BIRA

Gaur

Idurre Eskisabel -

2014ko azaroak 25

Gaur, 2014ko azaroaren 25ez, printzesa goxoekin apaindutako izara artean esnatuko dira hamaika neska txiki; superheroi borrokalariaren maindire artean trabatuta hamaika mutikotxo. Bihotzez beteriko leotardo politak zulatu gabe jolasean tentuz ibiltzeko ohartaraziko zaie neskatoei; dinosauro beldurgarridun txaplatak domina izango dira mutikoen praka urratuetan. Baloiari ostikada indartsuak ematen dizkioten mutikoek —eta haien baimena jaso duen neskatoren batek— beteko dituzte eskoletako jolastokien erdiguneak; futbolari izarren amorru planta oldarkor/oilarkorrak egingo dituzte etengabe —etxean ere ikasia dute testuinguru horretan oihua eta iraina zilegi dela—. Elkarri lepotik helduta «arrosa, asquerosa!» deiadarka itzuliko dira ikasgelara, euforiko, aldarrikatuz gizon-oilar ez den guztia azpitik dela. Eta, hain justu, jolastokiaren bazterretan ibiliko dira beren jolas bazterrekoetan neskatoak eta, gainerako, ez-mutikoak. Normala irudituko zaie zokoan aritzea. Normala —are, gustagarria— beraiek ez dutela indarrik, ahulak direla, eta gelako superheroitxoen eta babesa ez ezik, tutoretza eta oniritzia lotu behar dituztela pentsatzea.

Eta gaur, 2014ko azaroaren 25ez, harritu egingo gara leitzen dugunean nerabeen artean duela mende erdiko indarkeria patroi berak errepikatzen direla mutilengandik neskengana.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Santos Indurain kontseilaria prentaurreko batean, artxiboko irudian. ©Jesus Diges/EFE

324 kasu atzeman dituzte Hego Euskal Herrian

Berria

Kasuen beherakada orokorra izan da herrialde guztietan: Araban 44 kasu detektatu dituzte (-31); Bizkaian, 180 (-31); Gipuzkoan, 35 (-29); eta Nafarroan, 59 (-87). Nafarroako Gobernuak ez du neurri orokorrik ezarriko oraingoz. «Atzokoa ez zen alarma guztiak pizteko modukoa, eta gaurkoa ez da kriskitinak jotzekoa», adierazi du Santos Indurain Osasun kontseilariak.

Zahar etxe bateko egoiliarrak paseoan, artxiboko irudian. ©Marisol Ramirez/FOKU

Donostiako zahar etxe bateko egoiliar batek positibo eman du

Berria

Zahar etxe bereko bi langile ere kutsaturik daude.

Gizon bat PCR proba egiten, Donostian. ©Gorka Rubio / FOKU

Hogei milioi koronabirus kasu baino gehiago detektatu dituzte mundu osoan

Oihane Puertas Ramirez

COVID-19a 188 herrialdetara iritsi da, eta 736.000 lagun baino gehiago hil ditu.

Nafarroako osasun langileak PCR probak egiteko prest, artxiboko irudi batean. ©Jagoba Manterola/FOKU

Agerraldi bat detektatu dute Murillo el Fruto eta Zarrakaztelu inguruan

Berria

30 positibo atzeman dituzte; gehienak, laborarien artean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna