Adituek gero eta arreta gehiago jartzen diote galeraren minari, maite duzun norbaiten desagerpenak utzitako hutsuneari: doluak ere bere terapia behar duela aldarrikatzen dute. Halabeharrak, patuak, jaungoikoak, biologiak —jarri nahi diozun izena— lapurtu egin dizu berebiziko estimutan zenuen pertsona bat. Inguratzen zaituztenak ere minez daude, baina zure mina, zure galera, zure sentipena zure baitakoak dira. Besteenen oso tankerakoak seguru aski, baina ezin dituzu transferitu, guztiz dira zure-zureak. Partekatu ezinak.
Denok sufritzen dugu halako egoeraren bat baino gehiago bizitzaren bidean. Hasieran, soinu bat entzun orduko inguruan, haruntz begiratzen duzu bertan ikusiko duzulakoan senidea, laguna, galera. Instant labur bat. Ausentziaren presentzia. Ez, ez duzu gehiago ikusiko. Begiak igurzten dituzu. Ez dago. Ez da egongo, eta bizitza tiraka ari zaizu, ez zaitezen hutsunearen zuloan gera.
HITZ BESTE
Dolua
Iruzkinak
Ez dago iruzkinik
Ordenatu