Berria.eus

Iritzia Amaitu da

Publizitatea

Iritzia

Jira

Amaitu da

 

2012-03-18 / Xabier Gantzarain

Jada ez da herritarrik, bezeroak baizik, eros-ahalaren araberakoak. Abokatu on bat ordaintzeko lain daukanak justizia izango du; errenta altua daukanak, seme-alabak eskola on batera eraman ahal izango ditu. Erri de Lucak egun hauetan esandakoak dira horiek. Orain dela ia bost urte, 2007ko uztailean egunkari honetan bertan Jon Benitok eskaini zizkion bi orrialdeak etorri zaizkit gogora, eta orduko esanak hartu ditut oraingoekin alderatzeko. Berlusconi kendu zuten Monti teknokrata jartzeko, horixe aldea.

Apenas inporta zaidan Berlusconiren espeziea. Italian jada ez dugu zentzu politikorik, zentzu ekonomikoa besterik ez dugu. Munduko ekonomiaren aldagarri bat besterik ez gara, dibisa sisteman parte hartzen dugu, txanponak gara. Horregatik hautatu dute italiarrek ekonomiaren mundutik datorren pertsonaia bat lehendakari izateko. Berlusconi da aberatsena, eta beraz, justua da Italia berak gobernatzea. Errepublikako presidentea Italiako Bankutik dator... Italiak ekonomia laudatzen du. Politika amaitu da. Berlusconi mundutik lotsagarri ibiltzeko istripu bat da. Baina arazoa ez da pertsonaia, arazoa gu geu gara.

Politika hitz ederra da, politika amaitu da: nola eragin, nola egin politika?
 

Publizitatea

Iritzia saileko albiste gehiago

Albiste nagusiak

Alzate jenerala larunbatean utziko du aske FARCek

Juan Manuel Santos Kolonbiako presidenteak Ozeano Bareko kostaldeko operazioak bertan behera uzteko agindu du operazioa errazteko, FARCen koordenatuei jarraituz. Gerrillariek ohartarazi dute Gobernuak ezin duela alde bakarretik bake negoziaioak berriro bertan behera utzi.

Gehien irakurriak