Albistea entzun

BIRA

Galdera bat

Miren Amuriza -

2017ko urtarrilak 25

Sevillako jarraitzaileek Sadarren eskegitako pankartaz ari ginen lagun batek oraintsu gertatua kontatu zigunean: bere semearen futbitoko entrenatzailea Ruben Castroren kamisetarekin agertu zen partida batera. Gure lagunak listua irentsi eta diplomaziaz azaldu zion: «aizu, barkatu, ez dakit badakizun, baina Ruben Castro neskalagunari tratu txarrak emateagatik auzipetuta dago. Kamiseta horrekin genero indarkeriaren apologia egiten ari zara eta ume hauen erreferentea zarenez, arduraz jokatzeko eta berriz ez janzteko exijitzen dizugu...». Zer gertatu zen? Bada, morroia harrotu egin zela eta ondorengo astean, entrenamendura ez eze, eskolara bere haurrak jasotzera ere elastiko harexekin joan zela.

Zerbaitek huts egin zuen lagunaren mezuan, agian zer esan ondo pentsatu zuelako eta ez hainbeste nori ziotson (aldean zer zeraman soberan zekien gizon probokatzaileari). Agian esan izan balio «aizu, Ruben Castro maltratadore bat da eta kamiseta horrekin andrazkoen kontrako biolentziaren propaganda egiten ari zara. Mutiko hauetakoren batek zure alabari ipurdia uki diezaiokeela ondorioztatuko balu, zer? Ez berriro umeengana horrela agertu, salatu egingo zaitugu bestela».

Zerbaitek huts egiten du indarkeria matxistaren kontrako diskurtsoan; konbentzitzeke daudenentzako baino, jada konbentzituta daudenentzako moduan komunikatzen dugulako agian?

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...