Andreen %42k jasaten dute itxura fisikoarekin lotutako indarkeria

Indarkeria matxistaren eta kontsumo arruntaren arteko harremanen inguruko txostena egin du Setem GGKEak.

Azterlanaren arabera, «kontsumoan bortizkeria matxistak naturalizatuta daude»
JON URBE / ARGAZKI PRESS

Pello A. Zuazo -

2016ko otsailak 25

Kontsumoarekin lotuta dago indarkeria matxista, eta, gainera, abagune horretan bortizkeria naturalizatuta eta barneratuta dago. Hala ondorioztatu du Setem gobernuz kanpoko erakundeak aurkeztutako Indarkeria kontsumitzen dugu? izeneko txostenak. Indarkeria matxisten eta kontsumo arruntaren artean zein harreman dagoen ikertu dute; bortizkeriok normaltzat jotzen direla azpimarratu du Iratxe Arteagoitiak, txostenaren egileetako batek: «Oharkabean pasatzen dira, eta zaila da horiek antzematea».

Hala, baieztapen hori frogatzen duten hainbat datu bildu dituzte ikerketan. Adibidez, emakumeen %42k aitortu dute itxura fisikoarekin lotutako indarkeria psikologikoa jasaten dutela. Eta arazoa handiagoa da emakumerik gazteenen artean; izan ere, %28k maila nabarmenean jasaten dute bortizkeria hori. Bestelako datu deigarririk ere aurki daiteke azterlanean: andreen %66,4k arriskua nabaritu dute bakarka, gauez eta kalean ibiltzean, eta %59k benetako beldurra sentitu dute.

Datuak emateaz gain, hausnarketa ere egin du Setemek, kontsumo kontzientea, arduratsua eta eraldatzailea bultzatu nahian. Gidaliburu didaktikoa ere egin dute, indarkeria matxistarik gabeko eta genero berdintasunean oinarritutako kontsumo gomendioak emateko asmoz.

Arteagagoitiak azaldu duenez, indarkeria matxista zuzenekoa, egiturazkoa edota sinbolikoa izan daiteke, baina hiru alderdiok lotuta daude. «Egiturazko indarkeria eta indarkeria sinbolikoa dira indarkeria zuzenaren oinarria». Bortizkeriak kontsumoarekin duen lotura aztertzeko, bi esparru horietan zentratu dute ikerlana. Hiru arlo aztertu ditu txostenak: hona hemen ondorio nagusiak:

ETXEKO ESPARRUA

Emakumeen %64k adierazi dutenez, etxea garbitzeko eta elikaduraz arduratzeko lan guztiez eurak bakarrik arduratzen dira; soilik gizonen %28,5 daude egoera horretan. Hein batean, «publizitate sistemari» egotzio dio txostenak: andreak erosketen eta etxeko lanen arduradun gisa agertzen diren neurrian, genero rolak eta sexuaren araberako lan banaketa areagotzen dira.

Modu berean, emakumeen %55 gehiago arduratzen dira etxeko beste kideez euren buruez baino. Kasu askotan, gainera, lanaldi hirukoitzak —lana, etxea eta familia— eskatzen dien energiaren ondorioz, andreek «estres, neke eta ondoez handia» dute. Azterlanak gogoratu du gizartean ez dela aintzat hartzen familiaren inguruko betebeharrez arduratzea: emakumeen %28 «frustratuta» daude horregatik.

PRODUKTU ESTETIKOAK

Emakumeen %42k itxura fisikoarekin erlazionatutako indarkeria psikologikoa jasaten dute. Produktu estetikoen inguruko usteekin lotu du ikerlanak: norbere buruarekin hobeto eta seguruago sentitzeko baliabidetzat jotzen dira, edota lan hobea edo bikotekidea aurkitzeko aukera gehiago izateko tresnatzat. Gazteenen artean, estetikaren loturiko indarkeria ertaina edo handia jasaten dute %28k.

HIRIETAKO MUGIKORTASUNA

Hirietako mugikortasunari eta bizimoldeei behatuz gero, emakumeek asialdirako eta jarduera pertsonaletarako denbora gutxiago daukatela hauteman dute datuek. Andreen %34k baino ez dute erabiltzen autoa lekualdatzeko —gizonen %60k—. Gainera, emakumeen %66k arriskua nabaritu dute bakarka, gauez eta kalean ibili direnean, eta %59k benetako beldurra sentitu dute. Areago: andreen herenei iruzkin lizunen bidez eraso diete inoiz, eta, ondorioz, lekualdatzeko ohiturak aldatu dituzte ahozko erasoak, eraso fisikoak eta sexualak jasateko beldurragatik.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Gazteluko plazan, terrazetan, jende ugari. ©IÑIGO URIZ / FOKU

Arnasa apur bat, «hodei beltzaren» erdian

Joxerra Senar

Urriaren 22tik Nafarroan ostalaritza itxita egon ostean, terrazak dituzten jatetxe eta taberna asko kanpoan zerbitzua ematen hasi dira. Arindu bat izan dela esan arren, uste dute oraingo itxiera «gogorragoa» izan dela. Urriaren 2tik zahar etxeak itxi ostean, egoiliarrei bisita egiteko aukera izan dute senideek berriro ere.
Osakidetzako langileen protesta, Donostian. ©ANDONI CANELLADA / FOKU

Sindikatuek alde egin dute Osakidetzarekin egindako bileratik

Arantxa Iraola

Administrazioaren proposamena edukietan «hutsala» dela deitoratu dute, eta ez duela langileen «aldarri bakar bat ere» aintzat hartu
Eva Ferreira, emaitzak jakinarazteko egindako ekitaldian, atzo. ©ARITZ LOIOLA / FOKU

Eva Ferreira izango da EHUko errektore, boto haztatuen %66rekin

Irati Urdalleta Lete

Parte hartze makurra izan da EHUko hauteskundeetako protagonistetako bat: botoa ematera deituta zeudenen %7,7 baino ez dira joan. Balluerkaren emaitzak berdintzea lortu du Ferreirak

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna