Webgune honek cookie-ak erabiltzen ditu zure nabigazioa errazteko, publizitatea erakusteko eta analisi estatistikoak egiteko. Nabigatzen jarraitzen baduzu, hauen erabilera onartzen duzula ulertuko dugu. Informazio gehiago nahi baduzu, kontsultatu Cookie Politika

X

Berria.eus

Iritzia Udaberritzen

Publizitatea

Iritzia

HITZ BESTE

Udaberritzen

 

2017-03-21 / Anjel Lertxundi

Eta gaur ere argitu du egunak, itzuli da udaberria den-dena enegarren aldiz edertzeko lana bere gain hartuta. Baina iaz baino are mundu itsusiago batean esnatu gaitu udaberriak, egin digu argi, oparitu nahi izan digu urteroko bizipoza. Zerena, orduan, bizipoza? Ohartu ote da iaztik hona munduak hartu duen itsustuaz, ez garela Babiloniako lorategietan bizi? Udaberria, ordea, xalo da, ez daki nola edertzen den gezurra; ez daki zenbat geruza faltsu duen demokrazia gisa mozorrotutako gure faltsiak; inork ez dio esan bere poz koloretsua ez dela iristen boterearen estolderietara. Baina bere xalotasunean, udaberriak galdetu duena da aireak zergatik utzi dion gardena izateari, zeri darion usaintzen ari den sufrearena baino kirats min erreagoa, nondik sortu den munduaren altzotik gainezkatutako zaborra.

Inoiz aitortu beharko diogu orain historiaren hilobi-zangetan ereiten dugula garia, aldatzen ditugula mahatsondoak bezala ziklamenak.

Publizitatea

Sortu kontua

Publizitatea