HITZ BESTE

Kuota garestia

Anjel Lertxundi -

2017ko martxoak 1
Gustukoak ditut Non dago Wally? bezalako jolas bisualak. Begiek lehen kolpean ikusi ez dutenaz jabetzen laguntzen dute. Halaxe Vocento taldeko atzoko egunkarietako argazki handi koloretsu batek. Bertan, ehunka pertsona hamarnako mahaietan gosaltzen Espektatiba Ekonomikoa Foroak antolatutako enkontruan. Lehen planoan, Lehendakariaren mahaia: bederatzi gizonezko eta emakume bat. Bigarren planoko bi mahaietan: bederatzina gizonezko eta emakume bana. Hirugarren planoko lau mahaietan: idem amen hiru mahaitan, baina ez da garbi ikusten laugarreneko gosaltiar denak ez ote diren gizonezkoak. Argazkiaren atzeko partean, mahai ugari eta ehunka gizonezko, eta bospasei (edo) emakume besterik ez. Berrehun bat pertsonen artean, hamarren bat emakume gutxi asko.

«Zerbitzu sozialei eusteko» erreforma fiskala zuten hizpide han bilduek. Ulergarria emakume-faltarena: zerbitzu sozialei eutsiz beren kuota betetzen ariko ziren han-hemen.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna