Albistea entzun

PANek Hamasi leporatu dizkio Gazan Al-Fatahen aurka izandako erasoak

Palestinako Aginte Nazionaleko lehen ministroak bertan behera utzi du Gazara gaur egitekoa zuen bidaia.

Hamasek ukatu egin du erantzukizuna
Israelgo poliziak, Meskiten Zelaietan, atzo, Jerusalemen.
Israelgo poliziak, Meskiten Zelaietan, atzo, Jerusalemen. JIM HOLLANDER / EFE

Mikel Rodriguez -

2014ko azaroak 8

Jerusalem ekialdean tentsioa gori dagoen aldi berean —hedabideek egunero dute ahotan «hirugarren Intifadaren» hasiera—, palestinarren batasuna zarta dezakeen gertakari bat izan da Gazan. Al-Fatahen interesen aurka hamabortz bonba lehertu zituzten ortzegunean; horien artean, bat sinbolismo handikoa: Yasser Arafat buruzagi historikoaren heriotzaren hamargarren urteurreneko ekitaldirako prestatutako oholtza bota zuten. Hamasek berehalakoan ukatu du erasoekin zerikusia duela, baina PAN Palestinako Aginte Nazionaleko segurtasun zerbitzuek eta Al-Fataheko eledunek alderdi islamistari egotzi diote erantzukizuna. Rami Hamdallah PANeko lehen ministroa gaur Gazara joatekoa zen, baina bertan behera utzi du bisita.

Adnan al-Damiri PANeko segurtasun saileko bozeramailearen arabera, Hamasek «kontrolpean ditu Gaza osoko armak eta lehergaiak», eta, horregatik, uste du «ezinezkoa» dela «hamabortz leherketa aldi berean gertatzea Hamaseko agintariek jakin gabe». Al-Damirik argitaratu duen oharrean, bereziki salatu du Arafaten heriotzaren urteurreneko ekitaldiaren harira eginiko erasoa —«etikaren, erlijioaren eta berriaren aurkako» deitu dio—. Al-Fatah alderdiak ere Hamas egin du erantzule, Nasser al-Qidwa ordezkariak Ramallahen (Zisjordania) egindako prentsa agerraldi batean adierazi duenez. Palestinarren alderdi nazionalista historikoa da Al-Fatah, Arafatek sortua, eta historikoki PAE Palestina Askatzeko Erakundeko indar nagusia. PAE osatzen duten ezkerreko alderdi txikiagoek ere erasoak gaitzetsi dituzte, eta Gazako agintariei berehala argitzeko eskatu diete, baina ez dute Hamas egin erantzule.

Hamasen deia Hamdallahi

Hamasek, hain zuzen, erabat ukatu du erasoak berak egin dituela edo zerikusirik izan duela. Mussa Abu Marzuk zuzendaritzako buruzagiordeak «fakzio politikoei» eskatu die akusazioak egitean «tentuz» mintzatzeko. Akusazioak ukatu ez ezik, Abu Marzukek larrialdiko bilera bat eskatu die gainerako alderdiei, «erasoa gaitzetsi eta Fatahi babesa agertzeko». Horrez gain, Hamadallahi eta gaur harekin Gazara joatekoak ziren ministroei eskatu die bidaia mantentzeko. Zazpi urteko banaketa eta liskarren ondoren, uda hasierarekin bat sortu zuten batasun nazionaleko gobernua, adiskidetzeko ituna sinatu ondoren. Israelek gogor gaitzetsi zuen hori, baina nazioarteak onartu egin zuen, AEBek barne.

Hildako bat Jerusalemen

Jerusalem ekialdeko tentsioarekin bat egin du Gazako atentatuen gertakariak. Atzo 17 urteko israeldar bat hil zen, asteazkenean izandako eraso batean zauritu ondoren. Palestinar batek autoarekin harrapatu zituen espaloitik zihoazen oinezkoak —bat asteazkenean bertan hil zen—. Poliziak gidaria hil zuen, tiroz. Hamasek bere gain hartu zuen erasoa. Urriaren 22an, bertze palestinar batek bertze bi israeldar hil zituen gisa berean, eta Poliziak ere gidaria hil zuen. Benjamin Netanyahu Israelgo ministroak erabaki du erasotzaileen etxeak botatzea. Bi asteotan, Israelek berrehun palestinar baino gehiago atxilotu ditu Al-Aqsa meskitaren inguruko protestetan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ikatz errekuntza bidezko instalazio termiko bat, Mazedoniako Bitola hirian. ©GEORGI LICOVSKI / EFE

Estu hartu dute IPCC, klimari buruzko ondorioak alda ditzan

Arantxa Elizegi Egilegor Gorka Berasategi Otamendi

BBCk zabaldutako filtrazioaren arabera, Saudi Arabia, Australia eta Japonia leudeke, besteak beste, esku hartzeen atzean. Helburua litzateke erregai fosilak alde batera uzteko presioa indargabetzea

Guantanamoko atxilotze gunearen aurkako protesta bat, Washingtonen ©ERIK S. LESSER / EFE

AEBetako epaile batek ebatzi du afganiar bat legez kanpo daukatela Guantanamon atxilotuta

Igor Susaeta

Asadullah Haroon Gulek hamalau urte daramatza preso atxilotze gunean. Gobernuaren argudioak atzera bota ditu Washingtoneko epaile federal batek, eta defentsaren habeas corpus eskaera onartu du.

Kolonbia: Hobietan, egiaren bila

Kolonbiako desagertuen lorratzaren bila

Aitor Txabarri

Azken 60 urteetan 100.000 desagertze salatu dituzte Kolonbian. Horietatik gehienak 1990eko hamarkadan egin zituzten paramilitarrek eta segurtasun indarrek. Baina gaur egun oraindik senideek ez dakite non dauden edo zer gertatu zitzaien bahitutakoei, eta ikertzen hasi direnetako askok erbestera joan behar izan dute mehatxuengatik.

Tripolin gaur egindak bileraren une bat ©Mohamad Abdel Kader / EFE

Libiako batasun gobernuak ez du argi ikusten bozak abenduaren 24an egitea

Igor Susaeta

Lehen ministroak hauteskundeak egitea defendatu du nazioarteko goi bilera batean, Tripolin. Aldeak «adiskidetu» arte itxarotearen alde da presidentea

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.