Albistea entzun

EAEko %58 independentziari buruzko erreferenduma egitearen alde daude

Erreferendum bat egingo balitz, %39k bozkatuko lukete estatu bat sortzearen alde, %34k kontra, eta %13 abstenituko lirateke

Aitziber Laskibar Lizarribar -

2013ko ekainak 29

Euskobarometroak Arabako, Bizkaiko eta Gipuzkoako 1.200 herritarri maiatzean egindako inkestaren arabera, hiru lurraldeetako herritarren %58 estatu propio bat sortzearen inguruko galdeketa egitearen alde daude. Galdetu dietenen %27 erreferendumaren aurka azaldu dira, eta %15ek ez dute erantzun. Iazko azaroan egin zuen gaiaren inguruko azken inkesta Euskobarometroak, eta ordutik, 8 puntu igo da erreferendumaren aldeko joera. Abertzale gehienak, %83, galdetzearen alde daude, eta abertzale ez direnen %33 ere bai. Beren burua abertzaletzat ez dutenen artean, gainera, erdiak baino gutxiago azaldu dira aurka: %48. Sei hilabetean 11 puntu jaitsi da aurkakotasuna azaldu dutenen kopurua.
Erreferenduma egingo balitz, %39k bozkatuko lukete independentziaren alde, eta %34k kontra. Gaur-gaurkoz, abstentziora joko lukete %13k. Beste %14k ez diote galderari erantzun. Inkestaren arabera, abertzaleen %68k babestuko lukete Espainiatik kanpoko estatua, eta beren burua abertzaletzat ez daukaten %13k ere bai. Halaber, botoa EH Bilduri eman diotenek egingo lukete, batik bat, independentziaren aldeko hautua: botoa eman diotenen %90ek. EAJren boto-emaileen artean, erdiek baino gutxiagok babestuko lukete independentzia gaur egun: botoa EAJri eman diotenen %44k.
Hala ere, independentzia nahiari buruz galdetutakoan, gehiago dira baiezkoa erantzun dutenak: %58k esan dute baietz; nahi «handia» dutela %37k, eta «apala» %21ek. %30ek, ez dute batere desirarik. Independentziarako «nahi handia» dutenen kopurua sei puntu igo da urte erdian.
Nabarmen gehitu da independentzia lortuko balitz egoera hobea izango litzatekeela uste dutenen kopurua: %37k uste dute hobeto biziko liratekeela Espainiatik bananduta; duela sei hilabetetik hamar puntu baino gehiago igo da kopurua. Okerrago biziko liratekeela uste dutenak %26 dira, iazko azaroan baino zortzi puntu gutxiago. %16k berdin biziko liratekeela uste dute.


Europatik urruntzearen beldur

Edozein modutan, erreferendum batean independentziaren alde bozkatuko luketela erantzun duten batzuen artean, bada hautua aldarazten dien zerbait: «Euskadi Europako Batasunetik kanpo geratzea». Independentzia eskuratzeak EBtik ateratzea esan nahiko balu, %31k mantenduko lukete Espainiatik aldentzeko hautua; baldintza hori aurkeztu aurretik baino %8 gutxiagok.
Bestalde, beren burua abertzaletzat daukatenen eta abertzaletzat ez daukatenen artean apenas dagoen alderik. Beren burua abertzaletzat ez daukatenak %48 dira, eta %46 abertzaletzat daukatenak.


Negoziazioa eta aitorpena

Gatazka gainditzeari dagokionez, gehien-gehienak ETAk eta Espainiako Gobernuak negoziatzearen alde daude: %85. Horietako %45ek, halere, «ETAk armak uztea» jarri dute baldintzatzat.
Justizia «bi aldeetako biktimekin» egin behar dela erantzun dute galdetu zaienen %79k, eta %77k, «indarkeria aroa ondo amai dadin», ez dela «ez garailerik ez garaiturik» egon behar.
Francisco Llera irakaslea buru duen taldeak egindako lanaren emaitzak gorabeheraren bat izan dezakeela ohartarazi du, «herritarren sektore batek» uko egin diolako inkesta egiteari.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Juan Alberto Belloch, artxiboko irudi batean. ©Javier Cebollada / EFE

Juan Alberto Belloch: «Galindo, borrokalari antiterrorista moduan, onena zen»

Iosu Alberdi

Justizia eta Barne ministro ohiak adierazi du bera izan zela Galindori jeneral kargua ematea ahalbidetu zuena, nahiz eta jakin atxilotuak torturatzen zituela.

Eba Blanco (erdian), azaroko biltzarrean, idazkari nagusi izendatua izan ondoren. ©JAVIER ZORRILLA / EFE

EAren primarioak berriz egiteko aginduaren aurkako helegiteak aztertuko dituzte

Xabier Martin

Espainiako Auzitegi Gorenak tramiterako onartu du EAren eskaera, eta alderdiaren primarioak berriz egiteko agindu zuen probintzia auzitegiaren epaia balekoa den ala ez erabakiko du.

Donostiako Renferen geltokia. ©GORKA RUBIO / FOKU

Beste geltoki bat aldiriko trenen transferentziaren lokarria askatzeko

Xabier Martin

Laster egingo dute Gasteizek eta Madrilek aldiriko trenen eskuduntza gerturatuko lukeen bilera

Senpereko herriko etxeko oposizioak ere dimititu egin du

Senpereko herriko etxeko oposizioak ere dimititu egin du

Arantxa Iraola

Urrian hautetsi hainbatek utzi zuten kargua, auzapezaren kudeaketa ereduarekin kritiko

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...