Albistea entzun

Urkijok Uemako beste sei udalen aurka jo du, aktak euskaraz bidaltzea egotzita

Babesa eskatu du Udalerri Euskaldunen Mankomunitateak, euskararen aurkako beste «eraso» bat delakoan.

Gaur Hakobaren bileran, aztergai
Uema eguna, iragan ekainaren 14an, Tolosan.
Uema eguna, iragan ekainaren 14an, Tolosan. GORKA RUBIO / ARGAZKI PRESS

Arantxa Iraola -

2014ko abenduak 16

Aduna, Arama, Altzaga, Antzuola, Bergara eta Itsasondo. Gipuzkoako sei udalerri horietako udalen kontrako helegiteak aurkeztu ditu Espainiako Gobernuaren EAEko ordezkari Carlos Urkijok: izan ere, leporatzen die euskaraz igortzea udal erabakiei buruzko aktak. Uema Udalerri Euskaldunen Mankomunitateko kide dira udal guztiak, eta ohar bat plazaratu du erakundeak, kritiko erabakiarekin, eta sostengua eskatzen: «Behar-beharrezkoa da euskararen aurkako eraso hauek lehenbailehen gelditzea. Euskararen normalizaziorako lana baldintzatu eta oztopatzen dute».

Hau ez da hizkuntza irizpideen harira Urkijok instituzioen aurka egiten duen lehenbiziko errekerimendua. «Helegiteek ez dute etenik», ohartarazi du Uemak. Horien inguruan Eusko Jaurlaritzak «babesa» agertu badu ere, horrekin ez dela aski nabarmendu du du mankomunitateak. «Babes horrek praktikan ez du inolako eraginik, eta helegiteak bata bestearen gainean pilatzen ari dira. Horiek horrela, kezka nagusitzen ari da bai Ueman, eta baita udaletako ordezkarien artean ere». Gaur, Eusko Jaurlaritzak deituta, Herri Aginteen Arteko Koordinaziorako Batzorde Hakobak batzarra egingo du, eta helegiteon harira hartu beharreko jokabidea zehazteko eskaria egingo diote bertan Jaurlaritzari.

Uemako lehendakari Maren Belastegik nabarmendu du helegiteak jasotzen ari diren udal asko txikiak direla, eta benetako arazo iturria dela Urkijoren portaera; gainditzen zaila. «Hainbat udalek ez dute epaitegietako gastuei aurre egiteko baliabiderik».

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Eusko Legebiltzarreko indar politikoak, Euskaraldiari sostengua adierazten. ©BERRIA

Euskaraldian, alderdi politikoak, erdaldunago

Jon O. Urain - Gotzon Hermosilla

Euskaraldiak ez du ekarri alderdiek euskara gehiago erabiltzea Twitter bidez hedatzen dituzten mezuetan. Zenbaitetan, erabilera apaldu egin da kanpainak iraun duen bitartean

Bizkaibuseko 80 ibilgailu ingururi gurpilak zulatu edo beirak margotu dizkiete ©Raul Bogajo / FOKU

Bizkaibuseko 80 ibilgailu baino gehiago sabotatu dituzte Trapagaranen

Berria

Zenbait autobus gurpilak zulatuta eta beirak margotuta agertu dira gaur goizean. Ezkerraldeko zerbitzuetan eragina izanen du gertatutakoak.

 ©GUILLAUME FAUVEAU

«Lorpen ttipiak behar dira frogatzeko batailak irabazten ahal ditugula»

Oihana Teyseyre Koskarat

Sortu zenean, gai sozialak landu nahi zituen Alda mugimenduak. Beharraren poderioz, etxebizitzaren arloko batailak eraman ditu azken bi urteetan. Orain, bizitegi sozialetako hauteskundeetara aurkeztuko da.
Egunkariak salgai Donostiako kiosko batean. ©GORKA RUBIO / FOKU

Eusko Legebiltzarrak euskarazko hedabideak «babesteko» eskatu du

Edurne Begiristain

EH Bilduk Jaurlaritzari egotzi dio «erdarazko hedabide handiak» lehenestea diru laguntzetan

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.