Albistea entzun

Egungo estatusa gainditu edo independentziarako aukera izan nahi dute %52k

Jaurlaritzak agindutako soziometroaren arabera, EAEko herritarren %32k gaurko autonomia estatuari eutsi nahi diote

Erredakzioa -

2012ko azaroak 23 - Bilbo

Eusko Jaurlaritzaren aginduz urrian EAEn egindako inkesta baten arabera, Araba, Bizkai eta Gipuzkoako herritarren %52k egungo estatus politikoa gainditu nahi dute, dela autonomia erkidegoaren ahalmenak gainditzeko, dela independentziarako aukera izateko. Zehazki, %27k egin dute independentziarako aukera izatearen alde, eta %25ek erkidegoen eskumenak areagotzearen alde. Herritarren %32k, berriz, egun indarrean dagoen autonomien estatuari eustearen alde daudela erantzun dute.

Ehun lagunetik lauren ustez, autonomiarik gabeko estatu zentralizatua egokiagoa litzateke, eta ehunetik hiruk egun baino autonomia gutxiago izan nahiko lukete. Hori ondorioztatu du Eusko Legebiltzarrerako hauteskundeak baino bi aste lehenago Araba, Bizkai eta Gipuzkoako 2.254 pertsonari egindako inkestak oinarri dituen azken soziometroak. Otsailean egindako aurreko soziometroarekin alderatuta, lau puntu egin du gora independentziaren aukera eskuartean izateko nahiak, eta hiru puntu eskumenak areagotzekoak.

Mintegik baloraziorik onena

Politikariek balorazio txarra jaso dute herritarren aldetik, inor ez baita 10 puntuetatik 5ekora iritsi. EH Bilduren lehendakarigai Laura Mintegik jaso du notarik altuena, 4,3 batekin. EAJren lehendakarigai Iñigo Urkulluk 4,2 bat jaso du, eta PSE-EEren Patxi Lopezek 4koa. Balorazio txarrena UPDko Gorka Maneirok jaso du: 2 bat.

Hurrengo Eusko Jaurlaritzak izan beharreko lehentasunei dagokienez, lanpostuen sorrera eta zerbitzu publikoen garapena lehenetsi dute ia denek. %66k enplegua sustatzeari eman die garrantzia; %61k, osasun zerbitzuak mantentzeari, eta %38k, hezkuntza sistemari eusteari.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Juan Alberto Belloch, artxiboko irudi batean. ©Javier Cebollada / EFE

Juan Alberto Belloch: «Galindo, borrokalari antiterrorista moduan, onena zen»

Iosu Alberdi

Justizia eta Barne ministro ohiak adierazi du bera izan zela Galindori jeneral kargua ematea ahalbidetu zuena, nahiz eta jakin atxilotuak torturatzen zituela.

Eba Blanco (erdian), azaroko biltzarrean, idazkari nagusi izendatua izan ondoren. ©JAVIER ZORRILLA / EFE

EAren primarioak berriz egiteko aginduaren aurkako helegiteak aztertuko dituzte

Xabier Martin

Espainiako Auzitegi Gorenak tramiterako onartu du EAren eskaera, eta alderdiaren primarioak berriz egiteko agindu zuen probintzia auzitegiaren epaia balekoa den ala ez erabakiko du.

Donostiako Renferen geltokia. ©GORKA RUBIO / FOKU

Beste geltoki bat aldiriko trenen transferentziaren lokarria askatzeko

Xabier Martin

Laster egingo dute Gasteizek eta Madrilek aldiriko trenen eskuduntza gerturatuko lukeen bilera

Senpereko herriko etxeko oposizioak ere dimititu egin du

Senpereko herriko etxeko oposizioak ere dimititu egin du

Arantxa Iraola

Urrian hautetsi hainbatek utzi zuten kargua, auzapezaren kudeaketa ereduarekin kritiko

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.