Albistea entzun

Donostiako Nazioarteko 65. Zinemaldia. Sail Ofiziala

'Handia', goraipatua

Aretoak lepo bete ditu Jon Garañoren eta Aitor Arregiren filmak Zinemaldian: emanaldi bakarraren faltan, aldeko iritziak dira nagusi
<em>Handia</em> filmeko lantaldea Donostiako Kursaalean, pelikula estreinatu aurretik.
Handia filmeko lantaldea Donostiako Kursaalean, pelikula estreinatu aurretik. JON URBE / ARGAZKI PRESS

Maialen Unanue Irureta -

2017ko irailak 26 - Donostia

Zinemaldiko saioen sarreren salmenta Handia-k sortu duen ikusminaren erakusgarri: estreinaldiaren egunean, aulki gutxi batzuk gelditu ziren jabe gabe goizeko emanaldian —gauekoak hamar minutuan agortu ziren—, eta atzokoak guztiz saldu ziren. Beste behin emango dute, larunbatean, Viktoria Eugenia antzokian.

Ikusitakoarekin gustura atera dira aretotik Ane Irazusta eta Jugatx Agirre. «Hasteko, istorioak berak harritu nau, pertsonaiak zeinen ondo eginda dauden. Iruditzen zait Sail Ofizialaren mailako pelikula bat dela», nabarmendu du Irazustak. Joseba Usabiaga eta Eneko Sagardoi aktore nagusiek egindako lana goraipatu ditu, gainera: «Harritu nau Joseba Usabiagak, ez nuen horrelako rol batean ikusi sekula, eta asko gustatu zait nola egin duen; berdin Sagardoirekin. Erraldoia bera ere oso ondo egin dutela iruditzen zait».

Iritzi berekoa da Agirre; filmeko lokalizazioak, eszenografia eta arropa nabarmendu ditu. Ezagun zuen Altzoko Handiaren istorioa, eta oso ondo kontatu dutela iruditu zaio. Ez hori bakarrik, istorioaz gain, azaleratzen dituen bestelako gaiak ere oso ondo landuta daudela uste du: «Anaien arteko harremanaz gain, gustatu zait erraldoiari Handia deitzen dioten arren, filmak erakusten duen txikitasuna. Identitate arazo bat erakusten du: Handia bakarrik sentitzen da, eta ikusten duenean bera bezalako jende gehiago dagoela, berdintasun batera ailegatzen da, eta iruditzen zait hori ondo landuta dagoela».

«Gogorra» eta «berezia»

Dreide Jauregi Etxeberria eta Maixa Etxeberria ama-alabek beste zerbait espero zuten. «Erdizka» utzi ditu, Jauregik azaldu duenez: «Oso idealizatua neukan agian: asko gustatu zait, baina, agian, Loreak-en ideiarekin gentozen eta...». Biek nabarmendu dutenez, musika, irudiak eta lekuak «izugarri» gustatu zaizkie.

Istorioa bera da atentzio gehien eman diona Maialen Agirrezabali. «Oraintxe lagunarekin komentatzen ari nintzen pelikula oso berezia dela, eta asko gustatu zaidala. Istorioa bera oso gogorra iruditu zait, erraldoi izate hori... Oso gogorra».

Altzoko Handiaz zituen usteak irauli dizkio pelikulak Andoni Zulaika Errastiri: «Entzuna neukan erraldoia lotsati samarra zela, eta, garai hura ezagututa, esango nuke ausarta izan zela». Istorio «bitxia eta polita» iruditu zaio.

Zeharo hunkituta atera da aretotik Ebentzi Loiola. «Oso tristea begitandu zait». Ondo egindako filma iruditu zaio, eta bereziki hunkitu du Miguel Joaquin Eleizegiren bizitzak. «Oso pelikula hunkigarria da, baina zeinen gogorra izan zen mutilaren bizitza. Hementxe geratu zait [eskua bularrera eraman du]». Erraldoiaren istorioaz gain, beste hainbat gai landu izana gustatu zaio: «Euskal Herriko gurasoen eta semeen arteko harremana, baserria, Ameriketara joateko gogoa... Oso ondo islatu dute dena». Aktoreen lana ere goraipatu du: «Oso oso ondo egin dute biek: anaiaren rola [Joseba Usabiagarena] oso landua iruditu zait».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Epaileak, Bizkaiko Bertsolari Txapelketa epaitzen. ©GORKA RUBIO / FOKU

Bertsogintzaren matematika

Miren Mujika Telleria

Hainbat faktorek egiten dute posible bertsolari txapelketa bat, eta faktore horien artean dago, noski, epailetza. Hogeita bat epaile arituko dira hasi berri den txapelketan bertso bakoitzari puntuazioa ematen. Zein da, baina, puntu horiek gora edo behera egiteko neurgailua?
Gozategi taldearen kontzertua, Donostiako Aste Nagusian. ©Gorka Rubio

30 urte, baina beti gazte

Maria Ortega Zubiate - Gipuzkoako Hitza

Gozategi taldea 30. urteurreneko biran ari da aurten, eta plazetako harrera «ikaragarria» izaten ari dela dio Asier Gozategi soinu jotzaileak. Bihar Urnietan joko dute, eta urriaren 15ean, Zarautzen.

 ©IRUNE IZQUIERDO

Erretzaile damutuen konpainia

Berria

Aingeru Epaltzak hirurogei urteen talaiara iristen ari den kazetari bat jarri du 'Erretzaile damutuen konpainia' eleberri berriaren ardatzean: Edu Saragueta. Komedia garratz eta erotikoa, gizarte nahasi baten erretratua eta, batez ere, nobela beltz petoa osatu du.
Korri, Xalto eta Brinko animazio taldearen egitasmo bat bultzatuko dute. ©Hitza

Piztu METAk hamabost proiektu hautatu ditu

Berria

Egitasmoak sustatzeko finantzaketa kolektiboa hasiko dute. Gipuzkoako aldundiak 70.000 euro jarriko ditu

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...