Albistea entzun

Lezertua, eredu berrirako

Eusko Legebiltzarrak Manuel Lezertua izendatu du EAEko ararteko. Arartekoa txikitzeko erronkari helduko dio legelariak. EH Bilduk Barinagarrementeriaren alde bozkatu du
Manuel Lezertua, EAEko ararteko aukeratu berritan, atzo Eusko Legebiltzarrean egindako agerraldian.
Manuel Lezertua, EAEko ararteko aukeratu berritan, atzo Eusko Legebiltzarrean egindako agerraldian. JUANAN RUIZ / ARGAZKI PRESS

Edurne Begiristain -

2015eko maiatzak 29 - Gasteiz

Datozen bost urteetan Manuel Lezertua arituko da EAEko ararteko gisa, Eusko Legebiltzarrak hala erabakita. Ezusterik ez zen izan atzo osoko bilkuran, eta EAJk proposatutako hautagaiari babesa eman zioten PSE-EEko eta PPko legebiltzarkideek: orotara, 53 boto. EH Bilduko 21 legebiltzarkideek, berriz, Luix Barinagarrementeria hautagaiari eman zioten botoa, eta UPDk zuri bozkatu zuen. Iñigo Lamarcak kargua utzita, egitura txikiagoa eta funtzionamendu samurragoa izango duen Ararteko baten eredu berriari heldu beharko dio orain Lezertuak. Legebiltzarrak izendatu berritan, konpromiso hori hartu du EAEko ararteko berriak: «Arartekoak ahalegina egin beharko du krisi ekonomiko honetara egokitzeko, bere eraginkortasuna zalantzan jarri gabe».

Erakundearen egitura txikitzea izan zen PPk Lezertuaren hautagaitza babesteko jarritako baldintza, eta aurrezteko konpromisoari helduko diola esan du Bilboko legelariak. Urtea amaitu aurretik jakinaraziko du zein murrizketa egingo dituen berak ordezkatuko duen erakundean: «Jabetzen naiz azken hilabeteotan irekitako eztabaidaz, eta, gaurtik aurrera, xehe aztertuko ditut kontu horiek».

Babesa eman dioten legebiltzar taldeek ere ezinbestekotzat jo dute Arartekoaren erakundea egoera berrietara egokitzea, eta asmoa agertu dute Lezertuaren izendapena Arartekoaren Legearen moldaketarekin uztartzeko. Hala azpimarratu du PSE-EEko Jose Antonio Pastorrek: «Arartekoak gai izan behar du krisi ekonomikoari eta erakundeen eta herritarren arteko harreman berriei erantzuteko». Eta bide beretik mintzatu da Borja Senper PPko legebiltzarkidea: «Gastua arrazionalizatzearekin batera, eraginkorragoa izan beharko du».

«Giza eskubideak», erdian

Arlo ekonomikoa albo batera utzita, datozen bost urteetan garatuko dituen bestelako lan ildoak ere zehaztu ditu Lezertuak. Jakinarazi du «euskal herritarren giza eskubideen» alde lan egitea izango dela bere lehentasuna, eta «independentzia politikoz» eta «autonomiaz» egingo duela eskubide horien alde. Horrez gain, erakundeen elkar ulertzea eta lankidetza sustatzea, gainerako herri defendatzaileekiko komunikazioa erraztea eta herritarren eta eragile sozialen nahiak «entzutea» eta aintzat hartzea izango ditu erronka nagusi.

EAEko ararteko berriaren ibilbide profesionala eta «giza eskubideen» alde egindako lana azpimarratu dute EAJk, PSEk eta PPk osoko bilkuran. Iñigo Iturrate jeltzaleak nabarmendu du Lezertuak «giza eskubideen defentsan» egindako lana haren «arrakastaren» bermea dela. PSEko bozeramailearen ustez, berriz, Lezertuak Alderdien Legearen aldeko jarrera agertu izanak erakusten du pertsona «egokia» dela kargurako, ez zuelako jarrera «neutrorik» hartu.

EH Bilduren ustez, ostera, Barinagarrementeriaren hautagaitza «egokiagoa» da ararteko posturako, besteak beste, giza eskubideen defentsari «mugarik gabe» helduko liokeelako eta eskubideak «ikuspegi hedakor» batetik landuko dituelako. Lezertuaren curriculuma «ona» dela aitortu arren, Juanjo Agirrezabalak ohartarazi du legebiltzarra ez dela «kontratazio enpresa» bat.

UPDko Gorka Maneirok, bestalde, boto zuria eman du, ez dagoelako ados Lezertuaren hautaketa prozesuarekin.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

Martin Villa, iazko irailaren 3an Servini epailaren aurrean deklaratu ostean, auto barruan. ©JUANJO MARTIN / EFE

Martin Villa, Servinik auzipetua

Arantxa Iraola

Auto batean auzipetu du 1976ko Gasteizko hilketengatik eta German Rodriguezenarengatik
Nafarroa XXI egitasmoa babesten duten zenbait kide, atzo, Nafarroako Jauregiaren aurrean. ©IDOIA ZABALETA / FOKU

Dinamika berri bat, Nafarroaren geroari buruz eztabaidatzeko

Ane Eslava

Nafarroa XXI egitasmoa aurkeztu dute, Foru Hobekuntzaren inguruko «herri kontakizun» bat sustatzeko. 108 pertsonaren babesa dute
Kongresuko hitzaldietako bat, atzo, Hernanin. ©GORKA RUBIO / FOKU

Demokrazia Komunalaren Aldeko Nazioarteko Sarea aurkeztu dute

Jone Arruabarrena

«Kapitalaren logikarekin eta zapalkuntza modu guztiak» amaitzeko erez aritu dira, Hernanin

EAko kritikoek salatu dute «isilarazi» egin nahi dituztela

Berria

Modu «antidemokratikoan» jokatzea egotzi diote zuzendaritzari. Egoera «jasanezina» dela esan dute.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.