Albistea entzun

EKI DBHrako ikasmaterial digitalak aurkeztu dituzte

Eduki digitaletan soilik oinarritutako metodologia probatu dute Euskal Herriko bost ikastolatan.

Ikaselkar argitaletxeak garatu du proiektua
Donostiako Elkar aretoan aurkeztu zuten proiektua, atzo.
Donostiako Elkar aretoan aurkeztu zuten proiektua, atzo. GORKA RUBIO / ARP

Nagore Ares Amaya -

2015eko ekainak 16 - Donostia

Azken urte bietan, DBHko lehen zikloko ikasleek ez dute eskola libururik erabili Elgoibarko eta Oiartzungo ikastoletan (Gipuzkoa): eduki digitalen bidez eman dituzte eskolak. Hain zuzen ere, Ikaselkar argitaletxeak sortutako EKI pedagogia proiektuaren bertsio digitala probatu dute. «Hasierako kezkak» alde batera utzita, «oso balorazio ona» egin dute Elgoibarko ikastolako zuzendari Jabier Larrañagak eta Oiartzungo ikastolako irakasle Josu Arotzenak. Beste hiru ikastolarekin batera, haien ikastetxeak izan dira proiektua probatzen lehenak. Hurrengo ikasturtetik aurrera, ikastetxe orok eskuratu ahalko ditu materialak. Etorkizunean, lehen hezkuntzako materialak ere izango dira eskuragai.

Bigarren hezkuntzako euskal curriculuma lantzen du EKIk, eta IKT informazio eta komunikazio teknologiak «hezkuntzaren mesedetan jartzeko xedea dauka», Ikaselkarko arduradun Dani Maizak azaldu duenez. «Horren onura pedagogikoak indartu nahi ditu». Hiru oinarri dauzka proiektuak: euskara, konpetentziak eta integrazioa. Mikel Arrizabalaga argitaletxeko arduradunak jakinarazi duenez, EKIk euskaraz eta euskal kulturatik abiatuta lantzen du euskal currriculma. Ikasleek «beharrezko konpetentzia digitalak» lortzea du helburu, eta gazteak «bizitzako edozein egoeratan» konpetente izatea. Pedagogia integratzailea erabiltzen du horretarako: «Ikasleek ezagutza baliabideak bilatzen, aurkitzen eta erabiltzen ikasi behar dute irtenbideak aurkitzeko», nabarmendu Maizak.

Eredu digitalean guztiz murgiltzeak aldaketa «nabarmenak» ekarri dizkie ikastolei: metodologiak «erabat» moldatu behar izan dituzte, eta ikasleen eta irakasleen rolak berriz definitu. Arotzenaren ustez, «irakasleek protagonismoa galdu dute, eta bideratzaile bihurtu dira». Bat dator Larrañaga; ikasleen autonomia handitu dela azaldu du.

Hasieran hainbat zailtasun izan zituzten arren, ikasmaterial digitalak erabiltzeak «onura asko» ekarri dizkie. Elgoibarko ikastetxearen kasuan, ikasgai guztiak eredu digitalaren bidez eman dituzte, eta hala egiten jarraituko dute etorkizunean. Oiartzunen, berriz, bi ikasgaitan erabili dute, baina datorren ikasturtetik aurrera guztietan aplikatzea erabaki dute. Azaldu dutenez, beste ikastetxeetako eta Eusko Jaurlaritzako Hezkuntza Saileko arduradunen deiak eta bisitak jaso dituzte, metodologian interesa zutelako.

Ikastolen Elkartearen eta Elkar argitaletxearen elkarlanetik sortu zen Ikaselkar argitaletxea, 2011n, euskal curriculuma jorratzeko «kalitatezko» materialak euskaraz sortzeko helburuarekin.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Aitziber Sarobe eta Ainara Kaltzakorta, atzo, Ekotopaketen lehen mahaietako batean. ©ARITZ LOIOLA / FOKU

Kolektiboki ekiteko dei ozena

Maite Asensio Lozano

Krisi ekosozialari nola erantzun aztertzeko, Ekotopaketak egiten ari dira asteburuan Portugaleten, 'Azken krisia, gure garaia' lelopean
Los Arcos zirkuituaren inaugurazio ekitaldia, 2010eko ekainean. ©IÑIGO URIZ / FOKU

Los Arcos kostatu zenaren %10ean saldu du Nafarroako Gobernuak

Joxerra Senar

Gobernuko arduradunak pozik agertu dira salmentarekin, urtero lau milioi euroko gastua baitzuen zirkuituak. Zazpi milioitan saldu dute
Ikoitz Arrese, atzo, Eusko Legebiltzarrean. ©RAUL BOGAJO / FOKU

EH Bilduk harreman fase bat hasiko du eragileekin hezkuntza legeaz aritzeko

Irati Urdalleta Lete

Ikoitz Arrese legebiltzarkideak «patxada eta ausardia» eskatu dizkio Jaurlaritzari. Bildarratzek eragileekin mintzatzeko prestasuna erakutsi du

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...