Albistea entzun

Kuba. EBrekiko harremana

Kubarekin adostutako elkarrizketa politikorako akordioa onartu du EBk

2014an negoziatutako elkarlanerako hitzarmena ontzat eman dute estatu kideek. 28 parlamentu nazionalen oniritzia beharko du batasunak. Hilaren 12an sinatuko dute testua, Bruselan

Ander Perez Zala -

2016ko abenduak 1

Kubarekin adostutako elkarrizketa politikorako eta elkarlanerako hitzarmena onartu dute EB Europako Batasuneko estatu kideek. Horrekin batera, Kubarekiko 1996az geroztik Bruselak duen «jarrera bateratuarekin» amaitzea erabaki dute. Horrez gain, Europako Parlamentuari eskatu diote akordioa behin-behinean indarrean jartzeko aukera.

Orain, EBko Ministro Kontseiluak onartu beharko du erabaki hura. Akordioa indarrean jartzeko, EBko kide diren 28 estatuen parlamentuen baimena beharko dute, bitariko akordioa baita. Akordioaren hilaren 12an sinatuko dute Bruselan, EBrako Kubaren ordezkaritzaren buru Herman Portocarerok azaldu duenez. Han izango da EBren Atzerri politikarako arduradun Federica Mogherini, eta Kubako ordezkaritza bat. Aro berri bat hasiko du Kubaren eta Europaren arteko harremanak.

2014ko apirilean hasi ziren negoziazioak, eta horien ondoren harremanak normalizatzeko akordioa egin zuten Kubak eta batasunak joan den martxoan. Hogei urteko debeku aro bat bukatu zion EBk. Mogherini bera izan zen Kuban akordioa negoziatzeko. Christian Leffler EBren negoziatzaile buruak eta Abelardo Moreno Kubako Atzerri ministrordeak sinatu zuten agiria. Akordioa adostu ondoren, Mogherinik adierazi zuen «jarrera bateratua bukatzeko oinarria» jarri zutela.

Kuba-EB harremana

Kubak 1988an ezarri zituen harreman diplomatikoak lehen aldiz Europako Erkidego Ekonomikoarekin —1993tik, EB—. 1996an, Kubaren aurkako AEBen Helms-Burton legearen aurkako jarrera hartu zuen EBk, eta neurri batzuk hartu zituen Europako enpresak legearen ondorioetatik babesteko. Urte bukaeran, baina, «jarrera bateratua» hartu zuen EBk, Kubarekiko harremanak mugatzeko.

EBk bulego bat ireki zuen Habanan 2003an. Handik hilabete batzuetara, Bruselak zigor politikoak ezarri zizkion Habanari heriotza zigorrera kondenatutako hiru herritarren exekuzioengatik eta oposizioko kideen aurkako epaiketengatik. Laguntza humanitarioa ez zuen eten, baina Kubako Gobernuak uko egin zion hori jasotzeari, eta bertan behera utzi zuen EBrekiko elkarrizketa.

Bi urteren ostean, Kubak harreman diplomatikoak normalizatu zituen EBko estatuekin eta Europako Batzordearekin, eta, Raul Castro Kubako presidente izendatu zutenean, EBko estatuek aho batez erabaki zuten Kubari zigor diplomatikoak kentzea, eta elkarrizketa prozesu bat hartzea. Bruselak 30 milioi euroko laguntza bat ere onartu zuen Habanarentzat.

2012an eskatu zioten estatu kideek garaian EBko diplomazia arduradun Catherine Ashtoni akordio politiko baterako aukera aztertzeko.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Pekinen iragan astean egin zuten manifestazioetako bat. ©M. R. CRISTINO / EFE

Txina, konfinamenduen amaierarako bidean

Olatz Urkia

Urumqin hiru lagun hil ziren joan den astean, sute bat hasi eta konfinamendu neurriek suhiltzaileen lana oztopatu zutenean. Haserrea segituan piztu, eta Txina osoan hedatu dira neurri horren aurkako protestak; orain, egoera baretuta, badirudi gobernuak manifestariak lasaitzeko keinua egin duela.
Guardia Zibila, atzo, AEBek Madrilen duten enbaxadaren atarian. ©FERNANDO VILLAR / EFE

Espainiatik bidali dituzte gutun piroteknikoak, Poliziaren arabera

Uxue Rey Gorraiz Gorka Berasategi Otamendi

Sanchezek, Roblesek eta Ukrainaren eta AEBen enbaxadek jaso dituzte, besteak beste
Espainiako Polizia Ukrainaren enbaxadaren ingurumarietan, atzo. ©Chema Moya, EFE

AEBen enbaxadakoei eta Pedro Sanchezi ere bidali dizkiete lehergaiak

Uxue Rey Gorraiz

Sei dira guztira atzemandako bonbak; horietatik bost azken orduetan atzeman dituzte, Espainiako Defentsa Ministerioan, AEBen eta Ukrainaren Madrilgo enbaxadetan, Zaragozako arma lantegi batean eta Torrejon de Ardoz herriko aire basean. Pedro Sanchezen aurkako bonba bat atzeman zuten azaroan. Antzeko ezaugarriak dituzte, eta agian gehiago egongo direla ohartarazi dute.

 ©ROMAN PILIPEY / EFE

Errusiak ez du onartuko Ukrainako gerra krimenetarako auzitegirik

Mikel O. Iribar

Kremlinek «ilegitimotzat» jo du Europako Batzordeak egindako proposamena. Zelenskiren arabera, sei milioi herritar daude argindarrik gabe Ukrainanan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.