Noiz sortua: 2015-05-22 00:30:00

Ikasleez ikasten dena

Jon Kortazarrek zuzenduta eta zazpi literatura ikasleren ikerketak batuta osatu dute 'Gizartea eta Artea haur eta gazte literaturan' liburua
<em>Gizartea eta Artea haur eta gazte literaturan</em> liburuko egileak, liburuaren aurkezpen ekitaldian.
Gizartea eta Artea haur eta gazte literaturan liburuko egileak, liburuaren aurkezpen ekitaldian. ZENBAT GARA

Iñigo Astiz -

2015eko maiatzak 22
Ideal klasiko bat da kasik, eta Jon Kortazar literatur ikerlariak berritu du oraingoan: ikaslea eta irakaslea, biak aberasten ditu irakaskuntza prozesuak. Ideia hori dago Gizartea eta Artea haur eta gazte literaturan liburuaren oinarrian. Izan ere, Jon Kortazarrek Euskal Herriko Unibertsitatearen Bilboko Irakasleen Unibertsitate Eskolan ikasle izandako zazpi ikerlariren lanak biltzen ditu liburuak. Iaz azken kurtsoa egindakoak dira denak, emakumezkoak guztiak, eta haien lanek haur eta gazte literatura dute abiapuntu. Erroa argitaletxeak kaleratu du lana, eta Kortazarrek zuzendu du bilduma. Liburuko hitzaurrean datoz haren hitzak: «Irakaskuntzan, eta batez ere literaturen irakaskuntzan ari garenok, badakigu jakin gure ikasleen trebezia handia dela, eta adi egon behar dugula, nekatu gabe, ikasleen irakurketak eta horiei buruz dituzten iritziak haiengandik entzun eta jasotzeko, elkarrekin egiten dugun elkarrizketak aberasten baikaitu».

Aurrez ere, koordinatuak ditu Kortazarrek ikasleen testuetan oinarritutako bi lan, eta haien segida gisa aurkezten du oraingo lana ere. 2012an argitaratu zuen Utriusque Vasconiae argitaletxeak Euskal prosa aztertuz. Kritiko berrien ahotsa liburua, eta EHUk atera zuen Euskal prosa aztertuz. Kritiko berrien ahotsa II lana 2013an. Eta bi liburu horiek hasitako hariaren jarraipena da oraingoa, koordinatzailearen hitzetan.

Kritika kulturala

Bada alderik, ordea. Izan ere, literatura garaikidea zuten ardatz aurreko bi lanek, eta haur eta gazte literatura da azken bildumaren gai nagusia. Koordinatzaileak dioenez, gainera, zabaldu egin da ikerlariek azterketa egiteko erabili duten ikuspegia. «Ez dago ukatzerik ipuinak, kontakizunak -eta, beraz, literatura- hartzen dituztela oinarri gisa, baina haietara hurbiltzeko bidea ez da jada soilik narratologia eta kritika literarioa; kritika kulturalean, ikerketa kulturalean sartu dira». Artikuluz artikulu ikusten da hori. Resurreccion Maria Azkue ikerlariak jasotako ipuinetan emakumeez ematen den irudia aztertu du Amaia Oleagak, esaterako. Baina ez da berea genero gaiak presente dituen testu bakarra. Mariasun Landa idazlearen eleberrietan emakumezko pertsonaia protagonistek duten irudia aztertu du Helene Jauregik, eta egungo euskal haur eta gazte literaturako familia ereduak aztertu ditu Sandra Martinezek.

Baina Kortazarrek aurreratu bezala, ez du literatura soilik aztertzen liburuak, eta Artea izendatutako liburuaren bigarren atala da horren froga. Badira literatura aztertzen duten bi lan bertan: Kirmen Uribek idatzitako haur eta gazte literatura lanen balioaz mintzo den Nerea Larruzearena da bata, eta Jon Arretxe idazlearen Zazpi kolore liburuan literaturaren eta beste arteen arteko elkarrekintza aztertzen duen Arrate Santiagorena da bestea. Baina bestelako diziplinei eskainitako ikerketak ere badaude. Miguel Gallardo komikigilearen Maria eta biok komikia aztertu du Mercedes Mendibek haur hezkuntzetako geletan inklusiorako baliabide gisa, eta Peter Pan liburuaren zinemarako moldaketari buruz idatzi du Aitziber Hermosok.

Hermoso aritu da liburuko parte hartzaile guztien izenean, eta egileen poza azaldu du aurkezpen ekitaldian. «Urtebeteko lanaren aitortza hau oso garrantzitsua da». Gurutze Ezkurdia irakasleen eskolako zuzendaria ere baikor mintzatu da ikasle izandakoen lanen harira. «Hainbatek badauka euskal kulturaren ardura barneratuta».

Albiste gehiago

Apirilaren 1ean eguneratua, 14:00etan. ©BERRIA

Koronabirusaren azken datuak

Berria

Euskal Herrian 9.358 gaixok eman dute positibo koronabirusaren proba eginda. 501 hil dira. COVID-19 gaitza izandako 2.134 pertsonari eman diete alta. Grafikoak, albiste barruan.

Aceros Olarra enpresako sarrera, Basaurin. / ©Marisol Ramirez, Foku

Inoizko langabezia datu txarrena espero da gaur

Berria

Martxoko datua emango dute gaur. Nafarroako Gobernuak eta Eusko Jaurlaritzak eman dituzten datuen arabera, lana aldi baterako erregulatzeko 26.600 dosier aurkeztu dira azken asteetan, eta horiek 166.000tik gora langilerengan izango dute eragina.

Industrialde bat, erdi hutsik, Bergaran. ©JAGOBA MANTEROLA / FOKU

Espaniako Gobernuaren zirrikituak ateak ireki ditu

Iker Aranburu

Industria askok baliatu dute Espainiako Gobernuak zenbait jarduerari emaniko aukera: berriro ekitea «gutxieneko zerbitzuekin». ESK aztertzen ari da Arantxa Tapiari salaketa bat jartzea

Balkoietan bandera edo oihal moreak jartzera deitu dute, andreek jakin dezaten nori eskatu laguntza. ©MARISOL RAMIREZ / FOKU

Etxea abaro ez denean

Maite Asensio Lozano

Etxean tratu txarrak jasaten dituzten andreak erasotzaileekin itxita geratu izanak kezka eragin du eragileetan eta instituzioetan. Arrisku egoerak areagotu daitezkeela eta, bizilagunak adi egotera deitu dituzte eragileek

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna