Albistea entzun

Euroa salbatzeko aterki juridikoa

EBZk zor publikoa erosteko eskumena duela uste du EBko Justizia Auzitegiko abokatu nagusiak.

Draghiren tesia nagusitzeak bidea erraztuko die ezohiko neurri gehiagori

Ivan Santamaria -

2015eko urtarrilak 15

Lehen garaipen juridikoa Mario Draghirentzat. Euroa salbatzeko asmoz EBZ Europako Banku Zentralak diseinatu zuen estrategia bat dator EBko legediarekin. Hala uste du, gutxienez, Europako Batasuneko Justizia Auzitegian kasuari buruz iritzia eman behar izan duen abokatu nagusiak. EBZren neurri nagusia zen arazoak zituzten herrialdeen zor publikoa erostea. Abokatuaren aburuz, helburu«zilegi eta diru politikarekin bateragarriak» ditu programa horrek.

EBko justizian abokatu nagusiaren zeregina da auziari buruzko iritzi independente bat ematea, epaileek ebazpena prestatu baino lehen. Abokatuaren iritzia ez da bete beharrekoa, baina kasu gehienetan horri jarraitzen diote epaileek ebazpena oinarritzeko.

2012. urteko irailaren 6an onartu zuen EBZko gobernu kontseilua OMT (Outright Monetary Transactions) izeneko programa. Horren helburua zen merkatuetan finantzaketa geroz eta garestiagoa zuten herrialdeei interes tasak murriztea —bereziki, Espainiari eta Italiari—. Horren truke, herrialdeek baldintzapeko erreskate bat onartu beharko zuten, troikaren gidaritzapean.

OMT programa ez da sekula praktikan jarri. Iragarpena egin ondoren, euroguneko zor subiranoaren krisia leundu zen, eta, horrekin batera, interes tasak merkatu ziren. Haatik, halako neurri bat hartzeko prest egote hutsak zalaparta handia sortu zuen, bereziki Alemanian.

Alemaniako eragile ugarik esan zuten gobernuak atzeko atetik finantzatzearen pareko zerbait zela, EBZk propio debekatua duen zerbait. Hainbat eragilek Auzitegi Konstituzionalera jo zuten neurriaren aurka, eta epaileek, auzia aztertu aurretik, legezkotasuna zalantzan zegoen puntuei buruzko galdera igorri zioten EBko Justizia Auzitegiari.

Argudioak eta baldintzak

Pedro Cruz Villalon da auziko abokatu nagusia. Abiapuntu gisa, argudiatu du auzitegiek «tarte zabala» utzi behar diotela EBZri, diru politikari buruzko kontuetan auzitegiak berak baino «esperientzia eta espezializazio handiagoa» duelako.

Oro har, programan dauden neurriak hartzeko —tartean, zor publikoa erostea— eskumena onartu dio abokatuak EBZri, ñabardura batzuekin. Ezohikoa bada ere, diru politikaren barruan dagoen zerbait dela uste du. Helburuak «zilegi» direla argudiatu du abokatu nagusiak, eta ez hori bakarrik: interes tasak murriztea lortzeko «egokiak» ere badirela azpimarratu du.

Programa ez denez inoiz erabili, ezin da jakin EBZk baldintza horiek urratuko lituzkeen, baina bankuaren zuhurtzia joerarekin bat datoz. Hasteko, EBZk ez luke zuzenean parte hartu beharko eragindako herrialdearen laguntza programan. Bigarrenik, neurria ondo argudiatzea eta proportzioarekin jokatzea. Azkenik, erosketa gauzatzeko kontuan hartu beharreko irizpide orokorrak ezarri ditu EBko abokatuak.

Kontrako iritzi batek zailago bihurtuko luke EBZk aurrez aurre duen ataka. Deflazioa uxatzeko, herrialdeen zor publikoa eskala handian erosteko asmoa du bankuak, eta aukera hori eztabaidatuko du astebete barru egingo duen bileran. Bide hori leundu dio, oraingoz, EBko justiziak.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Javier Remirez Nafarroako Gobernuko presidenteorde lehena, parlamentuan ©Jesus Diges / Efe

Nafarroan, Madrilek ez du oztopatuko 3.627 enplegu publiko egonkortzea

Joxerra Senar

Espainiako Gobernuak ez dio foru legeari errekurtsorik jarriko Auzitegi Konstituzionalean, eta uztailean Nafarroako Parlamentuak onartutako legea «bere osotasunean» sartuko da indarrean

Txik Txak garrai sareko autobus bat, Baionan, artxiboko irudian. ©Guillaume Fauveau

Ipar Euskal Herriko garraio zerbitzuko langileak greban sartu dira

Garazi Aduriz - Oihana Teyseyre Koskarat

Txik Txak garraio sareko langileek grebari ekin diote goizean. Salatzen dute egunean hamalau orduko lan txandak dituztela langile eskasiaren ondorioz.

LIDLeko langileak, greban. ©ELA Sidikatua

Bertan behera utzi dituzte Lidl eta BM supermerkatuetako grebak

Iñaut Matauko Rada

Langraiz Okako (Araba) Lidlen bloke logistikoan hitzarmen berria adostu dute, eta soldaten %20ko igoera lortu. BMn gaur ziren greba hastekoak, baina asteburuan lortutako «aurrerapenen» ostean, deialdia utzi dute.

Mondragon korporazioaren, Laboral Kutxaren eta Ikerlanen egoitzak, Arrasaten. ©MONDRAGON

Ulma eta Orona, Arrasatetik urrutiratzen

Aitor Biain

Mondragonetik atera, eta korporazioarekin harreman eredu berri bat izateko proposamena egin dute Ulmak eta Oronak. Ereduen talkak eragin du bide propioa abiatu nahi izatea. Abenduaren 16an erabakiko dute bazkideek.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...