Albistea entzun

Beharrak gora egin du

Gatazken edo gaixotasunen eraginez 62 milioi haur egoera larrian daude Unicefen arabera; laguntza humanitarioa handitu nahi dute
Siriako Homs hiriburura eraman zuen giza laguntza iaz Unicefek.
Siriako Homs hiriburura eraman zuen giza laguntza iaz Unicefek. STR / EFE

Araitz Muguruza -

2015eko urtarrilak 30

«Hedabideetako tituluetan agertu edo ezkutuan egon, gaixotasunek, gatazkek eta hondamendiek eragindako haustura sozialak herrialde batzuetako egoera larritu egin du, eta haurrei orain arte ikusi gabeko moduan ari zaie eragiten». Unicef Nazio Batuen Haurren Laguntzarako funtsaren Larrialdietako programako zuzendari Afshan Khan-ek Unicefen aurtengo ekintza humanitarioak aurkeztu ditu, eta jakinarazi du 71 herrialdetako 62 milioi haur behar gorrian daudela. Khanen esanetan, mundua «krisi humanitarioaren belaunaldi berrien» aurrean dago. Siria, Ukraina eta ebolaren pandemiak eragindako herrialdeak —Sierra Leona, Liberia eta Ginea— jarri ditu egoera larrienean daudenen zerrendaren hasieran. Egoera gogortzen ari dela ikusirik, iaz baino 880.000 euro gehiago igo du Unicefek laguntza humanitarioen eskaera: guztira 2.700 euro lortzea nahi du.

Haurrek gero eta egoera makurragoei egin behar diete aurre, ezohiko egoeretan daude, indarkeriak, gaixotasunek, abusuek eta goseak gora egin dutelako. «Gero eta baliabide gehiago behar ditugu» esan du Khanek. Egoerarik larriena, hala ere, gatazka armatuak dituzten herrialdeetan bizi dute. «Hamar haurretik bat bizi da horrela».

Gatazkak askotarikoak dira, Khanen arabera. Hedadurari dagokionez, berriz, aldaketak nabaritu ditu. Orain herrialde bakar bati eragin beharrean, eremu osoei eragiten die. «Lau urte daramatzate Libano eta Siriako haurrek indarkeria eta heriotzaren artean bizitzen, eta eguneroko bizimodurako beharrezko dituzten gauzak galduz joan dira». Orain dela gutxi herrialde horietan izan dela adierazi du.

Hain zuzen ere, Unicefek jakinarazi du lortzen duen diru funtsaren zati handiena hara bidaltzeko asmoa duela. «Giza krisi betean» bizi dira Ukrainan, eta hara eraman nahi dute laguntzen beste zati bat. Unicefen arabera,Ukrainako inguru gatazkatsuenetan 5,2 milioi pertsona bizi dira eta 600.000 desplazatu daude. Egoera horrek 1,7 milioi haurri eragiten diela ere zehaztu du.

Ebolak eragiten die gogorren haurrei, Unicefen ustez. Birusaren eraginez hil direnen laurdenak haurrak direla esan du Khanek. Beste gaixotasun batzuk indartzeko arriskua ere ikusten du Unicefek. Malaria edo elgorria, kasu.

Afganistan, Palestina eta Kolonbia iaz baino gehiago lagundu nahi ditu. Biltzea espero duten dirua laguntza horietarako ez ezik, Unifecen barruko beste erakundeak elikatzeko erabili nahi ditu. «Haurra jaiotzen den herrialdeak ez du haren zorian eragin behar».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Harrotasun eguneko desfilea aurten, New Yorken. / ©Peter Foley, EFE

AEBetan 'X' genero izendapena duen lehen pasaportea eman dute

Jon Ordoñez Garmendia

Datorren urterako pasaporte sistema erabat egokituta egotea eta izendapen berria normalizatuta egotea espero dute.

Poloniako presidnte Andrzej Duda, urri amaieran Varsovian egindako ekitaldi ofizial batean. / ©Radek Pietruszka, EFE

Egunean milioi bat euroko isuna ezarri dio Europako justiziak Poloniari

Berria

Uztailean Europako Justizia Auzitegiak agindu zion Varsoviari behin-behinean eten zezala Poloniako Auzitegi Goreneko diziplina batzordea, baina hark ez zuen agindua bete. Poloniak «xantaia» egitea egotzi dio Bruselari.

Jair Bolsonaro presidentea Boa Vistan, Venezuelako mugatik gertu. / ©Isac Nobrega, EFE

Gizateriaren aurkako krimenak egotzi dizkio Brasilgo Senatuak Bolsonarori

Arantxa Elizegi Egilegor

Sei hilabeteko ikerketa baten ostean onartu du Senatuak txostena, eta fiskaltzaren eta Nazioarteko Zigor Auzitegiaren esku geratuko da orain.

<b>Karbono isuriak.</b> Auto pilaketa bat, ke eta behe laino artean, Nigeriako Lagos hirian. ©AKINTUNDE AKINLEYE / EFE

Egungo konpromisoekin, «klima hondamendira bidean» da mundua

Gorka Berasategi Otamendi

Nazio Batuen Ingurumen Programaren txosten baten arabera, estatuek hartu dituzten azken konpromisoak baino askoz ere ausartagoak behar dira klima aldaketa bortitz bat ez gertatzeko

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.