Albistea entzun

'Zuloak', 'Baypass' eta 'Baztan' filmak, Zinemaldiko Zabaltegi Bereziak sailean

Fermin Muguruzak zuzendutako lana eta Patxo Telleria eta Aitor Mazo bikoteak ondutakoa euskara hutsean filmatu dituzte

Javier Rebollo eta Pablo Berger bilbotarren filmak Sail Ofizialean lehiatuko dira
Unax Ugalde aktore gasteiztarra, haur bat besoetan duela, <em>Baztan</em> filmeko une batean.
Unax Ugalde aktore gasteiztarra, haur bat besoetan duela, Baztan filmeko une batean. Z / BERRIA

Igor Susaeta -

2012ko uztailak 28

Euskal Herrian, Katalunian, Galizian eta Espainian ekoitzitako zein film emango dituzten jakinarazi zuten, atzo, Donostiako Zinemaldiaren antolatzaileek. Tartean daude euskara hutsean egindako bi. Batetik, Zuloak Fermin Muguruzak zuzendutako dokumentala. Eta, bestetik, Bypass Patxo Telleriak eta Aitor Mazok ondutako komedia. Zabaltegi Bereziak sailean emango dituzte biak. Sail berean sartu dute Iñaki Elizalderen Baztan. Euskaraz gain, alemana, ingelesa eta gaztelera ere erabili ditu zuzendari iruñearrak film horretan. Sail Ofizialean, berriz, Pablo Berger eta Javier Rebollo bilbotarren Blancanieves eta El muerto y ser feliz filmak, hurrenez hurren, Urrezko Maskorra irabazteko lehiatuko dira. Datorren irailaren 21a eta 29a bitartean egingo da Zinemaldiaren 60. aldia.

Barrura begiratzeko leihoak bost euskal preso politikori buruzko dokumentala Zinemaldiko hautaketa batzordeari aurkeztu zioten Zinez ekoiztetxekoek, baina antolatzaileek ez dute, oraingoz behintzat, hautatutako filmen zerrendan sartu.

Zuloak musika taldeari buruz Muguruzak egindako lana, berriz, Zabaltegi Bereziak atalean emango dute. 1970eko hamarkadatik aurrera ugalduz joan ziren riot girl taldeen moduan eratu zuen taldea Arrate Rodriguezek. «Andy Warholek bere Velvet Undreground sortu zuen modu berean, nik ere musika taldea moldatuko dut, Zuloak. Eta, aldi berean, ñabardura estetikoak, musika zuzendaritza eta abarrak zainduko ditut», zehaztu zuen Rodriguezek, proiektuaren berri eman zutenean. Osatu zuen taldea, eman zituzten emanaldi gutxi batzuk, baina gorabehera batzuk zirela medio, Rodriguezek taldea utzi zuen. Egindako ibilbidearen zati handi bat, ordea, bideoz filmatu zuen, eta bere ahizpa Eider Rodriguez idazleari pasatu zion. Hark, berriz, Muguruzari. Filmaturikoa sailkatu du musikariak, eta Eider Rodriguez lagun izan du gidoia lantzen.

Telleria eta Mazorena, berriz, elkarrekin egindako bigarren filma da. La máquina de pintar nubes zuzendu zuten orain hiru urte, eta, orain, euskara hutsean egindako lan batekin datoz. Komedia erromantiko bat da, Bilbon eta Bizkaiko zenbait tokitan filmatutakoa —Bartzelonan ere errodatu zuten zati txiki bat—, eta Mikel Losada, Sara Cozar, Itziar Atienza, Barbara Goenaga eta Gorka Otxoa dira aktore nagusiak. Hasieran Nemekitepá deitu behar zioten filmari.

Eta Elizalderen hirugarren lana, BaztanPatesnak, un cuento de Navidad (1998) film laburra eta Pietà (2009) zuzendu ditu aurretik—, film historikoa da, eta agotek jasandako bazterketa kontatzen du. Unax Ugaldek, Kandido Urangak, Joseba Apaolazak, Carmelo Gomezek eta Ramon Agirrek jokatu dituzte pertsonaia nagusien rolak. Zuzendariaren asmoa joan den otsailean estreinatzea zen, Berlingo zinemaldian.

McGregor eta Watts

Sail Ofizialari dagokionez, Rebollok soldatapeko hiltzaile zahar baten istorioa kontatzen du El muerto y ser feliz-en. Komedia beltzaren kutsua dauka. Bergerrek, berriz, Grimm anaien ipuin ezagunaren bertsioa egin du Blancanieves-en, baina 1920ko Espainian kokatuta. Eta Sail Ofizialean, baina lehiaketatik kanpo, Juan Antonio Bayonaren —El orfanato (2007)— The Impossible emango dute. Naomi Watts eta Ewan McGregor dira aktore nagusiak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

 ©Jon Urbe, Foku

Eraberritze soilagoa eta merkeagoa

Miren Garate - Gipuzkoako Hitza

Udazkenean hasiko dituzte Donostian Koldo Mitxelena eraberritzeko lanak, baina "birdimentsionatu" egin dute jatorrizko proiektua, pandemiaren eraginez. Bi urtean itxita egongo da kulturunea, eta beste gune batzuetan emango dituzte hango zerbitzuak.

Real Estate, 2019ko argazki batean, Jackson Pollis kidea oraindik taldean zenean. ©JAKE MICHAELS / REAL ESTATE

Itxialdi melodiko bat

Aitor Biain

Real Estate taldeak 'Half a Human' argitaratu du. Sei kantuz osatutako disko labur bat da, itxialdian eta modu telematikoan osatutakoa. Aurreko diskoaren luzapentzat har daiteke.

 ©BERRIA

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna