Patrikak erakusten dituen filma

Drama eta 'thriller'-a batzen ditu Alvar Gordejuelak eta Javier Rebollok zuzendutako 'Alaba zintzoa' filmak
<em>Alaba zintzoa</em> filmeko aktore eta zuzendariak atzo Bilbon egindako aurkezpenean.
Alaba zintzoa filmeko aktore eta zuzendariak atzo Bilbon egindako aurkezpenean. LUIS JAUREGIALTZO / ARGAZKI PRESS

Ainhoa Larrabe -

2013ko azaroak 29

Zoritxarraren loterian lehen saria egokitu zaio Susanari. Bera da Alaba zintzoa filmeko protagonista. Ama buruko gaixotasun batekin du egoitza batean; aitak alde egin du eta diru eskean baino ez zaio agertzen. Egunak garbitzaile lanetan pasatzen ditu, behar ekonomiko guztiei aurre egiteko. Biktima bat da Susana, ezbehar familiar eta sozio ekonomikoen biktima. Zurrunbilo horretatik atera nahian, biktima zena anker bihurtuko da. Leire Ucha aktore bilbotarra jarri da haren larruazalean. Eta ez du rol xumea bete behar izan. Ustekabez beterik dago filma. Alvar Gordejuela eta Javier Rebollo dira pelikularen zuzendariak, eta Bilbon grabatu dute pelikula. Gaurtik aurrera ikusgai izango da zinema aretoetan, jatorrizko hizkuntzan, euskaraz, gaztelaniazko azpidatziekin.

Zuzendariek esan dute pelikula lokal bezain unibertsala egin dutela: «Bilbon gertatzeak tokikotasuna ematen dio, baina edukiak hedapen zabala du». Maria Eugenia Salaberrik idatzi du gidoia, eta Gordejuelak lagundu dio zeregin horretan. «Iruzurtua izaten ari den gizarte baten isla» da osatu duten lana, Salaberrik azaldutakoaren arabera.

Dramatik 'thriller'-era

Drama soziala da nagusi filmaren hasieratik. «Pelikulako gertakariak hedabideetan notizia gisa irakurtzea posiblea da egun», adierazi du Rebollok. Egungo krisi ekonomikoak eragin ditzakeen ondorioez ari da. Izan ere, filmeko protagonistaren arazo ekonomikoek tentsioa markatzen dute lehen unetik. Lanerako bizi da Susana, garbitzaile lanetan. Antzeko ildotik erantzun du Salaberrik. Haren arabera, azken urteetako filmetan ez da diru arazoen inguruan hitz egin: «Guk hor jarri dugu arreta, patriketan jarri dugu lupa». Filmean agertzen diren pertsonaia guztien bizimodua baldintzatzen du diruak. «Egungo errealitatea da», azaldu du gidoilariak.

Filmaren bukaerak thriller kutsua hartzen du drama leunduz. Etsipenak jota eta egoerak gainditurik ageri da protagonista. Susanak errealitateari aurre egiteari uko egiten dio, eta ukazio horrek eramango du burua galtzera. «Hau ez da gertatzen ari» esaldia etengabe errepikatzen hasten da, eta orduan egiten du filmak thriller-erako itzulia.

Ucha gustura sentitu da Susanaren rolean: «Pena ematen dit Susanak, baina errealitatearen isla da». Itziar Lazkanok buruko osasun arazoak dituen pertsonaia batena egiten du filmean. Osasun zentro batean egon zen bere lana prestatzeko: «Han konturatu nintzen errealitateak fikzioa gainditzen duela». Aitziber Garmendia, Mikel Losada eta Zorion Egileor aktoreek ere parte hartu dute filmean.

Grabazioak «lagun artean» egin dituzte. Hala adierazi zuten atzo. Emaitzarekin pozik daude, eta erantzun ona jasotzea espero dute.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Albiste gehiago

 ©JUAN CARLOS RUIZ / @FOKU

«Gizartean ez zaio garrantzirik eman izan andreen historiari»

Ainhoa Sarasola

Josefina neskame aritu zen 1950eko hamarkadan, sorterria utzita; Marie haren biloba gazteak horren berri izan nahi du. Biak ditu protagonista 'Ene baitan bizi da' Txoperenaren lehen eleberriak.
Ezker-eskuin, Idoia Hernandez, Eneritz Dueso, Miren Narbaiza eta Olatz Salvador, Musikari elkarteko zuzendaritza berriko kideetako lau. ©ANDONI CANELLADA / FOKU

Zazpi emakume musikarik hartu dute Musikari elkarteko gidaritza

Itziar Ugarte Irizar

Jarduna duintzeko, elkartzera deitu dute Izaro Andres, Eneritz Dueso, Garazi Esnaola, Idoia Hernandez, Lide Hernando, Miren Narbaiza eta Olatz Salvador musikariek, kargua hartzean
Lander Garroren <em>Bi urte, lau hilabete eta egun bat</em> pelikulako fotograma bat. ©BERRIA
Ezker-eskuin, Idoia Hernandez, Eneritz Dueso, Miren Narbaiza eta Olatz Salvador, Musikari elkartearen zuzendaritza berriko kideetako lau, gaur goizean, Donostian. ©Andoni Canellada / Foku

Zazpi emakume musikarik hartu dute Musikariren gidaritza

Itziar Ugarte Irizar

Izaro Andresek, Eneritz Duesok, Garazi Esnaolak, Idoia Hernandezek, Lide Hernandok, Miren Narbaizak eta Olatz Salvadorrek berritu dute elkartearen zuzendaritza. Sektorean bizi den prekaritatea ikusirik, «elkartzeko eta mugitzen hasteko» arrazoi nahikoa dituztela adierazi dute, eta Musikari horretarako tresna izatea nahi dute.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna