Italiak zergapekoen dirua jarriko du berriro, bi bankuren likidazioan

17.000 milioi euro bitarte eskainiko du gobernuak laguntzetan. Bruselak baimena eman dio bitarteko publikoak baliatzeko, bi banku horien porrotak Venetoko ekonomia arriskuan jarriko lukeela onartuta
Italiako lehen ministroa, Paolo Gentiloni, eta Finantza ministroa, Pier Carlo Padoan.
Italiako lehen ministroa, Paolo Gentiloni, eta Finantza ministroa, Pier Carlo Padoan. CLAUDIO PERI / EFE Tamaina handiagoan ikusi

Ivan Santamaria -

2017ko ekainak 27

Banku batasuna mandatu bakar batekin eraiki zen: finantza erakundeen porrotak berriro ere diru publikoarekin ordaindu behar ez izatea. Zehatzago, bankuen erorikoek utzitako faktura garestiak zergapekoen poltsikotik inbertitzaileen zorrora pasatzea. Hala egin zen orain dela bi aste Espainiako Banco Popular likidatu eta Santanderren esku utzi zenean. Dena galdu zuten akziodunek eta zordunek. Europan, ordea, lerro bihurriekin idatzi ohi da historia. Italiako bi banku erori dira asteburuan, baina porrot hori kudeatzeko tenorean itzuli da erreskate publikoa. Zergapekoek dirua jarriko dute, berriro, eta inbertitzaile batzuk, handienak, libratu egingo dira, berriro.

Asteburua baliatu du Italiako Gobernuak eragiketa gauzatzeko. Ostiralean bidea ireki zuen EBZ Europako Banku Zentralak. Kapital faltaren ondorioz, Veneto Banca eta Banca Popolare di Vicenza «porrot eginda edo erortzeko zorian» zeudela jakinarazi zuen, erakundeak ikuskatzeko EBZk daukan arduratik. Arriskua onartuta, zer egin erabaki behar zuen SRB bankuen likidazioaz arduratzen den kontseiluak. Hor hasten dira aldeak Popularren kasuarekin.

SRBren aburuz, ez zen beharrezkoa bankuen erresoluziorako Europako arauak erabiltzea, eta, ondorioz, posible zen porrota kudeatzeko Italiako legeak diotenari jarraitzea. Oraingo honetan, arrisku sistemikorik ez zuen ikusten likidazio kontseiluak, eta uste du banku batasunaren arabera jokatzea ez zela «interes publikokoa». Veneto eskualdeko bi bankuek 60.000 milioi dituzte aktiboetan. Popularrek 170.000 milioi zituen.

Prozeduraren kontrola eskuratuta, erreskatean diru publikoa erabiltzeko modua aurkitu zuen Italiak. Bi bankuak erortzen uzteak Venetoko ekonomiarentzat arrisku handia ekarriko lukeela argudiatu, eta baimena eskatu zion Europako Batzordeari dirua jarri ahal izateko, estatu laguntzen araudia urratu gabe. Bruselak igandean onartu zion eskaera.

17.000 milioi, asko jota

Erreskateak bi parte ditu. Batetik, bi bankuen aktibo osasuntsuak bereganatuko ditu Intesa San Paolo erakundeak, euro baten truke. Bere kapital mailari eutsi ahal izateko, 4.785 milioi jasoko ditu dirutan, gobernuak bankuen arazoei aurre egiteko iaz eratu zuen funts batetik. Ordainketa horrekin batera, 400 milioiko berme bat jasoko du, hartutako kredituekin arazoak sortuko balira ere.

Bestetik, gainerako aktibo toxikoak likidatuko dira. Prozesu horretan egon daitezkeen galerak estaltzeko, 12.000 milioi euro bitarteko bermeak eskuratu ditu Intesak. Horrek esan nahi du Italiako Gobernuak 17.000 milioi eurotik gora jarriko dituela zergapekoen poltsikotik. Kostua horren azpitik egongo dela justifikatu du Bruselak, likidatu behar diren aktiboen kasuan kobratzeko lehentasuna izango duelako gobernuak. Edonola ere, ez da erraza neurtzea halako prozesuetan galerak zeintzuk izango diren. Espainiako Bankuaren arabera, finantza erakundeen erreskaterako erabili ziren 60.000 milioi ez dira sekula berreskuratuko.

Italiak hartu duen bideak ondorioak izango ditu faktura banatzerakoan. Hasteko, gordailu guztiak eta senior zordunak libratuko dira. Ez dute euro bat bera ere galduko likidazioan. Bonu senior horiek jaitsiera itzela izan zuten aurreko asteetan, eta atzo, ordea, merkatuetan igoera handia izan zuten. Akziodunen eta junior zordunen bizkarrean jarriko da galeraren parte bat, baina ez dago argi zenbat. Finantza Ministerioak iragarria du inbertitzaile txiki batzuk lagunduko dituela, gutxienez 50 milioi euro jarrita. Engainatuta finantza produktu konplexuak erosi zituzten inbertitzaileak salbatu nahi dituzte, hain zuzen ere.

Kreditu ustelak itota ari ziren Veneto Banca eta Banca Popolare di Vicenza. Zorroaren %37 zen —Italiako batezbestekoa %18 da—. Gainera, gordailu oinarriaren %44 galdu zuten 2015eko ekainetik aurtengo martxora. Joan den urtean bi erakundeei laguntzeko 3.500 milioi sartu zituen gobernuak, Atlante funtsaren bidez. Ez da aski izan. Monte dei Paschi Siena bankua ere diru publikoarekin erreskatatu zuen Italiak duela gutxi.

Erabakia justifikatu du Pier Carlo Padoan Ekonomia ministroa. «Bi milioi pertsonaren aurrezkiak eta 200.000 enpresaren jarduera» babestu dutela ziurtatu zuen, eta «aukera bakarra» zela ordenarik gabeko porrot baten aurrean. Berriro ere diru publikoa jartzeak kritika ugari piztu ditu Alemanian, eta zalantzak handitu dira banku batasunari buruz.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Jendea paseoan Donostiako alde zaharreko kaleetan, atzo. ©Juan Carlos Ruiz/FOKU

510 kasu atzeman dituzte Araban, Bizkaian eta Gipuzkoan

Berria

Bizkaian behera egin dute kasuek; Araban eta Gipuzkoan, aldiz, igo egin dira.

Rafael Bengoa, artxiboko irudi batean ©Gorka Rubio / Foku

«Mikrokonfinamenduak» ezartzearen alde dago Bengoa

Irati Urdalleta Lete

Eusko Jaurlaritzako Osasun sailburu ohiak aztarnari falta dagoela azpimarratu du. Uste du agerraldiak egotea herritarren portaeraren eta administrazioaren kudeaketaren ondorioa dela.

Bilboko Birjinetxe zentroa. Bertara eraman dituzte positibo eman diuten egoiliarrak. ©Raul Bogajo/FOKU

Gallartako zahar etxe batean 16 positibo atzeman dituzte

Berria

Hamaika egoiliar eta bost langile kutsatu dira.

Nekane Murga Osasun sailburua, atzoko agerraldian. ©Miguel Toña / EFE

Etxeratze agindua, zalantzazko muga

Irati Urdalleta Lete

Eusko Jaurlaritzak etxeratze agindua izan du hizpide; hau da, herritarrei eskubidea kentzea ordu jakin batetik aurrera kalean ibiltzeko. Adituek ez dute argi horretarako eskumenik ba ote duen.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna
Ivan Santamaria

Informazio osagarria

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna