Komunikazioa. Irlen sarea

Ez da teknologia...

Gorka Julio -

2014ko maiatzak 29

Aspaldi irakurri nuen Steven Johnsonen Emergence: The Connected Lives of Ants, Brains, Cities and Software liburua, baina azken gertakari askok berriz irakurtzera eraman naute. Liburuan larrialdiaren kontzeptua lantzen du inurriak, garunak, hiriak eta softwarea bezalako adibideen bidez. Larrialdia, elementuak bateratuz, sistemaren propietateak elementuen propietateetatik eratorri ezin daitezkeen sistemak sortzeko moduari deritzo.

Liburuan adibide asko daude, baina horien artean lohi-lizun organismoarena dago. Lohi-lizunak, kondizio txarrak (hotza eta hezetasuna) daudenean, organismo zelulabakar independenteen modura jokatzen du, baina, kondizioak hobetzean, agregazio prozesuak abiatzen ditu, eta sistemak osatu. Arraroa badirudi ere, jarrera horretan ez dago bidea markatzen duen goitik beherako elementu jakintsuagorik; behetik gorako prozesuen bidez gertatzen da.

Larrialdiak arau sinple batzuei jarraitzen die. Azkena eta garrantzitsuena, beharbada, bizilagunekin harremana izatearen garrantzia. Ondoriozta daiteke ondoan daudenekin elkarrekintzan egoteak kontaktu gehiago sortuko duela elementu ezberdinen artean. Horrek, sistema informazio lokaletatik abiatuz, jarrera global bat izatera bultzatuko du, baldin eta masa kritikoa badago.

Horrela, inurriek koloniak sortzen dituzten bezala, hiriek auzoak sortzen dituzte, adibidez; baina fenomenoak ez du mugarik. Internet eta teknologia batzuen laguntzaz, elkarrekintza horiek errazago egiten ditugu, eta, beraz, komunikazioa edota politika ere horien bidez aztertzen hasi behar dugu.

Azken hauteskundeetako Podemos alderdiaren emaitza edota aste honetako Can Vies zentro soziala hustearen ondorioz sortutako liskarrak larrialdi fenomenoak dira. Elementuak bakarturik aztertuz, ez genuke inoiz fenomeno osoa ulertuko. Hau da, Pablo Iglesiasen figuran bakarrik zentratuz eta gizartean izandako aurrekariek sortutako sareak alboratuz, ezin dugu ulertu; Can Vies beste zentro sozial okupatu bat bezala ikusita eta Sants auzoan hortik abiatutako dinamikek duten garrantziaz jabetu gabe ezer uler daitekeen bezala.

Era horretako fenomenoak aurreikustea zaila bada ere, gertatzen direnean ondo ulertzen da larrialdiaren indarra. Horregatik, gizartea gako horietan ere aztertzen saiatzea beharrezkoa dugu, teknologiek hartzen duten paperetik harago.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Osasun langileak, atzo, PCRak egiten, Donostiako Okendo kultur etxean. ©GORKA RUBIO / FOKU

Eragile guztiekin biltzeko eskatu dio oposizioak Eusko Jaurlaritzari

Olatz Esteban Ezkati

538 positibo atzeman dituzte Hego Euskal Herrian, iragan astean halako bi. Ospitaleratzeak ere bikoiztu egin dira egun batean: 103 pertsona daude erietxean.

 ©LUKAS COCH / EFE

COVID-19aren kutsatzeak arakatzeko aplikazioen eraginkortasuna, kolokan

Munia El Marhoum Iruretagoiena

«Normaltasun berrira» heldu bidean, koronabirusaren zabaltzea geldiarazteko tresna gisa aurkeztu dituzte zenbait 'app'. Herrialde askotan ez dira lortu hasiera batean aurreikusitako emaitzak

 ©RAUL BOGAJO / FOKU
Iñigo Urkullu Eusko Jaurlaritzako lehendakaria, iragan astelehenean, Gasteizen ©Jaizki Fontaneda / Foku

«Erantzukizunerako» deia egin du Iñigo Urkulluk

Joxerra Senar

Sare sozialetan zabaldutako oharrean, Eusko Jaurlaritzako jarduneko lehendakariak ohartarazi du «denen artean ahal den guztia» egin behar dela lehen olatuan bizitako egoera dramatikora ez itzultzekoa.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna