Albistea entzun

Katalunia. Independentziarako bidean

Fiskaltzak kereilarik ez aurkezteko aukera iradoki du Torres-Dulcek

Estatuko Fiskaltzaren zirriborroaren kontra agertu ziren Kataluniako bederatzi fiskaletatik sei

Xabin Makazaga -

2014ko azaroak 15

Kataluniako alderdiak burujabetza prozesuan aurrera egiteko bideak aztertzen ari diren bitartean, Azaroaren 9ko galdeketagatik kereila bat jasotzeko mehatxupean daude Artur Mas presidentea eta gobernuko beste hainbat kide. Atzo arte segurutzat jotzen zen Kataluniako Fiskaltzak salaketa jarriko zuela, baina Estatuko Fiskaltzak proposatutako zirriborroak egonezina eragin du fiskalen artean: La Vanguardia-k argitaratu du TSJC Kataluniako Justizia Auzitegi Nagusiko bederatzi fiskaletatik sei Madrildik proposatutako kereila bere horretan aurkeztearen kontra agertu zirela. Eta Eduardo Torres-Dulcek, estatuko fiskal nagusiak, fiskaltzak kereilarik ez aurkezteko aukera ere iradoki zuen atzo.

Salaketa jaso dezaketenak parlamentarioak direnez, forudunak, TSJCri dagokio haiek epaitzea. Eta auzian esku hartu edo ez Kataluniako Fiskaltzak erabakiko duela azaldu zuen atzo Torres-Dulcek. Ordea, fiskal nagusiak erantsi zuen TSJCk ikertu egin beharko dituela A-9aren inguruko gertakariak erakunde horrek kereila aurkeztu ez arren, prozesu parte hartzailea jada auzitegietan dagoelako, herritarren salaketen bidez: «Ez da ezinbestekoa Ministerio Fiskalak esku hartzea».

Kataluniako Justizia Auzitegi Goreneko iturrien arabera, oraingoz ez dira ari A-9ari buruzko auzirik ikertzen; baina salaketak badira Kataluniako guardia epaitegietan, azkenean TSJCn amaitu dezaketenak.

Torres-Dulcek nabarmendu du bozketa egin aurretik fiskalek ebatzi zutela «delitu zantzu arrazionalak» bazirela, eta kautelazko neurririk hartu ez bazuten onura baino arazo gehiago sortuko lituzkeelako izan zela: «Proportziorik gabea zatekeen». Soraya Saenz de Santamaria presidenteordeak atzo esan zuen Espainiako Ministro Kontseiluaren ostean gobernuak «errespetatu» egingo duela fiskaltzaren erabakia. Aurreko egunetan, justiziako eragileen ondoeza agertu dute gobernuaren presioengatik.

Artur Masek, bestalde, hilabeteko epea eman zion atzo bere buruari hauteskundeak aurreratu edo ez erabakitzeko. Bezperan, ERC, CDC, UDC, PSC, ICV-EUiA eta CUP alderdietako buruzagiekin bildu zen. Bide orria aurkezteko ekitaldia azaroaren 24tik 25era atzeratu du Masek.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Gerald Darmanin Frantziako Barne ministroa eta Gilles Simeoni Korsikako gobernuburua elkarri eskua ematen, iragan uztailean, negoziazioen lehen bilkura amaitu ostean, Parisen ©CHRISTOPHE PETIT TESSON / EFE

Korsikako hautetsien eta Frantziako Gobernuaren arteko negoziazioak, oinarri bila

Ander Perez Zala

Darmaninek atzeratu egin du bihar uhartera egitekoa zuen bisita, «eztabaida bare baterako baldintzarik» ez dagoela argudiatuta. Protestak antolatu dituzten gazte mugimenduek aho batez eskatu dute elkarrizketak hausteko.

Autodeterminazioaren eta Amnistiaren Aldeko Akordio Sozialaren prentsaurrekoa, gaur, Bartzelonan. ©INTERSINDICAL

Kataluniako berrehun udalerri daude amnistiaren eta autodeterminazioaren alde

Mikel Elkoroberezibar Beloki

Hirurehun erakundek eman diote babesa Autodeterminazioaren eta Amnistiaren Aldeko Akordio Sozialari, tartean alderdi politiko independentistak, zenbait sindikatu eta ikasle antolakunde.

Danimarkako lehen ministro Mette Frederiksen, gaur, Kopenhagen egindako agerraldian. ©Liselotte Sabroe / EFE

Danimarkako bozak azaroaren 1era aurreratu ditu lehen ministroak

Mikel O. Iribar

Gobernu sozialdemokrata babesten duten alderdiek behartuta hartu du erabakia Mette Frederiksenek.

Suhiltzaile batzuk, atzo, bonbardaketa batek Kharkiven (Ukraina) txikitutako lantegi batean lanean. ©SERGEY KOZLOV / EFE

Zelenskik berretsi du ez duela Putinekin negoziatzeko asmorik

Igor Susaeta

Errusiako goi ganberak Ukrainan partzialki okupatutako lurrak anexionatzeko itunak onartu ditu. Kremlinen mapek erakusten dute Moskuren indarrek segitzen dutela gerra frontean atzera egiten

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...