Albistea entzun

NaBai 2011 izango da Aralarren eta EAJren marka Nafarroan

Amezketa: «Izenean jarritako ñabardurak erakusten du badakitela ez dutela zilegitasunik NaBai sigla erabiltzeko»

Erredakzioa -

2011ko apirilak 2 - Iruñea

Aralarrek, EAJk eta independenteek osatutako koalizioak Nafarroa Bai 2011 hauteskunde marka erabiliko du maiatzeko udal eta foru parlamenturako hauteskundeetan, herenegun gauean Nafarroako Aralarreko koordinatzaile Txentxo Jimenezek baieztatu zuenez. NaBai siglen ondoan 2011 jartzearen arrazoia, Jimenezek azaldu zuzenez, EAk auzitegien aurrean debekuren bat planteatzeko aukerari iskin egitea izan da.

«Jakin badakigu EAren aldetik eragozpenen bat jartzeko borondatea egon daitekeela», esan zuen Aralarreko ordezkariak. Dena den, gaineratu zuen ez duela uste marka berriak nahasmena sor dezakeenik, bere ustez «nafar gizarteak ederki asko dakielako eta bizi ere egin duelako Nafarroa Bairen baitan azken aldian gertatu den bilakaera».

«Prebentzio neurri gisa, edo argitzeko edo argitzen laguntzeko, hauteskundeetako urtea erantsi diogu markari, Nafarroa Bairen siglak bozetan egon ez daitezen Hauteskunde Batzordera joko duela iragartzen ari dena lasaitze aldera».

«Zilegitasunik gabe»

NaBai siglari 2011 gehituta ere, EA ez dago ados, atzo Koldo Amezketak adierazi zuenaren arabera. «Izenean jarritako ñabardurak agerian uzten du eurek ere badakitela ez dutela legitimitaterik NaBai sigla erabiltzeko», esan zuen Amezketak.

EAko ordezkariaren arabera, ñabardurak ez du arazoa konpontzen, «izen bera hautatu baitute». Amezketak azaldu zuenez, «kontuan hartuta izen hori bera duen koalizio bat badagoela eta 2012 arte lau alderdi ordezkatzen dituela, uste dugu hautesleria nahasarazi lezakeela».

Aralarrek eta EAJk elkarrekin koalizioan joateko eskubide osoa dutela aitortu arren, EAk uste du ezin dutela Nafarroa Bai ordezkatu, hastapeneko kideen erdiak direlako. «Beste izen bat hartu behar dutela uste dugu, eta gizartearen aurrean beste proiektu bat ordezkatuz aurkeztu, baina ez Nafarroa Bai gisa», eutsi zion Amezketak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Garikoitz Aspiazu Auzitegi Nazionalean deklaratzen, hilaren 13an. ©Fernando Villar, EFE

ETAren 2002ko atentatu batean parte hartzeaz absolbitu dute Garikoitz Aspiazu, froga faltagatik

Uxue Rey Gorraiz

2002an Bilbon izandako atentatu bat egin izana egotzita epaitu dute Espainiako Auzitegi Nazionalean; bonba-auto bat lehertu zen, eta hainbat zauritu eragin. Aspiazuk ukatu egin zuen atentatuan parte hartu zuela.

Gaurko ekitaldiko une bat. ©BERRIA

Omenaldia egin diote Katalunian Txikiri, Guardia Zibilak fusilatu zuen lekuan

Berria

Besteak beste, Txikiren anaia Diego Paredes eta EH Bilduko Iñaki Ruiz de Pinedo mintzatu dira ekitaldian

Ortuzar, Forondan bildurikoei mintzatzen. ©Jaizki Fontaneda / FOKU

«Ez Sanchez ez Feijoo: Euskadi» mezua aireratu du EAJk Alderdi Egunean

Berria

Iñigo Urkullu EAEko lehendakaria, Andoni Ortuzar alderdiko burua eta EGIko Bea Berlanga mintzatu dira Forondako ekitaldian

Arkaitz Rodriguez, gaurko ekitaldian. ©Juan Herrero / EFE

Borrokarako deia egin du Sortuk, «kalean zein erakundeetan»

Berria

Irailaren 27a dela eta, ekitaldi bat egin du alderdiak Tolosan

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...