Komunikazioa

Gazteen artean 'Goenkale' lider, tarteka

ETB1eko telesaila liderra izan zen 13-24 urte bitarteko ikusleen artean urtarrilaren 8an eta 22an. Adin tarte horretan, %12ko ikusle kuota bereganatu zuen urtarrilean, EAEn.
Asier Hernandez, Naiara Arnedo, Karmele Larrinaga, Xabier Perurena, Maria Cruickshank, Eneko Sagardoi, Iñaki Perurena, Maitena Salinas, Mikel Martinez eta Asier Oruesagasti <em>Goenkale</em>-ko aktoreak.
Asier Hernandez, Naiara Arnedo, Karmele Larrinaga, Xabier Perurena, Maria Cruickshank, Eneko Sagardoi, Iñaki Perurena, Maitena Salinas, Mikel Martinez eta Asier Oruesagasti Goenkale-ko aktoreak. ETB

Urtzi Urkizu -

2013ko otsailak 10

Iazko udazkenean telebistatik oholtzara egin zuen jauzi Goenkale-k. Eta antzezlana ari da bere bidea egiten. ETB1en, berriz, 19. denboraldia du telesailak. Eta ikusle datu harrigarriak ari da lortzen.

Nabarmentzeko datuen artean, 13-24 urte bitarteko gazteen artean duen harrera ona dago: urtarrilean %12ko ikusle kuota izan du gazteen artean. Gainera, 40 katetik gorako eskaintzaren erdian Goenkale izan da lehen aukera adin tarte horretako ikusleentzat urtarrilaren 8an eta 22an.

Euskaldunen artean, halaber, oso batez besteko handia izan du telesailak urtarrilean: %10,2ko ikusle kuota. Urtarrilaren 22ko atalak 2011ko azarotik lortutako datu onenak bereganatu zituen: %16,3ko ikusle kuota euskaldunen artean —lehen aukera bere ordutegian— eta %19,6koa 13-24 urte bitarteko gazteen artean. 102.000 ikus-entzulek ikusi zuten uneren batean telesaila.

2012-2013ko denboraldian, Araba, Bizkai eta Gipuzkoan %4,3ko ikusle kuota darama Pausokaren telesailak. Aurreko denboraldian, batez beste 40.000 lagunek ikusi zituzten Arraldeko abenturak.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Erizain bat, gazte bati txertoa ematen, Brasilen. Umeak txertatzeko ohiko kanpainetan jaitsiera nabaritzen hasi dira aurten ©FERNANDO BIZERRA JR / EFE

COVID-19aren uste ustelak

Mikel P. Ansa

COVID-19aren pandemia ukatzen duten joera batzuek indarra hartu dute uda honetan. Haiek zabaldutako uste batzuk zeinen okerrak diren azaldu dute Miren Basaras eta Guillermo Quindos mikrobiologoek artikulu sorta honetan.

PCR proba bat, Indian. Bigarren herrialde kaltetuena da hura. ©SANJEEV GUPTA / EFE

Milioi bat lagun baino gehiago hil ditu COVID-19ak

Iosu Alberdi

AEBetan erregistratu dute kasu eta heriotza gehien. Euskal Herriak munduko heriotza tasa handienetako bat du: 77 heriotza 100.000 biztanleko.

Konfinamendua ezarri zuten Azkoienen. ©Idoia Zabaleta / Foku

Hegoaldeko kasuen erdiak baino gehiago, Nafarroan

Uxue Rey Gorraiz

Beste 603 positibo zenbatu dituzte Hego Euskal Herrian; Nafarroan atzeman dituzte horietatik 318. Halaber, bi pertsona zendu dira birusaren ondorioz.

Maria Txibite, agerraldi batean. ©Jesus Diges / Efe

Txibitek esan du egoera «kontrolatuta» dagoela Nafarroan

Arantxa Iraola

Positibo «asko» izan arren konfinamendu orokorrik ezartzeko asmorik ez dutela adierazi du

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna