Albistea entzun

Fernandezek paparra atera du

Kutxabank osatzen duten hiru banku fundazioen akzioak saltzen hasteko asmoa duela berretsi du Fernandezek.

Kutxak banku fundazio bihurtzeko eztabaidak «denbora galera» eragin duela dio
Mario Fernandez, atzo, Bilbon eman zuen prentsaurrekoan.
Mario Fernandez, atzo, Bilbon eman zuen prentsaurrekoan. MARISOL RAMIREZ / ARGAZKI PRESS

Lander Muñagorri Garmendia -

2014ko urriak 29 - Bilbo

Kutxabankeko akziodunek «erabakitzeko eskubidea» dutela oraindik ere; horixe Mario Fernandez Kutxabankeko presidenteak atzo azaldu zuena. Europako Banku Zentralak egindako estres azterketan lortutako emaitzek bultzatu du hori esatera. Baina, finean, duela hilabete batzuk aurreratutako asmoak berretsi besterik ez zituen egin: hiru banku fundazioek Kutxabanken dituzten akzioak saltzea. Saldutako akzioekin lortutako dirua inbertitu, eta haren etekina gizarte ekintza hornitzeko baliatzea defendatzen du formulak. Eta era horretan bermatuko luke etorkizuneko «gizarte ekintzaren finantzaketa». Hiru kutxak banku fundazio bihurtzeko prozesua amaitu ondoren bideratu nahi du Fernandezek hausnarketa prozesua. Edo berak adierazi bezala: «Handitan zer izan nahi dugun erabakitzea». Akzioen salmenta hori zein modutan egingo den erabakitzea falta da, ordea. «Oraindik inor ez da gurekin harremanetan jarri».

Hausnarketa prozesu berri horretan, aurrerantzean nola borrokatu beharko duten erabaki beharko dute Kutxabanken. Urte berriarekin batera Europako banku izango da Kutxabank, eta datorren asteartetik aurrera EBZ izango da euren ikuskatzaile berria. Horregatik, merkatu berri batean sartzen direla jakitun da Fernandez. Baina merkatu horretako borrokara indar gutxiagorekin iritsiko da bankua. «Pedaletako autoekin Ferrarien aurka lehiatzera joango bagina bezala goaz». Izan ere, Kutxabankek duen izaeragatik, gainerako bankuak baliabide gutxiagorekin irtengo dira lehiara. Horregatik, gainerako bankuek egiten dutena errepikatzeko nahia berretsi zuen beste behin ere: burtsan kotizatzea. Eta horretarako epe bat ere jarri zuen. «Hemendik hiru edo bost urtetara Kutxabank burtsan kotizatzen egongo dela ikusten dut».

Zabaltze hori banku fundazioentzako albiste «bikaina» izango litzatekeela nabarmendu zuen Fernandezek. Era horretan bankuaren irabaziak ez diren bestelako diru iturri bat bermatzea lortuko luketelako. «Txarra al da gizarte ekintza elikatzeko beste diru iturri bat izatea? Ez al da hobea papertxoak izateaz aparte [akzioak] inbertsioekin euroak irabaztea?», galdetu zuen.

Horrekin batera, sor litezkeen kritika eta beldurrak ere uxatu nahi izan zituen bankariak. «Ezin dugu baztertu kapital handitze bat egitea, gainerako bankuen maila berean jokatu behar dugulako. Egoera berrira egokituko gara, beste hainbat kutxek egin zuten bezala». Era horretan, ordea, lurraldeak artean ere bankuaren kontrola edukiko zuela azaldu zuen. «Caixabank ere burtsan kotizatzen hasi zen 2011n, eta gaur nork esan dezake kataluniar izateari utzi dionik?».

Hausnarketa, beranduegi

Abiatzera doan prozesu berriarekin, ordea, Kutxabankeko presidentea ez dago erabat konforme. Izan ere, hausnarketa prozesua «beranduegi» hasi dela salatu zuen, aurretik izandako bederatzi hilabeteko eztabaidaren eraginez. «Gurpila berrasmatzen ibili gara, azkenean aurreikusten zena egiteko». Kutxak banku fundazio bihurtzeko garaian egon den gatazkari erreferentzia egin zion horrela. «Xehetasunak gora behera, legeak dio kutxek banku fundazio bihurtu behar dutela. Eta horren inguruan alferrik eztabaidatzen ibili gara». Hitz horiekin EH Bildu eta Gipuzkoako Foru Aldundia izan zituen gogoan. «Diputazioak egindako azterketak ere zehazten du legeak argi eta garbi esaten duena: kutxek banku fundazio bihurtu behar dutela. Denbora galdu dugu».

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Pentsiodunen protesta bat, Iruñean, artxiboko irudi batean. ©VILLAR LOPEZ / EFE

Pentsioak %8,5 handituko dira urtarrilaren 1ean Hego Euskal Herrian

Iker Aranburu

Iaz ez bezala, aurten batez besteko pentsioa handiagoa izango da urte amaierakoa baino. Batez besteko pentsioa 115 euro handituko da, eta erretiratuena 128 euro
Jose Luis Escriva Espainiako Gizarte Segurantza ministroa ©Sergio Perez (Efe)

Kotizazio urte gehiago, baina «hoberenak»

Jokin Sagarzazu

Pentsioen kalkulua 25 urtetik 30era zabaltzea proposatu du Espainiako Gobernuko Gizarte Segurantza ministroak

Bizkaiko metalgintzako lehen greba eguna, atzo, Trapagaranen. ©Marisol Ramirez / FOKU

Langile gehienek babestu dute metalgintzako bigarren greba eguna

Iñaut Matauko Rada

ELAk adierazi du grebaren atzoko eta gaurko erantzuna oso antzekoak izaten direla Bizkaiko metalgintzan. CCOO, LAB eta UGTren arabera, %85eko erantzuna izan du gaurko greba deialdiak.

Iñaki Zabaleta, Saioa Urriz eta Imanol Pascual, atzo. ©ELA SINDIKATUA

ELAk salatu du Nafarroako aurrekontuak «legealdiko okerrenak» izango direla

Joxerra Senar

Europako funtsak kenduta, 2023ko aurrekontuak %1,6 baizik ez dira igoko, BPGaren eta KPIaren «oso azpitik». EH Bilduk aurrekontuak «apaindu» izana kritikatu du

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.