Albistea entzun

Hamabost milioi eta erdi langabe

Eurogunean, langabeziak beherantz jarraitzen du, baina otsailetik martxorako jaitsiera apala izan da. Euroaren eremuan, langabezia tasa %9,5 da. Europako Batasuneko tasa %8ra murriztu da

Irune Lasa -

2017ko maiatzak 3

Krisiaren okerrena pasatu delako adostasuna gero eta handiagoa dela eta hazkunde ekonomikoak erritmoari eusten diola, eurogunean, hamabost milioi eta erdi lagun zeuden langabezian joan den martxoan. Aurreko hilabetean baino 5.000 langabe gutxiago zenbatu ditu Eurostatek, eta, kopuru txiki horren ondorioz, langabezia tasan ez da aldaketarik izan: tasa %9,5ean gelditu da. Urtebeteko bilakaeran, ordea, aldaketa ikusten da euroguneko langabezia tasan, 2016. urteko martxoan %10,2 baitzen; ordutik, 991.000 langabe gutxiago daude euroaren herrialdeetan.

Europako Batasuneko 28 herrialdeak kontuan hartzen dituen datuan bai, hor izan da jaitsiera, apala bada ere: %8,1etik %8ra jaitsi da otsailetik martxora; Eurostatek 56.000 langabe gutxiago zenbatu ditu martxoan: 19.716.000. Urte arteko aldaketari erreparatuz, 2016ko martxoan baino 1.647.000 langabe gutxiago zeuden Batasunean, eta langabezia tasa %8,7tik %8ra apaldu da.

Batasuneko 28 herrialdeetatik 23tan egin du behera langabezia tasak urtebetean, eta bitan —Frantzian eta Austrian— ez da izan aldaketarik. Langabeziak gora egin du Danimarkan —%6tik %6,2ra—, Italian —%11,5etik %11,7ra— eta Lituanian —%8tik %8,1era—. Urtebetean langabezian jaitsierarik handiena izan duten herrialdeak honako hauek dira: Kroazia, %14tik %11,3ra; Portugal, %12tik %9,8ra; Espainia, %20,3tik %18,2ra; eta Irlanda %8,3tik %6,4ra.

Oraindik ere, Grezia eta Espainia dira, alde handiz, langabezia tasa handiena duten EBko herrialdeak: %23,5eko tasa du Greziak, eta %18,2koa Espainiak. Haien atzetik hurrengoak Zipre (%12,5) eta Italia dira (%11,7).

2,7 milioi langabe gazte

Eurostatek aipamen berezia egin ohi dio 25 urtez azpiko gazteen langabeziari. Eurogunean, 2,7 milioi gazte zeuden martxoan lanik gabe, duela urtebete baino 268.000 gazte gutxiago. Grezia eta Espainia dira gazteen langabezia tasa handienak dituzte herrialdeak: %48ko tasa Grezian, eta %40,5ekoa Espainia.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Giza eskubideen aldeko ekintzaile batzuk multinazionalen jokabidea salatzen, Genevan. ©SALVATORE DI NOLFI / EFE

Erantzukizuna ez delako mugan amaitzen

Imanol Magro Eizmendi

Euskal enpresa transnazionalek atzerrian nola jarduten duten giza eskubideen ikuspegitik behatuko duen zentro publikoa sortzeko egitasmo bat diseinatu dute. 2022aren hasieran ekingo diote hura onartzeko ibilbide politikoari.
<b>Ignacio Sanchez Galan.</b> ©LUIS TEJIDO / EFE
LABeko ordezkariak ostegun honetan Eusko Legebiltzarraren atarian eginiko agerraldian ©Raul Bogajo (Foku)

LABek 30 orduko lan astea eta 60 urterekin erretiroa hartzea proposatu du

Jokin Sagarzazu

Bi lege egitasmo aurkeztu ditu Eusko Legebiltzarrean, Lan Kode eta Gizarte Segurantza sistema propioa sortzeko. Madrilgo negoziazioetan presioa egiteko eskatu die bertako alderdi politikoei.

Bizkaiko autoeskoletako langileen manifestazio bat, hil honen hasieran. ©MIGUEL TOÑA / EFE

ELAk bost greba eguneko deialdiari eutsi dio Bizkaiko autoeskoletan

Xabier Martin

Patronalarekin batzartu zen sindikatua atzo, baina ez da egon aldaketarik negoziazioan, eta urriaren 25etik 29rako lanuzte deialdia bere hartan utzi du ELAk

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.