Albistea entzun

«Eguneroko ziztadak»

Lekuko babestu batek aitortu du Urdaibaiko arraunlariek egunero hartzen zituztela dopin produktuak.

Akusatu batek karguak onartu ditu
Josu Zabalondo Bermeo arraun elkarteko presidente ohia, ezkerrean, atzo, epaiketan.
Josu Zabalondo Bermeo arraun elkarteko presidente ohia, ezkerrean, atzo, epaiketan. MARISOL RAMIREZ / ARP

Gotzon Hermosilla -

2015eko azaroak 3 - Bilbo

Urdaibaiko arraunlarien ustezko dopatze auzia dela-eta Bilbon egiten ari den epaiketaren lehenengo saioan, lekuko babestu batek deklaratu du ziztadak egunerokoak zirela: astegunetan, entrenamenduen ostean, eta asteburuan, lehiaketaren aurretik eta ostean ere. Aldi bakoitzean zortzi xiringa baino gehiago ziztatzen zizkietela esan du: «Behin, xiringaz beteriko poto bat ikusi nuen, eta pentsatu nuen talde osoarentzat izango zirela, baina esan zidaten denak niretzat zirela».

Urdaibaiko arraunlari ohia da lekuko babestua, eta aurpegia erakutsi gabe deklaratu du. Esan duenez, lehenengo aldiz ziztatu zutenean gaizki sentitu zen, eta hurrengo egunean uko egin zion berriro ziztatzeari. «Entrenatzaileak sekulako errieta egin zidan, eta lehenengo taldetik baztertu ninduen», esan du.

Lekukoaren arabera, estropadetara joaten zirenean bi furgoneta eramaten zituzten; iritsi aurretik, zerbitzugune batean gelditu, eta furgonetetako batean ziztatzen zituzten arraunlariak.

Adierazi duenez, behin xiringa bat eman zioten etxean ziztatzeko, baina iritsitakoan ez zuen horrelakorik egin eta garajean gorde zuen. Urdaibaitik joan zenean, Kaikuko entrenatzaile Jose Luis Kortarekin hitz egin zuen gertatutakoaz, eta hari eman zion erabili gabeko xiringa.

Lekukoaz gain, hamar akusatuek ere deklaratu dute lehenengo saioan. Denek ukatu dituzte akusazioak, batek izan ezik: Teresa Mesak onartu du dei bat jaso zuela Kordobako bere etxean (Espainia), bere burua identifikatu ez zuen eta Marcos Maynar medikuaren partez deitzen zuela esan zion pertsona batena, eta Bermeora zenbait substantzia bidaltzeko eskatu zion. Mesak aitortu du pakete bat igorri zuela Bermeora, eta hor dopatzerako erabil daitezkeen zenbait substantzia bidali zituela, horien artean eritropoietina, EPO gisa ere ezaguna.

Paketea Urdaibai taldeko presidente Josu Zabalondoren izenean bidali zuen. Zabalondok esan du ez zuela horren berri: «Nik talderako pakete asko jasotzen nituen nire bulegoan, baina ezin nuen jakin bakoitzean zer zegoen», esan du. Adierazi duenez, Jose Manuel Francisco entrenatzaileak egiten zituen eskaerak, eta Zabalondok ordaindu baino ez zuen egiten, «entrenatzaileaz fidatuta».

Marcos Maynar da beste akusatuetako bat. Lekuko babestuak esan duenez, entrenatzaileak aurkeztu zien arraunlariei, benetako izena eman gabe, baina Maynarrek berak eman zien izena, eta esan zien «Kontxako estropada irabazten» lagunduko ziela. Maymarrek ere ukatu ditu salaketak: «Nik behin Gurpegi [Athleticeko jokalaria] defendatu nuen, eta horregatik, etiketa bat jarri didate, baina ez dut inoiz dopatze deliturik egin», esan du.

Onartu du hainbat botika erosi zituela, baina, esan duenez, ez zituen Bermeora bidali, eta alabaren alergia, amaginarrebaren artrosia, Maynarrek berak pairatzen duen barrabil baten atrofia eta lagun baten zaldia sendatzeko erabili zituen.

Jose Manuel Francisco entrenatzaileak, berriz, esan du aspalditik ezagutzen zuela Maynar, eta asteburu batean elkartu zirela Bermeon: «Bisita egin zidan, eta iritzia eman zidan arraunlariei errendimenduaz, baina ez genuen substantzia edo metodo debekatuez hitz egin».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Realeko jokalariak Take Kuboren gola ospatzen, gaur, Cadizen (Espainia). ©Roman Rios / EFE

Realak Kuboren gol bati esker irabazi du Cadizen

Paulo Ostolaza

Txuri-urdinek gogor lan egin behar izan dute, baina japoniarrak 24. minutuan sartutako golak balio izan die. Debuta egin dute Brais Mendezek eta Momo Chok ere.

Orioko arraunlariak garaipena ospatzen, atzo, Ondarroan (Bizkaia). ©Aritz Loiola / Foku

Oriok hirugarren aldiz irabazi du Euskotren Liga

Berria

Hamalau ehuneneko eskasegatik irabazi du gaur Castro Urdialesen, eta denboraldiko hamargarren bandera astindu du. 

 ©ARITZ LOIOLA / FOKU

«Denboraldi hau niretzat azkena balitz bezala gozatuko dut»

Pettan Uralde

Hamalaugarren denboraldia du De Marcosek Athleticen, eta egunez egun gozatzeko ideiarekin ekin dio sasoi berriari. Guardiako jokalariak Europan kokatu du taldearen helburua, eta lortuko dutelakoan dago.
Hondarribia garaipen bat ospatzen, artxiboko irudi batean. ©Oskar Matxin Edesa / Foku

Hondarribiak irabazi du Castro Urdialesen, eta sailkapena estutu du

Berria

Pasa den asteburuko kolpeari buelta eman dio Ama Guadalupekoa-k. Urdaibaik bigarren amaitu du, eta ondo eutsi dio lidergoari.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...