lopez Uraldek, Greenpeaceko buruak adierazi bezala. Lortzen dituen emaitzak kontuta hartuz, inolako zentzurik ez du osasunari kalte egiten dion errauste programarekin aurrera egiteak. Aurkitu dugu hondakinen arazoari aurre egiteko modua. Iritsi da unea hondakinen arazoari erakundeok modu bateratuan heltzeko. Horregatik luzatu diogu GFAri, eta zehazki Diputatu Nagusiari, errauste programan 6 urteko moratoria aplika dezan.

3

G. ez alda errezago zabor ontzi batera bota dena eta gero enpresa batek bereiztu ? juanito aizpeola

E. Kontua ez da errazago den ala ez. Baizik eta arazoari benetan erantzuten dion. Izan ere, zaborra dena nahastuta bilduz gero, ondoren teknologia aurreratuena izanik ere ezinezkoa de bereiztea hondakin gai bakoitza.

2

G. Beste herrietara hedatu daitekeen sistema al da atez atekoa? Laburu

E. Inolako zalantzarik gabe. Guk ez dugu ezer asmatu. Hobetu eta egokitu baino. Apirila eta maiatza bitartean Hernani eta Oiartzungo herriak hasiko dira. Bakoitzean bertako ezaugarrietara egokitzeko aukera ematen duen sistema dela ere kontutan hartu behar dugu.

1

G. Egun on.Zergatik iruditzen zaizu orain arteko edukiontzien sistemak ez duela funtzionatzen? Eta zergatik iruditzen zaizu atez ateko bilketa dela bidea? Arrazoituko dizkidazu, labur bada ere, erantzunak? Eskerrik asko Mikeltxo

E. Orain arteko edukiontzien emaitzek diote soilik %20 inguruko bilketa sailkatua lortzen duela eta beraz gainontzeko %80 zabortegi toxikoetar bidertzen dela. 5. edukiontziarkin ere berdin gertatzen da. Europako herrialde aurreratuenetan 7 urteko ahaleginen ondotik, %35 gehienezko emaitzak lortu dituzte. Aldiz Atez ateko bilketarekin %90arte lortu duenik ere bada. Gainera hiri handietan ere funtzionetzen duelaa frogatuta dago.Azken finean helburua bada osasuna eta ingurumena babestea, Atez ate dugu aukera bakarra.