SARE SOZIALAK
Tesia, sei txiotan
'Unibertsitatea.net' atariak '#txiotesia 6 mezutan' lehiaketa egin du.
2013-11-19
"Egitasmoarekin ikerlari euskaldunek egiten duten lana gizarteratzea lortu nahi dugu, baita lan horren atzean dauden pertsonei izen-abizenak jartzea ere", azaldu du atariak.
Twitter sare sozialeko sei mezutan doktore tesia laburtu dute parte hartzaileek.
Esparru anitzetako bost lagunek osatutako epaimahaiak izendatuko ditu irabazleak: Lorea Arakistain kazetariak (@loreaarakistain); Ricardo Gomez doktore, ikertzaile eta EHUko Gasteizko Letren Fakultateko irakasleak (@FiloBlogia); Lore Erriondo doktore, ikertzaile eta EHUko Donostiako Filosofia eta Hezkuntza Zientzien Fakultateko irakasleak (@Erriondo); Txema Egaña doktore, ikertzaile eta Mondragon Unibertsitateko Eskoriatzako Huhezi Fakultateko irakasleak (@EgaaTxema); eta Jon Mattin Matxain doktore, ikertzaile eta EHUko Donostiako Kimika Zientzien Fakultateko irakasleak (@TxoniMatxain).
"Txiolari ulergarriena" eta "txiolari originalena" sarituko diuzte. Lehenari 500 euroko saria emango diote, eta bigarrenari, berriz, 300 eurokoa.