Albistea entzun

Formula desberdinak

Podemosek Gasteizko bozetan alderdi instrumental bat erabiliko du, Iruñean elkarte bat, Bilbon koalizio bat.

Donostian, deus ez
IbaiZabal Bilboko plataformako kideak, joan den larunbatean egindako batzarrean.
IbaiZabal Bilboko plataformako kideak, joan den larunbatean egindako batzarrean. BERRIA

Enekoitz Esnaola -

2015eko martxoak 5

Podemosek duela hilabete batzuk erabaki zuen aurtengo maiatzaren 24ko udal hauteskundeetan ez zela aurkeztuko alderdiaren markarekin. Baina ez zion uko egin beste formula batzuen bidez parte hartzeari. Hego Euskal Herriko hiriburuetan aukera desberdinak erabiliko ditu.

Gasteizen alderdi «instrumental» bat sortu dute udal bozetan izateko: Hemen Gaude Sumando (Batzen). Fernando Iglesias Arabako Ahal Dugu-ko idazkari nagusiak atzo prentsaurreko batean esan zuen hautagaitzaren programak ia osorik jasoko duela Podemosen pentsamoldea. Alderdiko buruak ez dira zerrendan izango, eta Podemosen izena emanda ez dauden herritarrek aukera edukiko dute hautagai izateko. «Apustu irabaztailea» da Hemen Gaude Sumando, Iglesiasen esanetan, eta ez badira garaile, prest egongo dira beste indar batzuekin gobernu akordioak egiteko.

Bilbon oso litekeena da koalizio baten barruan joatea Ahal Dugu, BERRIAk jakin duenez, edo, bestela, eragile batzuekin alderdi instrumental bat sortzea. Hainbat herritarrek IbaiZabal plataforma eratu dute, mugimendu aurrerakoiak batzeko asmoz. Bilboko Ahal Dugu-k ondo ikusten du, eta, hangoez ez, Ezker Anitza-IUko, Equoko eta Alternativa Republicanako ordezkariak IbaiZabalek larunbatean egindako batzar batean izan ziren —urrian hiru alderdiok koalizio bat sortu zutela iragarri zuten—. Baliteke pare bat astera plataformak egintzat jotzea bat egitea; ondoren jakinaraziko du bozetarako formula.

Iruñean Ahal Dugu-ko kideek eta hainbat herritarrek hautesle elkarte bat eratu dute: Aranzadi. Joan den larunbatean hartu zuten erabakia, batzar batean. «Iruñean gobernatu duen kasta udaletik kentzea da xedea», esan dute. Maiatzeko udal hauteskundeetan hautesle elkartea aurkezteko, hiru mila sinatzaile behar dituzte.

Donostian Ahal Dugu-k ez du hautesle elkarterik sustatuko. Ez da, halaber, azken orduko mugimendurik ezean, Ezker Anitzaren-eta koalizioaren barruan sartuko, ez duelako haien helburuekin bat egiten, Hannot Sansinenea Donostiako Ahal Dugu-ko idazkari nagusiak duela aste batzuk adierazi zuenez. Hark urte hasieran kargua hartu berritan lehentasuna eman zion alderdia hiri mailan antolatzeari eta gizarte eragileekin biltzen hasteari. «Sortu berriak gara, eta harropuzkeria litzateke proposamenak egiten hastea».%61eko babesa jaso zuen idazkari nagusi izateko.

Hainbat herritan —handienetan—, hautesle elkarteak sortu dituzte, edo bidean dira, eta hil honen bukaeran beharrezko sinadurak biltzeari ekingo diote.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

Idoia Mendia, atzo. ©PSE-EE

PSEk «legediaren» balioa goraipatu du

Edurne Begiristain

Mikel Unzalu PSEko legebiltzarkide zena oroitu dute. Estatutua goretsi du Mendiak
Isabel Rodriguez eta Olatz Garamendi, atzo, Madrilen. ©FERNANDO ALVARADO / EFE

Beste bi transferentziari buruzko proposamena egingo du Madrilek urrian

Gotzon Hermosilla

Bizitzeko gutxieneko diru sarrera eta trenbideak dira Jaurlaritzari eskualdatu beharreko eskumenak. Transferentzia aurten itxi nahi dute
Ehunka lagunek egin dute bat Arrasaten, Sare-ren deialdiarekin

Ehunka lagun Arrasaten, euskal presoen eskubideen aldeko bilkuran

Iñaki Agirre - Jon Ordoñez Garmendia

Eguerdian euskal presoen eskubideen aldeko 50etik gora bilkura egin dira Euskal Herrian, Sarek atzo bertan behera utzi zuen martxaren ordez. Ertzaintza Voxen bilkuraren aurka protestan ari ziren antifaxistei oldartu zaie Arrasaten, eta taberna batean zegoen gizon bat zauritu du.

Arnaldo Otegi EH Bilduko koordinatzailea, artxiboko irudian ©Gorka Rubio/ Foku

Otegi: «XXI. mendean burujabetzak estatu izena du»

Edurne Begiristain

EH Bilduk Konferentzia Politikoa egin du gaur goizean Donostian, aurrera begirako erronkak zehazteko. Lan politikoaren, hezkuntza proposamenaren eta plan feministaren inguruan bozkatu dute.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.