Xabier Gantzarain Etxaniz.
Jira

Futuroscope

2012ko apirilaren 24a
00:00
Entzun
Europaren etorkizuna omen dago jokoan Frantzian; Hollande aurreratu da, Sarkozyk ez du hainbeste galdu, Le Pen gora dator, non dago ezkerra? Bigarren itzulia falta da, orain hasiko da jokoa, batetik eta bestetik botoak eskuratzeko borroka, Europaren etorkizuna omen dago jokoan. Eta jendearena?

Aurten beteko ditu 25 urte Frantziako Poitiers inguruan dagoen Futuroscopek; etorkizuna ikustea du xede, izenari kasu egitera, eta ikusiz gozatzea. Jolas-parkea da. Atrakzioen artean Le Peuple du Futur dago, Etorkizuneko jendea. Futuroscopen egin zuen hauteskunde kanpainako ekitaldi bat Sarkozyk.

Euskal Herriko hiru leku agertzen dira Sud-Express filmean: Altsasu, Irun eta Baiona. Lisboa Parisekin lotzen duen trena bera da ordea protagonista, zeharkatzen dituen lurrak, alboan uzten dituen herriak, trenbidearen ondoan bizi den jendea, trena hartuta bizimodu berri eta hobe baten bila abiatzen den jendea. Lisboan poliziarengandik ihesi dabilen Mili mutil beltz gaztea da bat; Futuroscopeko liburuxka bat ikusi eta liluratuta, trena hartu eta Futuroscopera iritsi da, han lana, oreka, lasaitasuna lortuko duelakoan.

Trenetik jaitsi, parkera egin, eta sorpresa: itxita dago.

Etorkizuna itxita dago.
Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.