Berria.eus

Iritzia Itxita

Publizitatea

Iritzia

Jira

Itxita

 

2012-04-25 / Xabier Gantzarain

Paperik ez daukalako dabil Mili poliziarengandik ihesi Lisboan. Angolatik, Mozambiketik, Portugalen kolonia izandakoren batetik etorriko zen, metropolira. Ahaztu egiten zaigu historia. Etorkizuna Futuroscopen ikusi uste izan du, haraino joan da, itxita dago. Ameskeria hutsa izan da. Trena hartuta Lisboara itzuli denean, lagunek galderak egin dizkiote: nolakoa da Frantzia, nolakoa da Europa? Mili mundua ikusi duenaren harrotasunaz mintzo zaie: han dena ederra da; Europa, benetako Europa, ez da hau. Esaten ez duena bestea da: etorkizuna itxita dago.

Papergabetuentzat, langabetuentzat, itxita dago etorkizuna gabetuentzat, itxita daude ospitaleetako ateak, itxita daude elkartasunaren besoak eta zabal-zabalik errukiaren irribarreak, itxita daude bizimodu duin eta eroso samar baterako aukerak, itxita dago etorkizuna. Ireki egin behar da. Indarrez ireki behar bada ere.

Etorkizuna itxita dago, eta irekita segitzen du iraganak, zauri zikin horrek. Orain 75 urteko maniobrak berrituz bezala aritu zen atzo Espainiako ejertzitoa Elgetan, Intxorta inguruetan. Ez dio Espainiako gobernuak enkargurik egingo Picassori atzoko laidoa mihisera eraman dezan udaran Parisen erakusteko, benetako Europan.
 

Publizitatea

Iritzia saileko albiste gehiago

Albiste nagusiak

AEBen esku hartze luzea

Bi herrialdeen arteko gatazkaren erroa Gerra Hotza baino lehenagokoa da, eta horrek azaltzen du hein handi batean Washingtonek blokeoa mantendu izana SESB erori ondotik.

Gehien irakurriak