Webgune honek cookie-ak erabiltzen ditu zure nabigazioa errazteko, publizitatea erakusteko eta analisi estatistikoak egiteko. Nabigatzen jarraitzen baduzu, hauen erabilera onartzen duzula ulertuko dugu. Informazio gehiago nahi baduzu, kontsultatu Cookie Politika

X

Berria.eus

Iritzia Presiopean

Publizitatea

Iritzia

HITZ BESTE

Presiopean

 

2017-02-17 / Anjel Lertxundi

Irakasle onak urriagoak omen dira artista onak baino, hala dio George Steinerrek. Oroian ditudan irakasle onak, eragin zidatenak; haien eredutik edo haiek irakatsitakotik zerbait jaso nienak. Irakasle ona izateko zailtasuna, pertsonekin jarduten dutela. Ikasleekin nagusiki. Klaustroko beste irakasleekin. Gurasoekin. Gizartean. Esposizio publiko etengabe baten presiopean bizi da irakaslea. Joxe Lizasok ondo ulertu zuen zor diegun erantzukizuna: «ikasten ez badut esango ditek maisu tontoak nituela».

PISAko datuek are presio gehiago ekarri diete irakasleei: presioa gora eta gora, irakasleen prestigioa eta autoestima zapatapean. Bitartean —aspalditik dator— administrazioak bere eredukoa nahi du eskola-sistema ere, eta gero eta betebehar burokratiko, paper-festa kafkiano eta administrazio-lan antzu gehiagorekin itotzen ari da eskola. Irakasle lagun bati entzuna: denbora gehiago egiten diagu paperak betetzen umeekin baino!

Publizitatea

Sortu kontua

Publizitatea