Albistea entzun

Adingabeek jasotzen dituzten mezu sexistez ohartarazi du Emakundek

Emakumeen Nazioarteko Eguneko kanpaina martxan jarri du erakunde horrek.

Desberdintasuna «ikasi» egiten dela gogorarazi du
Emakundeko ordezkariak, atzo, kanpainaren aurkezpenean.
Emakundeko ordezkariak, atzo, kanpainaren aurkezpenean. JAIZKI FONTANEDA / ARP

Aitor Biain -

2016ko martxoak 1 - Gasteiz

Gaztetxoengan jarri du arreta Emakundek. Areago, haur eta nerabeek egunerokoan jaso eta barneratzen dituzten mezu sexistetan. Nesken eta mutilen arteko desberdintasuna areagotu eta generoen arteko botere harremanak «betikotzen» dituzten mezuez ohartarazi du Emakumearen Euskal Erakundeak. Hain zuzen, hori bera izango du ardatz martxoaren 8ari begira: Berdintasun eza ez da berez sortzen: egin egiten dugu. Aldatu dezagun. Egin dezagun berdintasuna izango da Emakumeen Nazioarteko Egunerako kanpainaren leloa. Gaurtik martxoaren 15era iraungo du aurtengo ekinbideak.

«Zer-nolako mezuak eta aginduak helarazten dizkiegu haur eta gazteei? Galdera hori jarri dugu kanpainaren erdian, azaltzeko berdintasunik eza ez dela berez sortzen den gauza bat, baizik eta guk eraikitzen duguna eguneroko mezu eta jarrerekin», azaldu du Izaskun Landaida Emakundeko zuzendariak, kanpainaren berri ematerakoan. Ana Alberdi Emakundeko idazkari nagusiarekin batera aurkeztu du. Nabarmendu duenez, egitasmoaren helburua «egunez egunekoan dauden desberdintasunak hautematea da».

Bada, mezu sexisten bitartez neskek eta mutilek jasotzen duten tratu desberdina salatu nahi du aurtengo kanpainak. Izan ere, «jarrera berdin baten aurrean, agindu ezberdinak jasotzen dituzte», Emakundeko zuzendariak adierazi duenez. Hori horrela, neskek, besteak beste, edertasunari, ontasunari, diskrezioari, zaintzari eta otzantasunari buruzko mezuak jasotzen dituztela esan du Landaidak. Mutilek, ordea, oldarkortasunari, arrakastari, anbizioari eta sentimenduak ukatzeari buruzkoak.

Adibideak ere jarri ditu: esaterako, azpimarratu du neskei «ez zaitez marisarjento izan» esaten zaiela eta mutilei, berriz, «liderra izateko gaitasuna duzu» adierazten zaiela. «Neskak, nagusiki, edertasunagatik balioesten dira, eta besteekin atseginak izateko hezten dira. Mutilek, berriz, ahalduntze mezuak jasotzen dituzte». Alegia, deitoratu duenez, neskei «Bai polita nire neska!» esaten zaie, eta mutilei «Nire txapelduna!» eta antzeko mezuak helarazten zaizkie.

Ildo beretik, Landaidak azaldu du neskak babesa behar duten ustean hezten direla, «eta mutilak, buruaskiak direnekoan». «Neskei esaten zaie ezer baino lehen daudela maitasuna eta zaintza; mutilei, aldiz, sentimenduak ukatu behar dituztela, eta esparru publikoan arrakasta lortu behar dutela», erantsi du.

Mezuen arabera, nortasuna

Gauzak horrela, hausnarketarako deia egin du: «Gazteek egunero jasotzen dituzten mezuez jabetu behar dugu, jasotako tratuaren arabera eratzen baitute nortasuna». Izan ere, gizarteratze prozesuak bizitza osoan irauten badu ere, haurtzaroan eta nerabezaroan duen eragina azpimarratu du Landaidak. «Antzeratze eta identifikazio mekanismoen bitartez ikasten dugu, eta, ondorioz, familiak eta inguratzen gaituen jendeak dituen jokabide eta jarrerek garrantzi handia dute garai horietan».

Erantsi du, gainera, adin horretan ikasten direla batzuengandik eta besteengandik espero diren jokabideak, neskengan eta mutilengan «onartzen direnak eta zigortzen direnak». «Gizarte eragileek —tartean familia, eskola, lagunak, komunikabideak, publizitatea— helarazitako mezuen bitartez» ikasten dute emakume eta gizon izaten.

Horrenbestez, Landaidak nabarmendu du desberdintasuna «ikasi» egiten dela; alegia, «egitearen ondorio» dela, eta, beraz, gogorarazi du «guztion» esku dagoela horri aurre egitea. «Ohartu behar gara nork bere esparruan berdintasuna landu dezakeela; alegia, gizartea osatzen dugun guztion egitekoa dela».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BERRIA

Hilekorako produktuen BEZa %10etik %4ra jaitsiko du Madrilek

Uxue Rey Gorraiz

Preserbatiboei eta medizinalak ez diren antisorgailuei ere eraginen die merkatzeak; pixoihalei, ez.

Hablamos español elkartearen protesta Madrilen, joan den astean. ©FERNANDO ALVARADO, EFE

«Zelan erdaldundu Euskal Herria?»: dekalogo bat eman du Euskal Encodingsek

Uxue Rey Gorraiz

Espainiako epaile batek «gaizkile txiki bat» sortzeko dekalogoa eman zuen joan den hamarkadan. Hori oinarri, eta begirada euskarara zuzenduz, beste bat argitaratu du Euskal Encondingsek: Etxean erdaldun txiki bat sortzeko dekalogoa. Hamar gako dira, ironiaz biziturik.

Elbira Zipitriaren estatuaren aurkezpena, Gipuzkoako foru jauregian. ©Gipuzkoako Foru Aldundia

Elbira Zipitriaren estatua bat jarri dute Gipuzkoako foru jauregian

Julen Otaegi Leonet

Lehenbizikoz, andre baten eskultura bat jarri dute jauregiko ohorezko patioan; Gipuzkoaren historiako izen handientzat gordetako espazioa da.

Imanol Pradales Sestao e Areetako metro geltokiak lotuko ditun trenaren aurkezpenan. ©Bizkaiko foru aldundia

Sestaoko eta Areetako metro geltokiak lotuko dituen trenak ez du makinistarik izango

Mikel Garcia Martikorena

Itsasadarraren azpitik igaroko den tren baten bidez, Bilboko Metroko lehenengo eta bigarren lineak lotuko dira.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...