Albistea entzun

Auzitara jotzea aztertzen ari da Mas, Madrilen «gehiegikeria» salatzeko

Espainiako Gobernuaren aurkako neurriak prestatzen hasi da, hark Auzitegi Konstituzionalera jo ostean

Oihan Vitoria -

2014ko azaroak 1

Azaroaren 9rako astebeteren faltan, zintzilik da Kataluniako Generalitatea antolatzen ari den parte hartze prozesua. Alde batetik, eta espero bezala, Espainiako Gobernuak galdeketaren kontra helegitea jartzea onartu eta auzitara jo du, kontsulta baliorik gabe lagatzea galdegiteko, «legezko oinarririk» ez daukala argudiaturik. «Berme demokratikorik gabekoa» delakoan, herritarrenganako «iruzurra» saihestu nahi izan dutela esan du Soraya Saenz de Santamaria presidenteordeak. Bestalde, Artur Mas Kataluniako presidenteak berretsi du amaieraraino eramango dutela A-9aren prestaketa, eta iragarri du Madril auzitara eraman dezaketela. Madrilen aurkako neurriak neurriak aztertzen hasi dira, behin-behinean, «botere gehiegikeria» salatzeko: «Erridikuluaren muga gainditu du Espainiako Gobernuak. Gelditu nahi duena ezin da gelditu. Egiten ari ez garen zerbait leporatzen digu». Masek argitu du azaroaren 9rako atontzen ari direna ez dela erreferendum bat: «Are gutxiago ezkutua. Parte hartze prozesu irekia da, ehunka udalek babestua».

Kataluniako presidenteak deritzo «sekulako hipokrisiaz» ari dela Madril. «Era baldarrean erabili du Konstituzionala auzi politikoak konpontzeko». Epaitegiak astearteko bilkuran erabakiko du auziaz. Ustekaberik ezean, bertan behera lagako du galdeketa. Masek esan du erabakitzen duena erabakitzen duela prestaketei eutsiko diotela. «Eskumenak ditugu». Orobat, «demokraziaren lezioa» ematera deitu du: «Ezin dugu aukera hau galdu».

Masen arabera, «demokraziaren izenean» mintzo da Espainia: «Baina demokraziaren oinarria entzutea da. Demokrazia batek ez badu onesten iritzia ematea, ez da kalitatezkoa». Erabakitzeko Eskubidearen aldeko Nazio Hitzarmenera deitzeko prest agertu da.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Gerald Darmanin Frantziako Barne ministroa eta Gilles Simeoni Korsikako gobernuburua elkarri eskua ematen, iragan uztailean, negoziazioen lehen bilkura amaitu ostean, Parisen ©CHRISTOPHE PETIT TESSON / EFE

Korsikako hautetsien eta Frantziako Gobernuaren arteko negoziazioak, oinarri bila

Ander Perez Zala

Darmaninek atzeratu egin du bihar uhartera egitekoa zuen bisita, «eztabaida bare baterako baldintzarik» ez dagoela argudiatuta. Protestak antolatu dituzten gazte mugimenduek aho batez eskatu dute elkarrizketak hausteko.

Autodeterminazioaren eta Amnistiaren Aldeko Akordio Sozialaren prentsaurrekoa, gaur, Bartzelonan. ©INTERSINDICAL

Kataluniako berrehun udalerri daude amnistiaren eta autodeterminazioaren alde

Mikel Elkoroberezibar Beloki

Hirurehun erakundek eman diote babesa Autodeterminazioaren eta Amnistiaren Aldeko Akordio Sozialari, tartean alderdi politiko independentistak, zenbait sindikatu eta ikasle antolakunde.

Danimarkako lehen ministro Mette Frederiksen, gaur, Kopenhagen egindako agerraldian. ©Liselotte Sabroe / EFE

Danimarkako bozak azaroaren 1era aurreratu ditu lehen ministroak

Mikel O. Iribar

Gobernu sozialdemokrata babesten duten alderdiek behartuta hartu du erabakia Mette Frederiksenek.

Suhiltzaile batzuk, atzo, bonbardaketa batek Kharkiven (Ukraina) txikitutako lantegi batean lanean. ©SERGEY KOZLOV / EFE

Zelenskik berretsi du ez duela Putinekin negoziatzeko asmorik

Igor Susaeta

Errusiako goi ganberak Ukrainan partzialki okupatutako lurrak anexionatzeko itunak onartu ditu. Kremlinen mapek erakusten dute Moskuren indarrek segitzen dutela gerra frontean atzera egiten

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...